Aiseya 53:3 - DAWAN BÎLA AISKA

³ upla nani witin ra bahki kulki lulki swin, waitna kum ai wîna latwanka uya bri kan, pât wahwaia ba ai natka takan. Witin ra upla kum baku kaikaia uplika apia kan, yawan bui witin ba bahki kulkan, yawan bui witin ba wan tilara kulkras.

Aiseya 53:3 ပူးပေါင်းရင်းမြစ်များ

Lawana Nani 69:29

Sakuna yang lika siknis bara sari sna, Dawanki ai buks, bara swaki ai sâks.

Lawana Nani 88:4

¡pruan nani tilara pat ai kulkan sa, kan karniki sin âpu takan sa!

Aiseya 49:7

Dawan, Israel Gâdka holikira, pri sasakra ba wisa tawan nani aiska pali lulki swin ba ra upla wala nani bri misbara kaiki ba, upla tataibra nani albika nani takan ba: “King nani ba bara king luhpia nani sin mai kaikbia ba ra, witin nani ba bal mamwanra bawbia, kan yang, Dawan, Israel Gâdka Holikira, bâk mai sakri yang dîa daukaia ba sut man ra aimakbia.”

Aiseya 50:6

Yang nini ba ai praprukra nani ra yabri, ai wipan, yang maiwan nani ba sin wan unmaya dadaikra nani ra yabri, bara maiwan ba sin yukukras kapri saura aisi nani ba wina, yabalaya ni ai tuhbi kan ba sin.

Aiseya 52:14

Upla ailal witin ba kaiki tâ iwan ba baku, witin nani kaikan ai mawan pîska ba sât aihka pali takan ba, kan upla luhpia nani prana ba witin wina lap tiwan kan bamna,

Aiseya 53:10

Dawan baku lukan witin ba baku rausauhkan ni taibaia. Bara baku witin ai wîna ba yan saurka nani ba tâwan sakripais daukaia, witin ai rayaka ba yari kabia bara ai kiamka nani ba kaikbia, witin ai warkka nani daukbia mita Dawan dîa dauki ba sut yamni takbia.

Aiseya 53:4

Ban sakuna, yawan wan pâtka nani wahwaia kan ba witin twilkan, bara yawan wan wîna latwanka pâtka nani ba witin mita wahwan; yawan lukan Gâd mita witin ra klala yaban insauhkan, klala yabi mâyara batakan.

Miqueas 5:1

Dawan bila win: “¡Jerusalem uplika nani, tawankam ba kutbi bris! ¡Mampara aiklabaia pat mai kutban sa! Bara Israel wihtka ra karna pali prukbia.

Sakaraya 11:8

Baha wina kati kumi baman bilka ra, sepad yumhpa misbara ai kaiki, kupi sauhki pali kan ba kangbi sakri.

Matiu 26:67

Ai mawan ra yabalaya tuhbi, prukan. Wala nani mita mawan ra pruki,

Matiu 27:63

bara witin ra naku win: —Wihtki, yang nani kupi krawisna baha kuninkirka ba kau raya kan piua witin aisin, yu yumhpa ningkara pruan wina kli bubia.

Mark 10:33

Witin nani ra win: “Man nani kaikisma, yawan Jerusalem ra uli auya. Bahara sika Upla Luhpia Waitna ba prîs tara nani bara Lâ Smasmalkra nani mihta ra mangkbia, bara witin nani mita pruaia pâtka ra lakbia ba ra, upla tringsar nani mihta ra mangkbia.

Mark 10:34

Ai lawaska kikbia, yabalaya tuhbia, prukbia, bara ikbia, sakuna yu yumhpa ningkara, witin pruan wina kli bubia.”

Mark 14:34

Bara witin nani ra win: —Yang kupi ra sari ai daukisa, pruaia prais. Man nani nahara takaski aihwaki bas.

Mark 15:19

Bara dus kum ni ai lal ra prukan, yabalaya tuhban, ai lula sin kriki ai pura suni mayuni kan.

Mark 9:12

Witin bila: —Kasak pali sa, Ilayas pas aula, bara diara nani sut wapni daukisa. ¿Bara Ulbanka nani ra Upla Luhpia Waitna dukiara dîa wisa? Bahara wisa witin kasak pât wauhbia, bara bahki kulkan kabia.

Luk 16:14

Parisi nani, witinka nani lalah laik kaiki nani ba, naha diara nani na wali, Jisas lawaska kikan.

Luk 19:41

Witin pat Jerusalem lamara balan, bamna tawanka ba kaiki, Jisas baha pura mata ini,

Luk 8:53

Sakuna upla nani ai lawaska kikata, kan witin nani kaikan mairin ba pruan sa bamna.

Luk 9:22

Bara sin wisata: —Upla Luhpia Waitna pât kasak wahwaia kabia, bara wihta almuk nani mita, prîs wihta nani bara Lâ Smasmalkra nani sin bahki kulkbia, ban sin ikbia, sakuna yu yumhpa ra pruan wina kli buan kabia.

Jan 11:35

Baku kan ba ra Jisas mahka inan.

Jan 8:48

Bamna Ju nani Jisas ra win: —Yang nani aisisna ba lika kasak sa: man ba Sameria uplika kum sma bara pirit saura brisma.

Kli Smalkanka 32:15

“Sakuna Jesurún batanwan, bara ai mina wauhan (batanwan mita lipi kan), bara Gâd, witin ra papaskra ba, lulki swin; ai kaina kakahbra bara ai sasakra ba bahki kulkan.

Hibru Nani 4:15

Bamna wan prîska tara ba mita yawan wan swapnika nani bri ba dukiara umpira wan kaikaia sip sa, kan witin pali sin yawan baku traika kaikanka sât sât brin, sakuna saurka lika daukras kan.

Hibru Nani 5:7

Kraist naha tasba ra tauki kan piua ra, witin ai pura sunra nani bara ai makabanka nani ba sin, ai bîla baikra tara ni bara ai nakra laya uya saki sin Gâd ra yaban, witinka mita prura wina swaki sakaia karnika bri kan ba. Witin lika Gâd bîla wali daukan ba mita, Gâd bui witin ra walan.