Aiseya 56:5 - DAWAN BÎLA AISKA

⁵ witin nani luhpia waitna nani ba, luhpia mairin nani ba wal, diara kum kau pain ba yang bui witin nani ra yabamna, tempelki ra witin nani nina ba klaki ulbi yabamna; kutbanki nani ba bilara bâra ban kaia; ban kaia ra nina kum witin nani ra yabamna, sip diki sakras kabia ba.

Aiseya 56:5 ပူးပေါင်းရင်းမြစ်များ

Aiseya 2:2

Mani nani kau lui wabia ba ningkara, Dawan ra pura sunaia watla ilka ba lika, tara pali kabia. Il wala nani sut wal kau purara kabia, bara upla sâtka nani sut bahara aidrubi banhwi kabia;

Aiseya 2:3

upla sâtka nani ailal ba aisabia: “Bal, man nani, kaisa Dawan ilka ra uli waia, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan, witin ai yabalka nani ra wapbia.” Kan Saion wina sika, Dawan lâka smalkanka nani ba bal takbia, Jerusalem wina ai bîla balbia.

Aiseya 26:1

Baha yua ra naha aiwananka na, Juda tasbaya ra aiwanbia: “Tawan tara karna yang nani brisna; bahara swak takaia, Gâd mita wan swaki sakaia kutbanka karna nani buki wankan.

Aiseya 43:7

yang nini bri nani ba sut, witin nani ra yang bui paskri bara daukri ba, yang bui witin nani paskri ba maiyunra ba daukaia.’

Aiseya 48:19

Man kiamkam nani ba ailal kabia, sip kulkras kabia, kabu auhika baku ba mita; yang aima kumi sin sauhki mai tikamna apia, baku sin yang maiwan wina sin mai slingbi sakamna apia.”

Aiseya 55:13

Kiaya nani tasbaya ra awas nani pâwbia, tangni kiaikira watlika ra tangni kîa painkira pâwbia; bara nina kum kabia Dawan ra, ban kaia sainka kum dukiara, ban kaia ra klaki sakan kabia apia.”

Aiseya 56:7

yang bui witin nani ba ilki holikira ra brih wamni, yang ra ai pura sunaia watla ra witin nani ba bri balamna lilia kaia daukamni. Altarki ra daiwan aiska angki sakripaiska nani dauki ba sin yang brimna. Kan waitla ba wan pura sunaia watla mâkan kabia upla nani sut ba dukiara.

Aiseya 60:18

Saura munaia daukanka ba man nani tasbayam ra kli walan kabia apia, sauhki tikan lâka, lâ krikanka nani sin walbia apia, sakuna kanra mika walbia, man tawankam kutbanka nina ba ‘Swaki Sakan Tawanka’, man getkam nani ba ‘Mayunra Getka nani’ mâkan kabia.

Aiseya 62:12

Israel luhpia nani ra nina “Upla holikira nani” mâkbia, “Dawan mita pri sakan nani ba”, bara Jerusalem ra mai wibia, “Brin dauki tawanka ba”, “Lulki swiras tawanka ba”.

Aiseya 62:2

Nisan nani ba kaikbia man swak takan lâka sma ba, king nani ba sin sut man pramna ba kaikbia. Bara man ninam raya kum, Dawan wina mâki maikbia.

Aiseya 66:20

Nisan nani sut tila wina yaka balbia man nani tawankam uplika nani ba, aras ra, wagin nani ra, ai pahpaya ra twilki, muyul nani ra, kiamil nani ra uli, prisantka nani bri balbia, Jerusalem yang ilki holikira ra, Israel luhpia nani Dawan watla ra prisantka nani yaia watla klin ra diara mangki bri bal ba baku. Witin nani sin bri balbia, yang, Dawan, baku aisari.

Aiseya 66:22

Baku sin Dawan kasak aisin: Kasbrika purara raya bara tasba raya ba baku yang paskaisna baha nani bâra ban kabia, baku sin man nani kiamkam nani ba bâra ban kabia, bara ninam ba sin.

Sofonías 3:20

Baha piua ra, man nani sut kli mai bri balamni, asla mai daukamni. Tasba ra upla nani sut bâra ba tilara man nani iwankam natka ba lakamni yamni mai kulkaia ra, bara kulkanka yabamni bara rispikka lâka sin. Yang, Dawan, baku aisisni.”

Matiu 16:18

Bara yang mai wisna: Man ba Pita, baha tânka lika “walpa”, bara naha walpaya purara sertski mâkamna, bara prura karnika pali mita sin pura lubia apia.

Jan 1:12

Sakuna ya nani witin ra brin bara kasak sin lukan nani ra, witin mita naha uplika nani ra Gâd luhpia takaia karnika ba yan.

Epesus 2:22

Baku sin man nani, Kraist wal asla takram ba mita, wala nani sut ba wal asla taki utla kum takram, bara Gâd bahara iwisa ai Spiritka Holikira bâk.

1 Timoti 3:15

yang na kau takaskamna kaka, kaiki kama yawan na Gâd uplika nani tilara nahki daukaia ba, baha sika Gâd rayakira sertska ba, bara baha sertska mita sika kasak tânka ba tâ baikisa bara kaina kahbisa.

Hibru Nani 3:6

Sakuna Kraist lika baha Gâd watla ba main kaikisa, Luhpia kasak kum baku. Yawan sika witin watla ba, yawan na dîa wan kainara briaia bîla kaiki ba kat liliakira, kasak ban ba kat dutki alki bri kabia kaka.

1 Jan 3:1

Kaiks man nani, nahki Aisa Gâd latwan tara wan kaiki ba, bamna yawan na Gâd luhpia nani wan kulkan sa, bara kasak pali yawan lika witin ai uplika nani sa. Baha mita tasba uplika nani bui wan kakaira apia sa, kan witin nani lika Gâd ra kakaira apia ba mita.

Param Marikanka 2:17

¡Ya ai kiama bri ba, Spirit serts nani ra wi ba, witin walaia sa! Ya sip muni pura lubia ba, manâ yukukan ba wina yang mita yârika pibia; bara walpa pihni kum yabamna, bara baha walpaya ra nina raya kum ulban sa baha ba upla kumi sin kakaira apia, uplika brisa ba baman.’

Param Marikanka 3:12

Ani uplika nani sip muni pura lubia ba, yang baha nani ra Gâdki tempelka ra walpa bapanka baku daukamna, bara baha wina kli taki wabia apia ban kaia ra. Witin nani ra Gâdki nina ba ulbamna, Gâdki tawanka nina ba sin, baha ba Jerusalem raya kasbrika purara ba wina bara Gâdki wina aula ba. Witin nani ra sin nini raya ba ulbamni.

Param Marikanka 3:5

Ani uplika nani sip muni pura lubia ba, kwala pihni ni dingkan kabia, bara raya kaia wauhkataya wina, yang ai nina nani ba diki sakamna apia. Aisiki mawanra bara ai insalka nani mawanra sin, yang param wimna witin nani ba yang duki kulkisna.

1 Samuil 1:8

Bamna ai maya Elcaná witin ra win: “Ana, ¿dîa kan sari man plun piras sma ba? ¿Man mampara luhpa nani matawalsip briaia ba wal, yang kau tara sna apia?”