Aiseya 58:11 - DAWAN BÎLA AISKA

¹¹ Yang mita piua bani ra tâm bri kamna, bara upla iwras tasbaya ra plun ailal maikamna, wînam aiska ra karnika maikamni bara sin tangni nani ailal pâwi pliska giadin baku, pain lî ni buskan kabia, lî nani kârma kum baku, baha laya nani ba sip lâwras ba baku.

Aiseya 58:11 ပူးပေါင်းရင်းမြစ်များ

Job 5:20

Plun wahwan piua ra, prura wina dakbi mai sâkbia bara war aiklabanka piua ra, sord wina dakbi mai sâkbia.

Lawana Nani 1:3

Bara baha uplika ba dus kum baku sa, awala lamara mangkan ba, ai piua kat ai mâ saki ba, ai wahia nani ba sin srawras sa. ¡Bara diara sut witin dauki ba, yamni baman takisa!

Lawana Nani 107:9

Kan witin diran dauki nani diranka daskisa, bara plun dauki nani ra biara banhki yabisa.

Lawana Nani 25:9

Witin bawikira nani ra ai yabalka ra tapahkisa; ¡baha nani kasakka lâka ba smalkisa!

Lawana Nani 32:8

Dawan ba naku aisisa: “Man kat yang mai kaikisni. Yang mai smalki mai wimna, yabal ba mamrikamna man anik waia sma ba.

Lawana Nani 33:19

witin nani ba prura wina swaki sakaia, plun dauki ba ra rayaka yabia mata.

Lawana Nani 37:19

Witin nani piua saura nani tilara; plun wahwan piua ra witin nani swira daukan kabia apia, plun ailal piaia bri kabia.

Lawana Nani 48:14

Wan Dawanka ba baku sa, ban kaia ra ban kabia. ¡Witin ba wan tâ brabrira ban kabia, ban kaia ra!

Lawana Nani 73:24

man sins lâka mairiki, ai brih taipahkram naha diara sut lubiara, man kulkanka aikma.

Lawana Nani 84:7

karnika kau tara daukan kabia, bara Saion ra lika Gâd karnika tara bri ba kaikbia.

Lawana Nani 92:14

Almuk takbia sin ban ai mâ saki kabia; piu sut karna kabia bara raya kabia sin,

Sins Lâka 11:25

Ya kupia pain ba, yamni ra pâwisa; ya diara yui ba, baku sin brin kabia.

Sins Lâka 13:4

Upla sringwaskira kupia ra diara brin dauki ba bribia apia, ya wark takbia ba lika, tara pâwan kabia.

Sins Lâka 28:25

Gridikira uplika ba aiklaban bukisa, sakuna Dawan kat luki tniwi uplika mapara diara sut pain takbia.

Sins Lâka 3:8

baha sika wînam tara saika kau pain ba, wînam tara ra sin karna mai sakaia sip ba.

Yamni Kulki Lawana 4:15

Giadin bîlak lî kârma plapi ba, baha ba liwanhta sa, witinka wina sika Líbano ilka laya aubi ba.

Aiseya 27:3

Yang, Dawan nasla ba main kaikisna, piua bani lî laikisna. Tihmia ra kakna ra main kaikisna, upla kumi mita sin saura munaia apia ba mata.

Aiseya 33:16

baha ba kasak iwbia, walpa tara nani ra ai kan kahbaika pliska kum bribia, witin ra ai pata yabia, ai laya briaia ba lika kasak pali brin kabia.

Aiseya 41:17

“Kupia kriwan umpira nani ba, lî plikisa, sakuna sip lî sakras. Diran daukan man ai twisa nani ba sut lâwan sa; sakuna yang, Dawan ba witin nani ra walamni, yang lika Israel Gâdka lulki swimna apia.

Aiseya 44:4

Bara inma baku pâwbia, yasu dusa nani sâtka baku lî nani lamara, sauhka purara sin pâwbia.

Aiseya 49:10

“Witin nani kli plun daukbia apia, diran sin daukbia apia, yu laptika mita sin bara lapta bitnika mita sin munbia apia, kan yang bui witin nani ra latwan sna tâ brisna bamna, bara lî kârma nani ra brih wamna.

Aiseya 57:18

Ai yabalka nani ba yang kaikri; sakuna witin ba rakamni, bara ris sin yabamna bara aiska ai âuyapah kaia, witin ra maisa nihkra yabamni, ai uplika nani sari bri nani ba ra maisa nihkamni.

Aiseya 61:11

Âu, tasba wina inma nani urhwi taki pâwi ba baku, giadin ba sin, mâ nani yan urhwi taki ba baku, Dawan ba sin baku daukbia kasak lâka ba, mayunra lâka ba sin yaka urhwi takbia nisan nani sut mawanra, bara lawana kum aiwanbia.

Aiseya 66:14

Man nani baha kaikma, bara kupiam lilia takbia, bara man nani dusam ba kli raya karna takbia twi raya taki pâwi ba baku; bara Dawan mita ai dukia dadaukra ba param marikan kabia, bara ai waihla nani mapara, ai kupia baiwanka ba marikbia.

Jirimaya 17:8

Dus kum awala un ra mangkan ba baku kabia, wakia nani ba lî aubi ba ra pâwisa, lapta taki bara witin sibrin daukras, wahia nani ba sisitni sangni sa. Lî auhras ba piua ra sâp sa, piu sut mâ nani ba bâra sa.

Jirimaya 31:12

“Witin nani balbia bara lilia mita aiwani kabia Saion ilka ra, ai lilia pulan kabia Gâd yamnika ba wal: bara plawar, wain bara batana laya, bîp nani bara sîp nani sut. Kaupin pain paskan ra baku kabia bara kli ai karnika tiwbia apia pali.

Isikiel 36:35

Bara wibia: Naha tasbaya, upla iwras tasbaya takan ba, nanara lika Eden giadinka baku takan sa; tawan nani sauhki tikan kan ba, diara âpu pali sauhki tikanka tara ra swin kan ba, nanara lika kan kahbaika pliska nani takan, bara upla nani bâra iwisa.

Oseas 13:5

Yang main mai kaikri lapta baman upla iwras tasbaya nani ra.

Jan 16:13

Kasak tânka Spiritka balbia ba ra, witin mita mai smalkbia diara pali ba tânka. Witin ai brinka ba kat aisabia apia, sakuna dîa witin walbia ba baha aisabia, bara dîa dîa naika takaia ba sut mai wibia.

Jan 4:14

sakuna yaura yang mita lî yarka dibia ba, kli din daukbia apia. Kan yang lî diaia yamna ba, witin wina lî aubi kabia raya ban kaia ra.

Jan 7:38

Ya yang ra kasak luki ba, Ulbanka ra aisi ba baku, witin ai kupia wina lî rayakira nani awala baku aubi kabia.

Kli Smalkanka 15:4

Baku lika man tilamra umpira nani âpu kabia, kan Dawan Gâdkam witin bui yamni mai munbia, baha kuntrika maikaia ba ra,

1 Tesalonaika 3:11

Gâd wan Aisa pali, bara wan Dawan Jisas Kraist wal mita, yang nani ra hilp ai munbia man nani wih mai kaikamna dukiara.