Aiseya 59:11 - DAWAN BÎLA AISKA

¹¹ Yang nani wingku tara nani ini ba baku inisna, bara yang nani maimna lulkisna butku nani sarkira pali ai mamna lulki ba baku; swaki wan sakaia bîla kaiki banhwisna, sakuna balras; swaki sakan lâka baha sin yawan wina laihura taki wan.

Aiseya 59:11 ပူးပေါင်းရင်းမြစ်များ

Lawana Nani 119:150

Nini blablikra saurakira nani ba laimara sa, sakuna smalkankam nani wina lika laihura sa.

Lawana Nani 119:155

Man hilpkam ba watawi dadaukra nani wina laihura sa, kan witin nani man lâmka nani ba plikras bamna.

Lawana Nani 38:8

Wîni aiska swapan pali sa bara karniki sin âpu; ¡yang karna inisni, kupi alki takaskaia sip apia!

Lawana Nani 55:2

Yang ra wali bara pana ai aisas; trabilki tila wina mamkabisna. Waihli bîla baikra ba mita ai tatatbisa, watawikira nani winanka ba mita sin. Sari lâka ni wirha ai taiban sa; praut pali taki yang ra aisisa.

Lawana Nani 85:9

Kasak, sa, Gâd ba wan lamara sa, ya witin ra kulki nani ba swaki sakaia, bara ai prana ba wan tasbaya ra bâra kabia.

Aiseya 38:14

Suki tara baku, plipli baku sin yang brukwi katni; butku baku maimna lulki kapri. Naikra nani kasbrika purara kaiki swapan. ¡Dawan, yang na ai taiban sa, man bui yang dukira pana aisas!

Aiseya 51:20

Daiwan alkaika ni sula ra alkan ba baku luhpiam nani ba karnika âpu sa, Gâd kupia baiwanka mita yabal bani ra ikan prawi banhwisa, Gâd mita wapni daukaia mata.

Aiseya 59:14

Baha mita wapni lâka ba tnaya ra tawan, kasakka lâka ba sin laihura taki wan, yawan wan kasakka lâka bri wal pulaia pliska ra mina prukan, bara nanara wapni lâka ba sip balras.

Aiseya 59:8

Kupia kumi yabalka witin nani kaikras, ai yabalka nani ra sin kasakka ba âpu sa. Ai yabalka sirpi nani ba, warha man sa; ya ya kabia sin baha nani bâk auya ba kupia kumi lâka ba kaikbia apia.

Aiseya 59:9

Baha mita sika swak takan lâka ba yawan wina kitwi takan ba, bara pri lâka ba wan lamara balras sa; yawan ingni briaia bîla kaiki kan, sakuna kaiks tihmia tara baman sa; ingni briaia wisi bîla kaiki kan, bara yawan tihmia ra wataukisa.

Jirimaya 8:15

Yawan sika aihwaki kan wan mapara yamni ba balaia, sakuna yamni kumi sin yawan ra balras kan. Yawan sika siknis wina rawaia bîla kaiki kan, sakuna sirang wan ikaia lâka bamna sa.

Jirimaya 9:1

¡Aitani lukaina naikra nani ba lî kârma kum baku kata, naikra laya ba tingni lî aubi ba baku kaia, bamna kakna ra bara tihmia ra ini kaia yang upliki nani pruan ba pura mata!

Inanka Nani 3:17

Yang sulki ba kupia kumi lâka wina laihura sakan sa, bara lilia lâka ba dîa sapa sut âiya tiwan sa.

Isikiel 7:16

Bara baha nani tila swakbia ba, il tara nani ra wabia bara twi langni butkuka nani sirang iwan baku, ai mamna lulki kabia, sakuna sut prubia saura daukan bamna.

Oseas 7:14

witin nani ai krikrika ra aitniki karna winisa sakuna, ai lukanka pali wina yang ra ai pura sunras. Witin nani plawar, wain briaia dukiara ai pura suni ba ra, ai lukanka ra insauhkisa; ¡sakuna witin nani, yang maipara buan!

Nahum 2:7

Kwin mairin ba alki priski, alba lâka ra brih auya, bara albika mairin nani witin wal brih auya, baha nani butkuka lawi baku ai mamna lulki, ai lama pruki inisa.

Nahum 2:8

Lî watla tara baiwan wina lî karna plapi ba baku, Ninibi uplika nani ba taki plapi kan. “¡Takaski banhs! ¡Kli tawi bal!” upla bui wini kan, sakuna kumi sin tawi balras kata.