Aiseya 59:17 - DAWAN BÎLA AISKA

¹⁷ Dawan ai kasakka lâka ba ni ai lama prakaika kum baku diman. Ai lal ra sin swaki sakan sumurka ba bapan; pana munaia kwalka ba brih bara ai prâka baku diman. Bara ai kupia baiwaia lâka ni ai pura prâka tara baku diman.

Aiseya 59:17 ပူးပေါင်းရင်းမြစ်များ

Job 29:14

Kasakka lâka bara wapni lâka ba yang wîni pîska kum kata, baha nani ba yang prâika kan bara yu bani dimi kapri.

Lawana Nani 69:9

Man wamtla tâwan lawanka ba mita, ai angki âpu ai daukisa; saura munaia ba purira kauhan sa, baha nani man ra saura mai wi nani ba.

Lawana Nani 94:1

¡Mariks Dawan, man ba Gâd pana mamunra sma ba!

Aiseya 11:5

Kasakka lâka prâka dimi kabia, wapni lâka sin.

Aiseya 26:11

Dawan, man upla nani klala yabaia ridi sma, sakuna witin nani baha kaikaia brin daukras; man upla nani ra latwan kaikisma ba ra, witin nani lawaska kakikra takisa. ¡Man kupiam baiwanka pata klauhi mita, angki tikaia pan si!

Aiseya 37:32

Kan Jerusalem ra takaskan yaba sin takbia, bara Saion ilka ra sin pruras swakwan nani ba bâra kabia. Naha ba Dawan karnika sut pali bri ba latwanka lâka ba mita daukbia.

Aiseya 42:13

Dawan bal takbia pura lalura tara baku, bara war aiklaklabra lapta baku, aiklabia ai bîla baikra tara ni, ai waihla nani pura lubia, karna takbia sin.

Aiseya 51:9

¡Rawi bus! ¡Rawi bus! Dawan klahkla, man karnikam prâka ba dims; rawi bus piua luan ra daukram ba baku, piua wihka luan ra baha daukram ba; Rehob ra klakatma ba, bara dragun kabu ra ba.

Aiseya 63:15

Dawan, kaiks, kasbrika pura wina, man iwaikam holikira pranakira ra iwisma ba wina. ¿Anira sa man bui yawan ra latwan pali wan lukisma ba tânka, bara karnikam ba sin? ¿Anira sa man kupiam lukanka mununhta wina kupiam pinhka lâka nani ba yang nani dukira brisma ba? ¿Man umpira kaikan lâka brisma ba danh takan ki yang nani wal?

Aiseya 63:2

—¿Dîa muni prâmka ba ban pauni pali ba, kwalkam ba, wain taibaia watla ra, wain mâ minam ni taibi kapram prâka baku pauni pali takan ba?

Aiseya 63:3

—Âu, yang yakan wain taibaia watla ra wain taibri, upla kumi sin hilp ai munras; bara witin nani ba yang lawanki tara ni mini ra taibri; ba mita sika ai tâlia ba yang kwailka nani ra srikwi alkan, bara kwailka nani sut tâski takan.

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Isikiel 5:13

Bara yang kupi baiwanka ba sakamna; bara lawanki witin nani mapara ba âuyapah lâka daukamni, bara daihra walamna. Bara lawanki witin nani mapara mangkamna ba ra, ai tânka bribia, yang Dawan ba mita sika wîri lawanki tara tilara.

Sakaraya 1:14

bara baha ningkara witin ai win, yang naha bîla naku aisamna: “Karnika sut bri ba Dawanka ba, naku aisisa: ‘Yang lika Jerusalem ra latwan pali kaikisni, Saion ilka ra sin.

Jan 2:17

Baha kat disaipil nani ba Ulbanka ra aisi ba tânka bri banhwan: “Man wamtla na tâwan, yang kupi aiska ni lawri.”

2 Korint 6:7

diara kasak pali dukiara smalkanka yabi banhwisna ba bui bara Gâd karnika ba mita sin. Aiklabaia dukia wapni pali ba yus muni banhwisna, wan dukiara aiklabi pura luaia ba dukiara bara wan mapara aiklabaia aula ba mapara sin.

Epesus 6:14

Bahamna ban bapi bûi banhwi bas, kasakka lâka kwalka ba ni dims, bara wapni lâka ni kainam suni bas.

Epesus 6:17

Swaki sakan lâka ba sin lal pura bikaia baku lamla ra baps, Spirit Holikira mita wanki sord ba sin bris, baha sika Gâd bîla.

1 Tesalonaika 5:8

Sakuna yawan lika kakna uplika nani, baku bamna, wan dahra pain wali kaia sa. Yawan na kasak lukan lâka bara latwan lâka wal wan kaina kahbaia sa, sim suldiar kum ai lal prakaia dukia ni ai kaina kahbi ba baku. Baku sin yawan na swaki sakan lâka ba wan kanra bîla kaikaia sa.

2 Tesalonaika 1:8

Witin balbia, Gâd ra kakaira apia nani ra, bara wan Dawan Jisas Kraist swaki wan sakan sturka yamni bîla wali daukras nani ra klala yabaia.

Hibru Nani 10:30

Yawan kaikisa Dawan ba naku aisan: “Upla ra klala yaia ba yang mihti ra sa; yang mita sika aibapamna ba.” Bara naku sin aisisata: “Dawan ba ai uplika nani lâka daukbia.”

Param Marikanka 19:11

Bara kasbrika pura ba kwawan kan kaikri, bara bahara aras pihni kum kan. Purara uli kan ba nina Kasak bara Kasakkira pali kata, witinka ba wapni lâka ra lâ dauki bara war aiklabi bamna.