Aiseya 56:10 - DAWAN BÎLA AISKA

¹⁰ Upliki nani aihwaki kaiki nani ba sut, blain man sa, witin nani sut diara tânka briras sa. Witin nani sut ba, yul bîlas wakras nani baku sa, ai rayaka aiska ba bawi bara yaprisauhkan kaiki luisa; yapan ra latwan kaikisa.

Aiseya 56:10 ပူးပေါင်းရင်းမြစ်များ

2 King Nani 12:6

Sakuna Joás ba king aimakan pat 23 mani alkan yua kat, kau prîs nani ba Dawan tempelka aisawan pîska nani ba paskras kan.

Aiseya 29:10

Kan man nani puramra upaia spiritka laikan, man nani prapit nani ba sika namkra nani, sakuna Dawan mita lal purara kwala prakan.

Aiseya 29:9

¡Man nani lamla karna bas, diara walras! ¡Man nani blain ban bas, diara kumi sin kaikras! ¡Wain di bla takram ba baku pirwi bas, ban kra wain piawi takan ba diras kama sin!

Aiseya 52:8

¡Aihwawakrikam nani, ai bîla baikra karna wini ba wals! Witin nani asla taki pura luan winanka wini ba, kan witin nani ai nakra pali ni kaikisa Dawan ba nahki kli Saion ra aula ba.

Aiseya 58:1

Dawan bui ai win: “Sibrin âpu karnikam aiska ni wins, dîa wiaia sma ba alki takaskpara, trumpit baku bîlam baikra buks, bara yang upliki nani ra param wis witin nani maipara buan ba, bara Jekob watla uplika nani ra sin wis saura daukan ba dukiara.

Inanka Nani 4:14

Witin nani tawan bîla yabalka nani ra, nakras baku sip kasak ai dara walras kira wapi kan; tala wal tâski pali aihwa takan kan bamna, upla kumi sin witin nani ra ai mihta ni sip kangbras kan.

Isikiel 13:16

Israel prapitka nani Jerusalem dukiara kunin smalki nani ba, bara diara tânka kaiki nani ba kupia kumi lâka ra aisi kan, sakuna kasak pali ba lika baku apia kan.’ Yang, Dawan, kasak aisisna.

Isikiel 33:6

Sakuna aihwawakra ba kaikuya, suldiar nani ai waihla ba aula bara trumpit ba puhbras kaka, kaina manis upla nani ra maisa pakaia, bara waihla nani ba balbia bara upla nani ra ikbia kaka, naha na pruan kabia ai saurka ba tâwan; kuna yang aihwawakra ra makabamna baha pruanka nani dukiara.’

Oseas 4:6

Yang upliki nani sip lâ tânka kaikras, baha mita baku sauhkan sa. Bara prîs man, tânka briaia lâka ba lulki swiram bamna, prîski kaia mai mangkri lâka ba wina, yang sin mai lulkisna. Gâdkam lâka smalkanka nani âmya tikisma bamna, yang sin man kiamkam nani ba âiya tikamna.

Nahum 3:18

“¡Sepad nani yapi ba baku, alai Asiria kingka! War aiklaklabrikam wihtka tara nani ba yapisa, bara aiklaklabrikam daknika nani ba il tilara tanis man taukisa, bara upla âpu sa naha nani asla daukaia.

Matiu 15:14

Baha nani ba swis, witin nani ba nakras bara nakras wala nani ba tâ brisa. Bara nakras kum nakras wala tâ brisa kaka, wâlsut unta kum ra kauhbia.

Pilipai 3:2

Aman kaiki banhwi bas baha upla saura nani ba mapara, witinka nani diara saura dadaukra nani bara wan wîna tara ra klaki banhwi ba.