Aiseya 59:10 - DAWAN BÎLA AISKA

¹⁰ Yawan utla tnaya ra sapi tauki banhwisa blain baku; bara kapi kaiki watauki banhwisna wan nakra âpu kan baku; yu wan lal kat ra, yang nani mini prukisna tihmu ra kan baku; yang nani tihmia tasbaya nani ra sna upla pruan nani baku.

Aiseya 59:10 ပူးပေါင်းရင်းမြစ်များ

Job 5:14

¡Kakna yu ingnika pali ra, tihmia ra baku upla traika kaiki taukisa; kunin prâka siksa ba dimi, kakna ra tihmia baku wataukisa!

Sins Lâka 4:19

Sakuna upla watawikira nani yabalka ba lika tihmia tara ra sa; witin nani ai dahra walras, dîa mita ai mina prukisa sapa.

Aiseya 28:13

Baha mita Dawan bui witin nani ra aisabia tuktan sirpi nani ra baku, namika ra aisi kaikaia lan taki ba; witin nani wapbia bara kauhbia ba ra, insauhkan kabia, mina alkaika ra dimbia, bara bahara takaskbia.

Aiseya 8:14

Bara witin ba man nani minam alkaika baku kabia; baha walpaya ra sika man nani minam prukma, baha mita Israel kingka tasbaya wâl ba batakbia; wan mina alkaika baku kabia, Jerusalem uplika nani baha kiwka ra mina alki kauhbia.

Aiseya 8:15

Upla ailal ai mina prukbia, ailal sin kauhbia, ban sin prubia; upla mina bahara alkbia ban krikan kabia; aiblakwi priskan kabia.”

Jirimaya 13:16

Man nani bui Dawan Gâdkam ba pain kulki bas, witin bui man nani ra tihmia tara ba kau bri balras bara kiasma ilka nani ra kau minam prukras sma ba ra; baha ingnika bîla kaikisma witin mita kau tihmia tara ba bri balras dista tara ba kau daukras ba ra.

Inanka Nani 3:6

witin mita dista tilara aikan buri, patitara pali pruan nani ba baku.

Inanka Nani 4:14

Witin nani tawan bîla yabalka nani ra, nakras baku sip kasak ai dara walras kira wapi kan; tala wal tâski pali aihwa takan kan bamna, upla kumi sin witin nani ra ai mihta ni sip kangbras kan.

Isikiel 21:15

Witin sibrin lâka ni banhbia, manis pali ra rausauhkan kabia. Ai watla nani ra sord âikra ba mangkri sa. ¡Sordka ba klaki wapni daukan, imyula baku lipaia, iki tikaia dukiara mala daukan!

Emus 8:9

Dawan aisisa: “Yang baha yua ra daukamna, lapta wan lal kat yu ingnika ba prakan kabia, bara kakna pali ra tasba ba tihmia tara daukamna.

Miqueas 3:6

“Man nani prapit kuninkira nani, kli tihmia yapi kaikma apia, baku sin naika takaia dahra wima apia tihmu tilara. Lapta ingnika ba, baha prapitka nani wina tiwbia, bara kakna ingnika ba sin, tihmia tara iwbia.”

Jan 12:35

Bara Jisas bila baha nani ra: —Kaiks, piua wiria baman ingni ba kau man nani tilamra kabia. Bamna watauki bas kau baha ingnika brisma ba ra, tihmia kra mai alkbiara sîa; kan tihmia ra watauki uplika ba, witin kaikras sa anira auya sapa.

Jan 12:40

“Gâd mita baha uplika nani ba nakras bara kupia karna daukan, ai nakra nani ni kaikbiara sîa, bara ai sinska ni tânka bribiara, bara witin nani tawi yang ra balka rakamnara sîa.”

Kli Smalkanka 28:29

lapta dinar kat ba blain tihmia ra tauki baku kama. Diara sut dauki kama ba yamni takbia apia; kaikma piua sut ra taiban lâka ra bara rausauhkan ra sin iwi kama, upla kumi sin hilpkam ra aisabia apia.

1 Jan 2:11

Sakuna ya ai muihni ra misbara kaikisa kaka, witin lika tihmia ra iwisa bara sin taukisa; ba mita witin anira auya sapa kaikras sa, tihmia ba mita nakra sut blain dauki bri ba mita.