Aiseya 58:7 - DAWAN BÎLA AISKA

⁷ Plun wahwi nani ba wal, patam ba wina yuaia, umpira nani aimawahki tauki nani ba wamtla ra bris, kwala luha nani ba kaikma bara dimaika yama, bara man muihkam nani pât ra ba hilpka daukaia.

Aiseya 58:7 ပူးပေါင်းရင်းမြစ်များ

Blasi Sturka 19:14

Bara Lot wan, ai luhpia mairin nani briaia, makaban waitnika nani ba sut maisa pakan, bara witin nani ra win: —¡Man nani bus, naha tawanka na wina taki was, kan Dawan balan tawanka na sauhki tikaia! Sakuna ai dapna nani ba witin ra sip kasak lukras kan, baha sturka witin nani ra win ba.

Blasi Sturka 19:2

bara Lot witin nani ra win: —Dawanki nani, yang bui man nani ra mamkabisni, naha tihmia man albikam watla ra bal takaskaia. Bâra minam sikbaia sip sma bara yapaia sin, bara yauhka titan yabalkam ra impakaia. Sakuna witin nani pana win: —Apia, tingki, yang nani ban latara lalawamna.

2 Kronikas 28:15

Ningkara kainara upla nani nina mâkata uplika nani ba bal dukia nani ba ai mihta ra bri banhwan, bara kwalka âpu kan nani ba kwala yaban, sûska sin yaban, plun yaban, diranka daskan, insauhkanka nani ba sîka yan, latwan bri nani ba biriku ra suni Jeriko kat brih wan, sila dusa ailal pâwi tawanka ba ra ai taya nani mihta ra mangkan. Ningkara witin nani kli Sameria ra balan.

Nihimaya 5:5

“Yang nani muihki aikuki tawanki kumi kiamka sna; yang nani luhpi nani witin nani ai luhpia nani wal sim sât sa. Ban sakuna kaiks, yang nani luhpi waitna nani bara luhpi mairin nani alba lâka ra pat mangki banhri sa. Pat baku daukan sa luhpi mairin nani tila pat alba lâka ra sa, sakuna yang nani sip takaskras, kan tasbayi nani bara wan nasla nani sin pat upla wala dukia takan sa bamna.”

Job 22:7

Yamna lî din dauki kan ba ra, lî diaia yaras katma, bara yamna plun dauki kan ba ra, plun piaia yaras katma.

Lawana Nani 112:9

Umpira nani tilara diara yuisa ai kasak lâka ba ban sa, ai lal buki ai kulkanka lâka ba wal.

Sins Lâka 11:17

Kupia pihni waitnika ba, ai rayaka pali ra yamni munisa, sakuna kupias uplika lika, ai wîna ra saura munisa.

Sins Lâka 22:9

Upla wala ra yamni kaiki uplika ba, yamni pali munan kabia, witin ai pata ba wina umpira nani ra yabi bamna.

Sins Lâka 24:11

Pruaia pâtka ra brih wan nani ba swaki sâks; baha nani sin prura pâtka briaia lamara ba pri sâks.

Sins Lâka 25:21

Man waihlam plun wahwi kaka, witin ra plun dakaks, bara diran dauki kaka, lî diaia yas;

Sins Lâka 28:27

Upla umpira ra diara yabi uplika ba, sip diara luha kabia apia; sakuna ai nakra praki tnaya ra laki uplika ba ra kasak lahtuban kabia.

Aiseya 58:10

bara patam ba plun dauki nani ba ra yama kaka, upla sarka paskan ba swima kaka, bâra mika tihmia tara ra, ingnikam ba baiwi bal takbia, man distikam ba yu wan lal kat ingnika baku kabia.

Jirimaya 22:3

‘Kasak lâka bara wapni lâka ba man nani naha tasbaya ra dauks, man nani tataibra nani ba mihta wina taiban uplika nani ba pri sâks, tringsar nani ba mâyara kulkpara bara sin rausauhkpara, rau nani ba bara piarka mairin nani ba sin. Upla pâtkas nani ba sin ikpara.

Isikiel 18:16

upla wala ra taiban lâka daukras kabia; diara witin wina lin taki ba mana aibapaia taibi munras kabia; upla kum ra sin implikras, plun dauki nani ra plun bri ba yabi kabia, kwala luha nani sin kwala yabi kabia;

Isikiel 18:7

upla ra taiban lâka munras, ya wina dîa brin ba kli yabisa; upla kumi ra sin implikras; ai britka ba yui brisa ai walka wal, bara ai kwalka ba kwala luha nani ra yabisa;

Daniel 4:27

Baku bamna, king dîa mai wisna ba kat dauks, diara sut wapni kat dauks bara sin kli saura daukpara, saurkam nani ba mahka swis, bara umpira nani ra hilp muns, ban kra baku lika sip kama king ban kaia kupia kumi lâka ra pâwi kaia.’ ”

Luk 11:41

Sakuna man nani mita umpira nani ra diara yabi bas bîla tani ra bâra ba wina, bara baku mika diara sut klin daukan kabia.

Luk 19:8

Bara Sakius ai mina ra bûi, Dawan ra win: —Kaiks, Dawan, dîa brisna ba wina bakriki prais umpira nani ra yabisna; bara upla dukia kunin muni implikri kaka, kau aima walhwal prais yabaisna.

Luk 3:11

Jan pana win: —Ya prâk wâl bri ba, prâk âpu uplika ra kum yaia sa; ya sin plun bri ba, plun âpu uplika wal yui briaia sa.

Apastil Nani Sturka 16:15

Witin lika ai watla uplika nani sut ba wal tahbi daukan. Ningkara yang nani ra makaban: —Yang na kasak Dawan ra tawri lukisma kaka, man nani bal waitla ra dimi takasks. Bamna witin taibi ai munan takaskaia.

Apastil Nani Sturka 16:34

Ningkara, witin nani ba ai watla ra bri si plun dakakan. Bara witin ai watla uplika sut aikuki lilia pali kan, nahki witin nani Dawan ra kasak lukaia lâka alkan ba dukiara.

Roman 12:13

Gâd uplika nani dîa luha ba hilp munma; upla bal mai kaiki nani ba pain bris.

Kli Smalkanka 22:1

“Man nani kaikram uplikam kum bîpka, apia kaka sîpka kra tiwan sa kaka, tânka briras sma wiaia apia, sakuna uplikam ra bri si yas.

1 Timoti 5:10

Witin nani diara yamni nani daukan ba mita, upla nani bui kakaira kaia sa: ai luhpia nani pain pakan kaka, ai watla ra upla nani wan ba aikuki pain kan kaka, kristian nani mina nani sikban kaka, trabil bri nani ra hilp munan sa, apia kaka wark yamni wala nani daukan sa kaka sin.

Pilimon 1:7

Bamna man latwankam lâka ba mita, uya lilia bara karnakira ai daukram, bara man tânkam mita, muihki laitwankira, kristian ailal maisa nihkram sa.

Wihta Nani 9:2

—Wan taya nani nina ra, yang bui man nani ra mamkabisni, man nani Siquem uplika nani ra aisi kupia laks, Jerubaal luhpia waitna nani 70 witin nani ai purara wihtka aimaki kaia ba watlika ra, wis kanra yamni sa waitna kumi baman wihta aimaki kaia.