Aiseya 54:7 - DAWAN BÎLA AISKA

⁷ “Piua wiria lupia baman yang mai lulki mai swiri; sakuna umpira kaikan lâka tara ba wal, laimara kli asla mai daukamni.

Aiseya 54:7 ပူးပေါင်းရင်းမြစ်များ

Lawana Nani 106:47

¡Dawan, swaki wan sâks, Dawan wan Gâdka! ¡Wahbi wan sâks nisan nani tila ba wina, man ninam holi ba mayunaia dukiara, bara liliakira ninam ba mayunamni!

Lawana Nani 107:3

Witin nani ba asla daukan yahbra, waupasa, lalma, bara muna tani kuntrika nani ba wina.

Lawana Nani 30:5

Dawan ai lawanka ba tisku lap tiwuya, witin yawan ra yamni luki ba lika, wan rayaka yua sut ra ban kaia ra ban sa, tihmia ra yawan inisa kaka, titan ra yawan pat lilia brisa.

Lawana Nani 30:6

Yang na karna sna daihra wali kapri, bara lukri: “Upla âpu sa yang ra ai batakaia.”

Aiseya 11:11

Baha piua ra, Dawan ba aima wala kli ai karnika marikbia, ai uplika nani kau swin ba kli bri balaia, Asiria, Idsip, Patrus, Etiopía, Elam, Sinar, Hamat bara kabu un ra iwi tawanka nani ba wina sut sin.

Aiseya 11:12

Witin nisan nani mawanra sain kum sunbia, Israel luhpia nani laihura yakaban nani ba asla daukbia, bara tasba tâ walhwal ra, Juda uplika nani yakaban ba asla daukbia.

Aiseya 12:1

Baha yua ra man wima: “Dawan, man ra tingki mai wisni, maipara man kupiam baikram sakuna, kupiam baiwanka ba tnaya ra lakram, bara man maisi nihkram.

Aiseya 14:1

Âu, Dawan Jekob ra umpira kaikbia, baha purkara Israel sin kli bâk saki bribia, bara yaka ai tasbaya ra ris bribia. Tringsar nani ba sin witin aikuki asla takbia, bara Jekob taika nani ra asla prakan kabia.

Aiseya 26:20

Impaks, yang upliki nani, wamtla rumka ra dims, durkam nani ba ninamra praks. Wirâ yukuwi bas, piua wiria lupia baman, Dawan kupia baiwanka ba lui wabia ba kat.

Aiseya 27:12

Baha yua ra Dawan ai warkka daukbia Éufrates wina Idsip awala kat plawar mâ kriki baku; sakuna man nani, Israel luhpia nani, asla mai kukan kabia kumi mai wahbi.

Aiseya 27:8

Gâd uplika nani ra klala yaban tasbaya wina saki tasba wala ra blikan witin ai wingka puhbra ni sirang saura ikan, lalma pâsa karna krawi ba baku.

Aiseya 40:11

Witin sepad baku ai daknika ba main kaiki aula; sîp lupia nani ba ai klahkla ra twilkisa, swap lupia nani ba, ai lama bîla kat main kaiki alkisa.

Aiseya 49:13

¡Kasbrika laih purara, mayunra lawana nani aiwans! ¡Bara tasba sin lilia tara ni banhs! ¡Il nani, man nani mayunan binka tara dauks! Kan Dawan lika ai uplika nani ba maisa nihkan bamna, baha nani umpira ba dukiara luki kaikan bamna.

Aiseya 49:18

Namkra nani buki tnamya kir kaiks, bara kaiks, nahki witin sut asla taki, man ra aula ba. “Yang Dawan, rayaki wal swer takisna, witin nani ba kwala baku man ra yamni mai kulki prâk mai dingkan kabia; bara baha ni maisam wilkma tiara marit taki prâka dimi ba baku.

Aiseya 49:21

Bara man kupiam lukra ra wima: ‘¿Ya mita naha nani luhpia na aikan? Yang luhpa âpu katna, sip sin briras katma; yang ai lulkan bara yang yakan katna, ¿ya mita pakan? Yang ra yakan ai swin kan, ¿ansa wina balan?’ ”

Aiseya 50:1

Dawan aisisa: “¡Man nani lukpara waitna ai maya lulki swi ba baku, yang, Israel ba lulki swiri, apia kaka witin nani alba baku man nani ra atkri, witin nani ba yang wal tras diman aibapras ba tâwan! Wals man nani watawikam lâka ba mita sika mai atkan ba; man nani maipara buaia lâka brisma ba mita sika yaptikam Israel mita mai lulki mai swin ba.

Aiseya 56:8

Yang yabrika kli tawi balbia bara asla takbia, baha nani kau upla wala tasbaya ra bâra nani ba.” Dawan, baha kasak aisisa. Israel yarka kli tawi bal asla takbia baiwi takan ba.

Aiseya 60:10

Bara tringsar nani ba mita tawankam ba kutbia, bara ai kingka nani ba man nani dukiam daukbia; kan ban kra Dawan ba ai kupia baiwanka ra klala maikan, nanara ai kupia yamnika lâka ra man ra umpira mai kaikan.

Aiseya 60:4

Namkra ba tnamya kir ra buki kaiks; baha nani sut asla takan ba, witin nani man ra aula; luhpiam waitna nani, laih wina balbia, bara luhpiam mairin ba, ai klahkla ra buki twilki brih balbia.

Aiseya 62:4

Witin nani kli wibia apia man ba mai “Lulki Mai Swin Sa”, tasbayam ra sin kli wibia apia: “Sauhkan Sa”, Sakuna man ninam ba “Yang laikki”, bara tasbayam ba nina “Yang Mayi Mairin”. Kan man ra sika Dawan laikka ba, bara witin ba man tasbayam ra maya waitna kum baku kabia.

Aiseya 63:7

Yang aisan ai daukisa Dawan latwanka lâka ba, ai mayunra nani ba aiwanaia witin ai yamnika tara nani sut wan hilpka daukan ba, witin ai kupia yamnika tara pali Israel luhpia nani sut ra bri ba, ai kupia yamni luki witin nani ra daukan ba, witin mita latwan kaiki ba lâka kat.

Aiseya 66:18

Kan yang kaikisna, witin nani ai warkka ba; bara ai kupia lukanka nani ba sin. “Bara baha piua ra, yang balamna upla nani sut, twisa sâtka nani aisi ba, nisan nani ba asla daukaia; witin nani balbia, bara yang praina ba witin nani kaikbia.

Jirimaya 51:5

Israel Juda wal maipara saura daukan kra sakuna, ai kuntrika saura lâka ni banhkan kra, yang, Dawan, karnika sut brisni, Israel Gâdka holikira, witin nani ba yang kau ban lulki swiras.

Inanka Nani 3:31

Kan Dawan mita ban kaia ra lulki swin kabia apia.

Inanka Nani 3:32

Âu, witin mita upla ra pât saura blikisa, sakuna umpira sin kaikisa, kan witin latwanka lâka ba tara pali bamna.

Isikiel 36:24

Yang mai sakamna baha kuntrika bara nisanka tila ba wina; asla daukamna bara yabrika ai tasbaya ra kli balbia.

Miqueas 4:6

Naha sika Dawan bui kasak aisi ba: “Baha piua ra sîpki nani asla daukamna, baha nani klala yabri ba; swapan, mina kriwan nani bara yakabrira nani ba. Witin nani, ya wal takaskuya nani ba, nisan karnakira daukamna. Yang, Dawan, tawanki ba tâ brimni Saion ilka wina, nanara bara ban kaia ra.

Matiu 23:37

“¡Jerusalem, Jerusalem, man sika prapit nani ba ikisma, bara Gâd bîla twatwilkra mai bliki nani ra walpa ni sabisma ba! ¡Aima ailal luhpiam nani asla dauki brin ai daukan, sim kalila ai luhpia nani ai tnawa munhtara asla dauki ba baku, sakuna man apia wiram!

2 Korint 4:17

Kan pât nani nahara wahwi ba lika diara wirha apia bara isti luisa, bara tnata ra prana ban kaia ba manis pali wankisa.

Epesus 1:10

Gâd diara daukaia lukan ba lika, diara bani ba piua kat sut pali tnata alkan kabia, bara yaka paskanka aiska ba asla takbia ba ra, Kraist lika baha sut lal kabia, diara nani kasbrika purara ba bara tasba ra ba sut sin.

Kli Smalkanka 30:3

Baku bamna, Dawan mita man nani ra umpira mai kaiki alba ra kapram ba wina kli mai bri balbia. Dawan mita upla nani tilara lulki mai swin kan ba,

Jems 4:6

Sakuna Gâd ai yamnika mita kau latwan wan kaikisa, kan Ulbanka ra naku wan wisa: “Gâd bui prautkira nani ba mapara buisa, sakuna bawikira nani ra lika ai yamnika ba ni hilp munisa.”

2 Pita 3:8

Baha purkara, muihki laitwankira nani, naha na âmya tiwbiara: Dawan mapa ra yu kumi ba mani tausin baku sa, bara mani tausin ba yu kumi baku sa.