Aiseya 57:15 - DAWAN BÎLA AISKA

¹⁵ Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Aiseya 57:15 ပူးပေါင်းရင်းမြစ်များ

Blasi Sturka 21:33

Bâra Ebraham bui Beerseba ra tamaris dusa kum mangki, bara witin Dawan Gâd rayakira ra ai pura sunan.

1 King Nani 8:27

“Ban sakuna, ¿baha ba kasak sa ki, Gâd ba naha tasba purara iwi kaia? Bara kaiks kasbrika pura ba bara yahpika ba sip alki briras sa, bara nahki sip kabia naha tempel yang bui paski maikri na.

2 Kronikas 34:27

bara kupiam ra uya luki yang ra mihti ra aimakram bamna naha pliska ra bara ai uplika nani iwi ba mapara aisari ba walram bamna, bara man lika yang ra bawram bamna, kwalkam nani sin kalkram maiwanra, baha mita sin mai walri. Yang, Dawan, mai wisni.

Job 22:29

Kan Gâd lika pura luan dauki ba mâyara batakisa, bara bawikira ba swaki sakisa.

Job 6:10

Wîni latwanka nani saura ai taiban ba mita, yang ra maisi nihkra tara kum kabia, bamna piu bani Gâd kasakkira lâka ba holikira kulkri.

Lawana Nani 111:9

Ai uplika nani ra pri lâka yan, bara wal lâ daukan ba ban kaia ra bapi swin. Gâd ba holi sa bara sibrinkira sa sin.

Lawana Nani 115:3

Yawan wan Gâdka ba kasbrika purara sa; witin mita ai brinka ba kat daukan.

Lawana Nani 123:1

Dawan, man ra mai kaiki makabisni, man ra, kasbrika purara king aimakisma ba.

Lawana Nani 138:6

Dawan ba lika purara sa, ban sakuna bawikira uplika kat kaikisa; kuna pura luan dauki nani ra lika laih wina kaikisa.

Lawana Nani 138:7

Trabil saura wal prawisna ba ra, man sika raya ai brisma, bara man karnikam ni swaki ai sakisma yang waihli nani lawi saura ai munaia pliki ba wina.

Lawana Nani 34:18

Kupia lukra kriwan bara bîla kaikanka sin âpu takan uplika ba lamara Dawan bâra sa, witin baha uplika nani ba swaki sakaia dukiara.

Lawana Nani 34:19

Upla yamni baman dauki ba, pât uya wahwisa, sakuna Dawan mita baha pâtka nani sut ba wina pri sakisa.

Lawana Nani 51:17

Wan spiritka kriwan ba sika, Gâd ra prisant yaia; Gâd, man upla ba ai kupia wirha bawikira mai pliki ba, man sip lulki swima apia.

Lawana Nani 51:19

Bâra mika sakripais maiki ba brima, daiwan nani, prisant nani aiska angki maiki ba sut sin brima. Bâra mika altarkam purara bîp wainhka nani yaban kabia.

Lawana Nani 83:18

¡Witin nani ai dara wali banhbia, man baman Dawan sma. Kaikbia man baman Laih Purara iwisma ba, tasba aiska ra!

Lawana Nani 90:2

Il nani ba kau paskras kan wina, tasba na bara tasba aiska sin kau daukras kan ba ra, piua nani sut wan kanra aula ba ra, man ban wan Gâdka sma.

Lawana Nani 93:2

Baha piua wina, Dawan, man iwaikam ba ban bâra sa. Man patitara wina ban bâra sma.

Lawana Nani 97:9

kan man Dawan Laih Purara iwisma ba, man tasba aiska ba purara sma, bara man kau purara sma, Gâd bahki nani sut ba wal.

Lawana Nani 99:3

Witin ai nina ba mayunan kabia, witin ba tara bara sibrinkira sa; ¡Gâd holikira sa!

Impakan Sturka 15:11

Dawanki, ¡gâd wala âpu sa man wal mai prakaia! ¡Kumi sin âpu sa man baku tara, saurka lâka âpu ba! ¡Diara aihka painkira nani daukisma, diara sibrinkira nani sin! ¡Man mamyunra briaia ba aitani pali sma!

Impakan Sturka 15:13

Naha uplika nani swaki sakram na, man lamtwanka lâka ni tapahkisma. Karnikam ni tâ bri auma iwaikam watla holikira ba ra waia.

Impakan Sturka 15:18

¡Dawan ba king aimaki ban kaia ra ban kabia!”

Impakan Sturka 40:34

Utla ba sut mâkan ba ra, tint watla ba kasbrika kumi bal Dawan prana ni madiskan, bara tint watla ba Dawan prana ni banhkan kan.

Impakan Sturka 40:35

Bara Moses watla ba ra sip dimras kan, kasbrika ba baha purara bâra ba mita, bara Dawan prana sin banhkan kan ba mita.

Sins Lâka 16:19

Kanra yamni sa, umpira nani aikuki bawan lâka bri kaia ba wihki yuyakira takaia, prautkira nani wal.

Sins Lâka 8:23

Blasi pali wina, yang pas bapi ai bukan kan, diara sut kan kira, wan tasba kau âpu kan ba ra.

Aiseya 18:4

Dawan bui ai win: “Pliski ba wina trabil âpu kira kaiki kamna sin, mani piua ra lapta ingni pali taki baku, diwas laya kasbrika bitni pali piua ra buski ba baku, sâp kamna.

Aiseya 33:5

Dawan yakan ai lâka daukisa, witinka ai iwaika ba laih purara ba ra iwisa; wapni lâka bara kasakka lâka witin Saion ra banhkan,

Aiseya 40:28

¿Man kaikras sma ki? ¿Man walras sma ki? Dawan sika Gâd ban kaia ba, tasba lui waia piua sin witin mita paskan ba. Witin dring swapras, swapan bara bahkia takras, witin diara tânka kaiki ba sut alkaia ba upla kumi sin âpu sa.

Aiseya 52:13

Bara kaiks yang warkki dadaukra warkka ba, pain man takbia, purara sin bukan kabia, bara laih purara mangkan kabia.

Aiseya 6:1

King Ozías pruan ba manka ra, yang Dawan ba kaikri king iwaika kum ra iwi kan laih purara, pranakira pali; tempel aiska ba ai prana ni banhwan kan.

Aiseya 6:3

Bara pana pana ai bîla baikra saki, wini kan: “Holi, holi, holi karnika sut bri Dawanka ba; tasba aiska ba ai prana ni banhwan.”

Aiseya 63:15

Dawan, kaiks, kasbrika pura wina, man iwaikam holikira pranakira ra iwisma ba wina. ¿Anira sa man bui yawan ra latwan pali wan lukisma ba tânka, bara karnikam ba sin? ¿Anira sa man kupiam lukanka mununhta wina kupiam pinhka lâka nani ba yang nani dukira brisma ba? ¿Man umpira kaikan lâka brisma ba danh takan ki yang nani wal?

Jirimaya 10:10

Dawan sika Gâd pali ba, Gâd ai rayaka bri ba, king ban ba. Witin ai kupia baiki ba ra tasba nikwisa; ai kupia baiwi ba mapara nisan nani sip bapi buras.

Inanka Nani 3:41

Kaisa yawan bui kasbrika purara ba Gâdka ra wan lukanka nani bara wan pura sunra nani daukaia.

Isikiel 16:63

Man kupiam kraukma, bara swiram lâka tara pali damra walma; bara bawan lâka sin baku man kli bîlam kwâkma apia; yang saurkam swih tikamna, diara nani daukram ba sut wina. Yang, Dawan, kasak aisisna.’ ”

Isikiel 9:4

Bara win: “Jerusalem lila bâk lui was, bara sain kum mangks upla nani lal purara, baha nani sari bri nani ra, baha saurka nani witin nani ai tilara dauki ba dukiara.”

Daniel 2:11

Man king tara sma ba, makabankam ba karna pali sa, bamna upla âpu sa baha mai wiaia, gâd nani baman lika, ¡sakuna baha nani ba wan tilara âpu sa!

Daniel 4:17

Naha lâka nani sika aihwawakra insalka holi nani wan win ba, upla nani sut ba tânka bribia dukiara, Laih Purara iwi Gâdka ba naha tasba kingka nani sut purara karnika bri ba, witin yaura king lâka yaia ba yabisa, bara nisan kum tâ aimaki kau upla mâyara ba buki tara daukisa.’

Daniel 4:34

“Ai piua win ba aimakan ba ra, yang Nabucodonosor, naikra kasbrika purara bukri bara laila saura takan kan ba wina rawri, bara Gâd Laih Purara yaba ra yamni pali wîri, mayunra din yabri naha bîla nani ba wal: ‘Karnikam ba ban kaia ra ban kabia; kingkam lâka ba kiamka kum wina kiamka wala nani ba kat ban kabia.

Joel 2:13

Man nani, Dawan Gâdkam ra kli tawi bal, bara kupiam brinka saura ba kalki sâks, prâmka kalkaia watlika ra, Dawan ba kupia lukra swapni lupia sa, umpira kaikan lâka sin brisa, ai kupia alki takaskisa, latwan kaikan lâka sin marikisa, wilin sa klala maiki ba, mahka takaskaia sin.

Miqueas 5:2

Bara man, Betlehem Efrata, Juda uplika tawanka nani tilara, tawan sirpi pali sma; ban sakuna, Israel wihtka tara ba man nani tilam wina bal takbia, witin ba kiamka kulkanka blasi pali yua wina aula sa.”

Miqueas 6:8

Dawan bui man ra pat mai win, dîa ba yamni daukaia tânka bara dîa man wina bîla kaiki ba. Bamna naha pali sika, man daukaia witin mamkabi yaba: kasakka lâka daukma, kupia pihni lâka ba, latwan kaikma, bara Gâdkam mawanra bawikira kaia sma.

Sakaraya 2:13

¡Yarka upla nani sut Dawan mawanra sâp pali kabia, kan witin iwi yaba watla holikira ba wina yawan ra aula sa!

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Matiu 6:9

Baha mita, man nani naku puram suns: ‘Yawan Aisa kasbrika purara sma ba, ninam ba holikira kulkan kabia.

Luk 1:49

Kan Gâd, karnika sut bri ba mita diara tara nani yang ra daukan; ¡ai nina sin holikira sa!

Luk 4:18

“Dawan Spiritka ba yang purira sa, kan aihka ai sakan sa, sturi yamni upla umpira nani ra brih waia dukiara; silak ra mangkan uplika nani ra pri lâka smalkaia ai blikan, bara blain nani ra yarka kaikaia, taiban ra uplika nani ba pri sakaia;

Apastil Nani Sturka 3:14

Baha uplika holikira bara kasakkira ba pri sakaia makabaia ba watlika ra, man nani upla saurakira pali kum ni pri sâkbia makabatma.

Roman 1:20

Gâd wina yang nani sip kaikras ba, witin diara nani paskan bâk kaikisa. Baha ba sip sa param pali kaikaia, tasba paskan piua ba wina, witin ba Gâd sa bara piua bani karnika ban brisa; baku bamna, saura dadaukra nani ba aisi sip swak takbia apia.

2 Korint 1:4

Pât nani sut yawan wahwi ba tilara witin yawan wan maisa nihkisa, bara baku yawan sin sip kabia wala nani pât wahwi ba sin maisa nihkaia, witin wina baha maisa nihkra yawan ra wanki ba, baha nani ra yabaia.

2 Korint 2:7

Bamna nanara lika kau pain kabia, witin ba saurka swih tikaia lâka bara maisa nihkaia, sarka lâka uya ba mita, baha uplika ban tanis tiwbiara sîa.

2 Korint 7:6

Sakuna Gâd, witinka swapnikira nani ra karnakira saki ba karna wan sakan, Taitus balan ba ra;

Kli Smalkanka 33:27

Gâd ban kaia ba man yukuwaikam sa, ai karnika ban kaia ba man tâm baikbia, ai waihla nani ai mawan wina yan plapan bara man ra karnika maikan sauhki tikaia.

1 Timoti 1:17

Baha mita, ¡ban kaia ra yawan prana bara mayunra yabi kap; ban kaia Kingka ra, witin sip pruras ba, sip wan nakra ni kaikras ba, bara Gâd kumi baman ba! Baku kabia.

1 Timoti 6:16

Witin baman sika sip pruras ba; witin ba upla sip lamara waras ingnika ra iwisa. Upla kumi sin kau witin ba kaikras sa bara sip sin kaikbia apia. ¡Prana ba bara karnika ba sin ban kaia ra, witin dukia kabia! Baku kabia.

Hibru Nani 9:14

Sakuna baku sa kaka, ¡Kraist tâlia ba kau karnika tara pali brisa! Ban kaia Spiritka bâk, Kraist witin ai wîna tara pali ba sakripais tâski âpu baku dauki, Gâd ra yaban. Witin ai tâlia ba mita wark bahki nani ba wina wan kupia dara walra ba klin daukisa, yawan bui Gâd rayakira dukia nani ba daukaia sip kabia dukiara.

Jems 4:6

Sakuna Gâd ai yamnika mita kau latwan wan kaikisa, kan Ulbanka ra naku wan wisa: “Gâd bui prautkira nani ba mapara buisa, sakuna bawikira nani ra lika ai yamnika ba ni hilp munisa.”

1 Pita 5:5

Baha sim natka ra, man nani wahma nani, almuk nani karnika munhtara bawi bas. Man nani sut kumi bani walkam munhtara bawaia sma; kan Ulbanka ra naku wisa: “Prautkira nani ba Gâd mita batakisa, sakuna bawikira nani ra lika ai yamnika ni buki hilp munisa.”

Param Marikanka 15:4

Dawan, ¿ya man ra sîam briras kabia? ¿Ya sin man ra mamyunras kabia? Kan man baman sika holikira, bara nisan nani sut bal man ra ai pura suni mamyunbia, daukankam kasak nani ba upla sut mita kaikan bamna.”

Param Marikanka 3:7

“Filadelfia sertska insalka ra sin ulbi wis: ‘Naku wisa witinka holi bara kasakkira ba, king Debit kî mihta bri ba; witin dur ba kwâkuya ba ra, upla kumi mita sin sip prakras; bara witin prakuya ba ra, upla kumi mita sin sip kwâkras ba:

Param Marikanka 4:8

Diara rayakira walhwal ba kumi bani ai tnawa 6 bri kan, bara nakra pali baman banhki kan pura tani ra bara bîla tani ra sin; kakna bara tihmia naku aisi takaskras kan: “¡Holi, holi, holi, Dawan, Gâd karnika sut bri ba, witinka kaina wina bâra kata ba, bâra ban ba, bara naika balaia ba!”

1 Samuil 2:2

¡Dawan, wala kum man holi sma ba baku âpu sa! Gâd, man wan kahbisma ba baku wala âpu sa: ¡Man wal baku wala âpu sa!