Aiseya 53:4 - DAWAN BÎLA AISKA

⁴ Ban sakuna, yawan wan pâtka nani wahwaia kan ba witin twilkan, bara yawan wan wîna latwanka pâtka nani ba witin mita wahwan; yawan lukan Gâd mita witin ra klala yaban insauhkan, klala yabi mâyara batakan.

Aiseya 53:4 ပူးပေါင်းရင်းမြစ်များ

Lawana Nani 69:26

Kan witin nani sika, man bui rausauhkram bara sari brisa, baku sin man bui yaram insauhkan ba, latwanka ba lawaska kiki banhwisa.

Lawana Nani 69:27

Saura ba mana pana saura yas; ¡baku pâtka swih tikan lâka ba bribia apia!

Lawana Nani 69:8

yang na tringsar baku, bara upla ai kakaira apia sa, muihki pali nani ba mita sin.

Aiseya 53:10

Dawan baku lukan witin ba baku rausauhkan ni taibaia. Bara baku witin ai wîna ba yan saurka nani ba tâwan sakripais daukaia, witin ai rayaka ba yari kabia bara ai kiamka nani ba kaikbia, witin ai warkka nani daukbia mita Dawan dîa dauki ba sut yamni takbia.

Libait Lâka 16:10

Sakuna lat lulkan ningkara, guts ba Azazel ra yaia takan sa kaka, daiwra ba ikras ban Gâd mawanra brih wabia, saurka nani tikaia prisantka daukbia. Baha ningkara, gutska ba swika taki wabia, Azazel bâra ba watla ra upla iwras tasbaya ra.

Sakaraya 13:7

Dawan karnika sut bri ba, kasak aisisa: “¡Sord, bus, sepadki ba mapara hilp ai muni ba mapara sin! ¡Sepad ba iks, bara daknika ba yakabrira takbia, bara yang sin sîpki lupia nani ba mapara buamna!

Kulki Kaikanka 7:15

bîp wainhka luhpia kum, sîp kum, sîp wala kum mani kum bri ba, baha nani angki sakripais daukaia,

Matiu 26:37

Bara Pita bara Sebedi luhpia wâl ba kat brih wan, bara mahka sari tara daukan.

Matiu 8:17

Naha ba baku takan, prapit Aiseya aisin ba baku aimakaia: “Witin wan swapnika nani brin, bara wan sikniska nani sin twilkan.”

Jan 19:7

Sakuna Ju nani pana win: —Yang nani lâ kum brisna, baha lâka ba kat witin na pruaia sa, kan witin na Gâd Luhpia sa win.

Roman 4:25

witin mita Jisas ba yan wan saurka tâwan pruan bara pruan wina kli buan, baku mika Gâd mita kasakkira wan kulkan kaia dukiara.

Galesha 3:13

Lâ mita saura pali wan kulkan ba wina Kraist mita pri wan sakan sa, kan yawan wan tâwan witin lika upla saura kum baku takan; Ulbanka ba wisa: “Saura pali sa baha nani dus ra paman prui ba.”

Hibru Nani 9:28

Baku sin, Kraist ba aima kumi baman sakripais dauki yan kata, upla ailal saurka nani brih sakaia dukiara. Bara witin kli aima wala bal latan takbia, saurka nani brih sakaia dukiara lika apia, sakuna ai bîla kaiki uplika nani ra swaki sakaia.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.

1 Pita 3:18

Kan Kraist pali, aima kumi baman wan saurka nani dukiara prura pâtka wahwan. Witin lika yamni kan, sakuna yawan saurakira nani na tâwan pruan, Gâd ra wan brih waia dukiara. Witin ba ai wîna tara mapa ra baman pruan, sakuna ai spiritka mapa ra lika kli raya takan.

1 Jan 2:2

Jisas Kraist lika, witin ai wîna ba wan saurka dukiara sakripais mana yan; yawan wan saurka dukiara baman apia, kuna upla sut saurka nani ba dukiara.