Aiseya 58:3 - DAWAN BÎLA AISKA

³ Bara ban sakuna, witin nani wisa: ‘¿Yawan dîa muni kaiki plun wahwaia, Dawan tawi wan kaikras ba? ¿Yawan dîa muni mâyara bawi pât taki kaia, witin baha tânka sin briras ba?’ Sakuna damra wals, man nani kaiki plun piras sma ba yua ra, man nani brinkam ba kat hilpkam daukaia plikisma, bara warkkam tatakra nani ra diara dakbisma.

Aiseya 58:3 ပူးပေါင်းရင်းမြစ်များ

Esdras 8:21

Bara Ahavá tingnika un ra, witin nani sut ra maisa pakanka kum daukri, ai kupia kriwan lâka ra plun piras kaia, Gâd wan Dawan mawanra wan saurka dahra sakaia, bara baku sin witin ra makabaia yabal bâk yamni wan brih wabia dukiara.

Nihimaya 5:7

Bamna yang aman luki kaikri bara wihta nani ba bara wark tâ brabrira nani ra sin lawi daukri, witin nani ai taya ai tawanka uplika nani purara nahki wirhika baku kahbisa. Bara baha purkara paiwanka tara kum paiwri upla sut witin nani ra balaia, baha lâka aisaia.

Job 34:9

Witin bila wisa: “¿Upla ba dîa brisa, Gâd nakra ra yamni kaikbia ba?”

Lawana Nani 69:10

Inisna, plun wahwisna ba ra, witin nani laiwaska kikisa;

Sins Lâka 28:9

Ya Gâd ra lâ walaia apia wisi ai kiama laki ba, Gâd sin witin ai pura sunra ba saura pali kulkan sa.

Aiseya 22:12

Baha ba mita, karnika sut bri Dawanka ba mai paiwan naha yua ra; man nani inaia, sari briaia, tâmwa kusbaia bara sari kwalka dimaia sin.

Aiseya 22:13

Sakuna nanara, kaiks, lilia lâka baman sa, bîp nani ikaia, baku sin sîp nani, wîna piaia, wain diaia. Man nani aisaram: “Yawan nani plun pi kap bara sin di kap, kan yauhka yawan sut prubia bamna.”

Aiseya 47:6

Yang upliki nani mapara kupi baiwan kan, bahki lâka mihta ra mangkri nisanki nani pali ra bara swiri man karnikam munhtara kauhan, man bui witin nani ra umpira kaikras kapram bara almukkam nani pahpaya ra wirhika nani sunram.

Libait Lâka 16:29

“Naha lâka na sin man nani ban baku dauki kama: mani bani kati 7 yua matawalsip aimaki ba ra, warkkam nani sut takaski si, Israel luhpia sut tringsar nani tilamra iwi ba sut, kaiki plun piras kaia sma.

Libait Lâka 16:31

Baha yua ba sunu kaiki plun piaia apia lâka ba daukaia baman kabia, ris yua sin.

Libait Lâka 23:27

“Kati 7 yua matawalsip ba, pâtka swih tikaia yua kabia. Aidrubanka yua lilia holikira dauki kama, baha yua plun piras kabia, prisant ba angkan kabia, Dawan ra pain kulkanka yabia.

Malaquía 3:14

Naha sika man nani aisaram ba: ‘Dawan warkka daukaia ba wark bahki sa. ¿Witin ai warkka daukaia wanki ba dauki wina yawan dîa yamnika sakaia sip sa ki, sari kwalka dimi, Dawan karnika sut bri ba mawanra watauki kaia ba?

Kulki Kaikanka 23:4

bamna bahara Gâd Balaam ra latan takan, bara Balaam aisi, win: —Yang altar 7 paskri, bara altar kumi bani purara bîp wainhka lupia kumi sîp wainhka kumi angkri.

Luk 15:29

Bara witin ai aisika ra wisata: ‘Man pain kaikisma nahara nahki mani ailal man warkkam takisna, aima kumi sin bîlam lulkras, sakuna aima kumi sin man guts lupia kum pan aikras, yang upliki nani aikuki lilia briaia.