Aiseya 55:11 - DAWAN BÎLA AISKA

¹¹ baku kabia yang bîli wina taki ba, bîli nani ba, mâ sakras kli yang ra tawi balbia apia, sakuna dîa daukaia brin ai dauki ba baha daukbia, blikri ba kat takbia.

Aiseya 55:11 ပူးပေါင်းရင်းမြစ်များ

Aiseya 40:8

Twi ba lâwisa, tangni ba srawisa, sakuna yawan wan Gâdka bîla ba ban bâra sa ban kaia ra.”

Aiseya 45:23

Yang nini mâki swer takri ba, yang bîli dîa takan ba pura luan lâka ra bara baha ba kli ai ninara tawbia apia: lula nani sut ba yang ra ai lula krikan kabia, bara twisa bani sin swer takbia.

Aiseya 46:10

Blasi pali wina maisa pakisna diara aula dukiara; bara blasi pali ba kan kaia ra wina sin diara nani kau daukras kan ba dukiara sin yang wisna. Yang wisni: Smalkanki bîla nani ba ban bâra kabia, bara diara nani want sna ba daukbia.

Aiseya 53:10

Dawan baku lukan witin ba baku rausauhkan ni taibaia. Bara baku witin ai wîna ba yan saurka nani ba tâwan sakripais daukaia, witin ai rayaka ba yari kabia bara ai kiamka nani ba kaikbia, witin ai warkka nani daukbia mita Dawan dîa dauki ba sut yamni takbia.

Aiseya 54:9

“Noa ra aisari baku, lisamra dukiara aisi ba ra, kli tasba purara lisamra pura lubia apia. Baku pramis takan nanara kli man mampara kupi baikram ra apia, kli sin mai ikaia mai wimna apia.

Aiseya 59:21

Bara Dawan aisisa: “Yang lâika daukisa man nani wal yang karniki bara smalkanki, man nani bîlam ra mangkri ba, man bîlam wina taki wabia apia; man luhpiam nani bîla wina sin apia, man luhpiam nani bara luhpia nani bîla wina sin apia ban kaia ra.”

Jirimaya 1:11

Dawan ba yang ra aisi, naku ai win: “Jirimaya, ¿man dîa kaikisma?” “Amans tnawa kum kaikisna” —wîri.

Jirimaya 1:12

Bara Dawan ba pana ai win: “Baku aisaia raitkam brisma. Bamna yang wali aihwaki kamna diara sut ra, baku mika yang bîli mai wîri ba kat aimakaia.”

Jirimaya 1:13

Bara Dawan ba yang ra aima wala ra aisi, naku ai win: “¿Man dîa kaikisma?” —yang ra makabi walan. “Dikwa kum lukwisa, yahbra tani ra laiwaia pat baila pali baku kaikisna” —wîri.

Jirimaya 23:20

Dawan kupia baiwanka ba takaskbia apia witin dîa daukaia lukan ba daukbia ba kat. Piua balbia ra bara baha man nani mita luki kaikma bara man nani baha diara nani tânka brima.

Jirimaya 25:13

Yang dîa aisari nani ba sut naha kuntrika purara batakamna, naha wauhkataya ra dîa ulban ba sin: Jirimaya sin naha nisanka nani mapara yang nini ra dahra aisin ba sin sut.

Isikiel 24:14

Yang, Dawan, wîri bara naku kabia. Yang pali mita daukamna, bara daukras kira swimna apia; umpira kaikamna apia, kupi sin lakamna apia; klala maikamna daukankam saura ba tâwan. Yang, Dawan, kasak aisisna.’ ”

Emus 6:11

Kan Dawan lâ daukbia utla tara bara sirpi nani ba sin sut slingbi tikaia.

Sakaraya 1:6

Ban sakuna, yang bîli nani, lâika nani sin naipakan prapit nani ra aisi smalkri ba, damikam nani baha ba pain wali banhwan kata. Bara witin nani ba yang ra tawi balan, ai dara sin walan, yang, karnika sut alki brisna Dawanka, witin nani ra munri ba, witin nani dîa ai daukanka bri ba praiska kat mana briaia kan ba.’ ”

Kulki Kaikanka 23:19

Dawan ba lika upla baku apia sa: witin kunin aisaras, witin dîa lukan ba sip lakras sa. Witin dîa daukaia aisi ba daukisa. Pramis daukan kaka, witin ai pramiska daukaia win ba kat daukisa.

Matiu 24:35

Kasbrika tasba wal lui wabia, sakuna bîli nani lika aimakan kabia.

Jan 6:63

Spirit ba sika raya kaia yabi ba; wan wîna tara ba lika bahki pali sa. Bara diara nani yang mai wîri ba lika kasak pali spirit tânka nani sa, bara raya kaia sin yabisa.

Roman 10:17

Baku bamna, kasak lukan lâka aula walan ba tâka wina, bara wali yaba lika Kraist sturka sika.

1 Korint 1:18

Kraist dus prihni ra pruan sturka ba lika, tanis tiwi nani ba mapa ra sins âpu tânka baku sa; sakuna yawan swaki sakan lâka mata auya na wan mapa ra lika, bîla na Gâd karnika sa.

Kli Smalkanka 32:2

“Yang smalkanki ba lî baku auhbia, yang lukanki asla dauki aisamna ba diwas baku kabia, prata nani ra lî sikwan baku, lî tahwan baku twi purara.

1 Tesalonaika 2:13

Yang nani naha tâwan, piu sut Gâd ra tingki wisna. Gâd sturka yamni ba sal maikri ba ra, man nani walram bara alki briram; upla bîla baku lika briras katma, sakuna Gâd bîla baku mika. Bara kasak pali baha ba Gâd sturka yamni sika, bara man nani kasak lukisma ba tilamra baha ba wark daukisa.

Hibru Nani 6:7

Tasba purara lî auhaia bani tasbaya mita laya ba di ba baku, witin nani sin baku sa: tasbaya ba witin purara wark taki nani ba ra, mâ yamni nani saki yabisa kaka, Gâd mita yamnika yabisa.

Jems 1:18

Sturi kasakkira bâk rayaka wankan sa, diara nani sut paskan ba tilara, yawan pas tâura kaia dukiara; kan witin baku pali want sa bamna.

1 Pita 1:23

Bamna man nani kli aisubi takram sa, aisikam upla ba wina lika apia, kuna Gâd bîla raya iwi ban kaia ra bâra ba wina mika.

1 Samuil 3:19

Samuil pâwan, Dawan lika witin wal kan, tâ baikan ai pramiska nani sut ba daukaia.