Aiseya 56:8 - DAWAN BÎLA AISKA

⁸ Yang yabrika kli tawi balbia bara asla takbia, baha nani kau upla wala tasbaya ra bâra nani ba.” Dawan, baha kasak aisisa. Israel yarka kli tawi bal asla takbia baiwi takan ba.

Aiseya 56:8 ပူးပေါင်းရင်းမြစ်များ

Blasi Sturka 49:10

Juda karnika bri ba, upla kumi sin baha karnika ba witin wina dakbia apia. Baha karnika dusa ai mihta ra ba sin, upla wala witin wina dakbia apia. Baha karnika dusa dawanka ba balbia kat, bara upla sut ba witin ai bîla wali daukbia.

Lawana Nani 106:47

¡Dawan, swaki wan sâks, Dawan wan Gâdka! ¡Wahbi wan sâks nisan nani tila ba wina, man ninam holi ba mayunaia dukiara, bara liliakira ninam ba mayunamni!

Aiseya 43:6

Yahbra ra wimna: ‘Upla nani ba nâra laki yas’, bara waupasa ra wimna: ‘Man alki takaskpara.’ Luhpi waitna nani ba laih wina bri bal, bara luhpi mairin nani sin, tasba tâ wala ba wina bri bal,

Aiseya 49:12

¡Man nani kaiks! Naha nani na witin nani laih wina aula: tila yahbra wina, bara tila muna wina, bara Asuán tasbaya wina sin.

Aiseya 49:22

Dawan ba naku wisa: “Nisan nani ra yang adar yamni; bara upla nani ra yang sain kum bukamni bara ai klahkla ra buki luhpiam waitna nani ba bri balbia, bara luhpiam mairin nani ba sin ai pahpaya ra bri balbia.

Aiseya 49:6

Witin wisa: “Baha ba aitani apia sa, man ba yang duki dadaukra baman kaia Jekob kiamka ba bukaia baman bara sin Israel tâka kau bâra ba, kli bri balaia baman ba dukiara apia; yang mai daukamni man ba nisan nani ingnika kaia, yang bui upla swaki sakisna ba lâka, man tasba aiska ra brih waia sma.”

Aiseya 54:7

“Piua wiria lupia baman yang mai lulki mai swiri; sakuna umpira kaikan lâka tara ba wal, laimara kli asla mai daukamni.

Jirimaya 30:17

Sikniskam nani ba mai rakamna, insauhkan brisma ba sîka daukamna, waihlam nani ba nahki aisabia sin: ‘Saion ba lulki swin sa wibia, upla kumi sin Saion dukiara lukras sa.’ Yang, Dawan, kasak aisisna.”

Jirimaya 31:10

“Nisan nani, Dawan bîla ba wals maisa paks laih kabu un ra iwi nani ra: ‘Dawan ba Israel ra yakabi aihka sakan, sakuna asla daukan kabia bara main kaikan kabia, sepad ai sîpka main kaiki baku.’

Isikiel 34:12

Sepad kum ai sîpka nani dukiara uya luki ba baku yakabrira piua ra, baku yang sîpki nani dukiara lukamni; swaki sakamni baha pliska tihmu bara lâ tara yua kum ra yakabrira takan ba wina.

Oseas 1:11

Bamna Juda bara Israel wal kiamka asla daukbia, ai tila wina wihta kum mangki bribia, bara plis sut wina Jerusalem ra kli tawi balbia. ¡Jezreel yua kulkanka ba tara pali kabia!

Miqueas 4:6

Naha sika Dawan bui kasak aisi ba: “Baha piua ra sîpki nani asla daukamna, baha nani klala yabri ba; swapan, mina kriwan nani bara yakabrira nani ba. Witin nani, ya wal takaskuya nani ba, nisan karnakira daukamna. Yang, Dawan, tawanki ba tâ brimni Saion ilka wina, nanara bara ban kaia ra.

Jan 10:16

Bara sîp wala nani sin brisni, bara baha nani ba lika naha klarka wina apia sa; sakuna baha nani ba sin brih balaia sni. Âu, witin nani mita sin yang bîli walbia, bara baku dakni kumi takbia bara sepadka sin kumi kabia.

Jan 11:52

bara Ju nani nisanka tâwan baman apia, sakuna Gâd luhpia nani laihura yakaban nani ba sut asla daukaia mata sin.

Jan 7:35

Bamna Ju nani pana pana tawi makabi wali kan: —¿Naha na anira waisa ki, sip wal prawras kabia wi ba? ¿Apia kaka Ju nani ra waisa, tringsar nani tilara yakabrira iwi ba ra, idan nani ra smalkaisa?

Epesus 1:10

Gâd diara daukaia lukan ba lika, diara bani ba piua kat sut pali tnata alkan kabia, bara yaka paskanka aiska ba asla takbia ba ra, Kraist lika baha sut lal kabia, diara nani kasbrika purara ba bara tasba ra ba sut sin.