Aiseya 54:17 - DAWAN BÎLA AISKA

¹⁷ sakuna upla kumi sin kau bin daukras sa, baha mai sauhkaia sip ba; damhra kwahki nani ba sut bîla praki swima. Yang warkki dadaukra nani ra yabisna ba sika naha: pura luaia.” Dawan witin baha kasak aisisa.

Aiseya 54:17 ပူးပေါင်းရင်းမြစ်များ

Job 1:11

Sakuna diara nani sut bri ba ai mihta wina daks, bara man kaikma nahki mamwan kat saura mai wibia ba.

Job 2:5

Sakuna uplika pali wîna ba kat kangbi kaiks, nahki man kaiki kaprika saura aisabia ba.

Job 42:7

Dawan mita Job ra naha diara nani win ba ningkara, Elifaz ra win: “Yang uya pali lawisna man ra bara pâmnika wâl ba ra sin, kan man nani lika yang dukira diara kasak ba aisaras kapram, yang duki dadaukra Job daukan ba baku.

Lawana Nani 32:6

Baha mita sari tara aula ba piua ra, kasakkira nani ba man ra ai pura sunbia, lisamra tara nani balbia sin, witin nani ra alkbia apia.

Lawana Nani 61:5

Man, Gâdki, pramiski nani ba walram; bara man bui sin prapatiki ba aikram baha nani man ninam kulki bri nani ba ra sin.

Lawana Nani 71:16

Upla nani ra aisamni, Dawan, man lika diara tara daukram ba; ¡sturkam ba wimni, man baman kasak sma!

Lawana Nani 71:19

Man, Dawan, kasakkam lâka ba kasbrika purara ba kat wan, man bui diara tara nani daukram ba; ¡baha upla kum sin, man daukram baku daukras!

Aiseya 17:12

¡Man nani wals upla kwâra alwani bin tara dauki baku dauki ba, bin tara kabu bin dauki ba baku! Baha sika nisan nani brukwi rangbi, ba binka takisa, lî kârma aubi ba binka ba baku.

Aiseya 26:2

Man nani dur ba kwâks, upla kasakkira nani ba dimbia, kasakka lâka ra iwi nani ba.

Aiseya 29:8

Witin nani ba, upla plun dauki kan yapi yaprisauhkan kaiki ba baku kabia, witin lukisa plun pîsa, sakuna rawi bara ai biara bîla man sa; diran dauki kan yapi yaprisauhkan kaiki ba baku kabia, witin daukisa ai kârma ba sin lâwan sa. Bara baha tawanka ailal sip kulki sakras Saion mapara aiklabi nani ba sut baku kabia.

Aiseya 3:10

Kasakkira nani ba, witin nani lilia pali kabia, ai mihta warkka mâ nani pibia bamna.

Aiseya 40:2

man nani Jerusalem ra ba latwan kaiki aisas, witin ra wis alba kaia piua kan ba pat luan, ai saurka nani pâtka mana ba pat aibapan, ai saurka nani ba tâwan yang mihti wina klala pat aima wâl brin.”

Aiseya 41:11

Baha nani sut misbara mai kaiki ba, witin nani ai swira daukan kabia, mâyara batakan kabia; man mampara banhwi ba witin nani diara apia baku kabia.

Aiseya 46:13

Yang daukisna swaki sakanka warkka brisna ba lamara balbia; yang swaki sakangki ba takaskras aula, laihura apia sa. Saion ra swaki sakan lâka yabamni bâra sa, bara yang praina ba Israel ra sa.

Aiseya 50:8

Yang laima pali ra sa tâiwan aisi uplika ba: ¿Ya yang maipara diara brisa ki? ¡Kaisa yawan aikuki wihta ra waia! ¿Ya ba yang tâinka nani daihra sâkbia ki? ¡Wis bal ai wibia!

Aiseya 50:9

Nâra kaiks Dawan sika hilp ai munbia; ¿ya wala bâra kabia pât ra ai lulkaia sip ba? Kaiks waihli nani ba sut lap tiwbia kwala yula mita pi tiki ba baku.

Aiseya 51:5

Yang pura luaia ba pat baila pali sa, swaki mai sakaia lâka ba aula sa, yang klaihkla nani ba upla nani lâka daukbia; kabu un ra iwi nani ba sut yang bîli kaikisa, yang karniki ra bîla kaikanka brisa.

Aiseya 54:15

Upla kum man mampara bubia kaka, witin yakan daukbia, yang lika witin tilara âpu sna; ya man mampara bubia ba, witin ba man mamwanra kauhbia.

Aiseya 54:16

“Kaiks, yang mita daukri sika ayan wina diara papaskra ba, pauta klauhan ra maskuka nani ba puhbaia, bara ai tulska nani ba baha wina paski sakaia ai warkka nani daukaia dukiara; bara yang mita sin daukri sasauhkra nani ba, sauhki tiki kaia ba;

Aiseya 58:14

Naha daukisma kaka, man bui yang ra liliakam sâkma, yang mai brih wamna, kuntri purara ba purak lui pura luanka briaia. Bara papikam Jekob prapatika ba wina liliakam briaia mai daukamni.” Dawan, naha kasak aisisa.

Aiseya 60:21

“Bara man uplikam nani ba sut, kasakkira nani baman kabia, tasba na ai dukia bribia ban kaia ra; yang mita mangkri ba urhwi takisa, yang mihti warkka nani pali ba, yang maiyunaia dukiara.

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Jirimaya 23:6

Witin king aimaki kabia ba piua ra Juda ba pri sakan kabia, Israel sin pri sakan iwi kabia. Bara nina ba witin nani naku mâki kabia: ‘Dawan ba mita sika yawan ra pura lui wanki ba.’ ”

Daniel 3:26

Nabucodonosor naha aisi si kubus untika ba lamara wih bara winan: —¡Sadrac, Mesac bara Abed-negó, Gâd Laih Purara ba albika nani, taki nahara bal! Wahma yumhpa ba pauta klauhan ba wina bal takan,

Daniel 6:20

Bara layan nani watla ba lamara auya kan ba ra, king ba sarikira wal ai bîla saki Daniel ra wini, win: —Daniel, Gâd rayakira dukia dadaukra sma ba, ¿baha Gâdka kasak tânka ra dukia daukisma ba, layan nani wina swaki mai sakan sa ki?

Matiu 16:18

Bara yang mai wisna: Man ba Pita, baha tânka lika “walpa”, bara naha walpaya purara sertski mâkamna, bara prura karnika pali mita sin pura lubia apia.

Roman 10:4

Bamna Kraist ra sika Moses lâka aiska daukisa, bara ya witin ra kasak luki ba Gâd mita yamni kulkan sa.

Roman 3:22

Jisas Kraist ra kasak luki ba mita, kasak lalukra nani sut ra Gâd bui kasakkira nani daukisa. Kan sât aihka natka âpu sa:

Roman 8:1

Baku bamna, nanara lika Kraist Jisas wal asla takan nani ba pât dingkaia ba âpu sa.

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Pilipai 3:9

bara witin wal asla pali kamna ba dukiara; baha ba Moses lâka kat yang rayaki wapni brisna ba dukiara lika apia, sakuna Kraist ra kasak lukisna ba tâwan, Gâd pri ai saki ai brin ba mita lika; kan Gâd lika kasak luki uplika nani ba pain brisa.

Jasua 24:10

Sakuna yang Balaam ra swiras kapri saura mai wiaia, bara ban yamni mai munaia kan. Baku man nani swaki mai sakri.

2 Pita 1:1

Yang Saiman, Pita, Jisas Kraist dukia dadaukrika bara apastilka sna. Naha wauhkataya man nani ra mai ulbisna, man nani kasak lukan lâka manakira ba alki bri banhram sa, yang nani brisna baku, kan wan Gâdka bara wan Sasakra Jisas Kraist ba, kasakkira sa bamna.

Param Marikanka 12:10

Bara kasbrika purara bîla baikra tara kum walri, naku aisin: “Swaki sakan lâka ba pat balan. Yawan wan Gâd karnika ba kingka lâka ba, nanara Kraist karnika ba marikan sa. Kan wan muihni nani dahra kwakwahkra ba saki lulkan sa, witinka kakna bara tihmia wan Gâdka mawanra baha nani dahra kwahki kata ba.

1 Samuil 23:17

Witin ra win: —Si bripara, kan Saúl yang papiki mai pliki sip mai sakbia apia. Man lika Israel kingka aimakma, bara yang lika man ningkamra lamamra kamna. Naha na papiki Saúl pali sin kakaira sa.