Aiseya 53:10 - DAWAN BÎLA AISKA

¹⁰ Dawan baku lukan witin ba baku rausauhkan ni taibaia. Bara baku witin ai wîna ba yan saurka nani ba tâwan sakripais daukaia, witin ai rayaka ba yari kabia bara ai kiamka nani ba kaikbia, witin ai warkka nani daukbia mita Dawan dîa dauki ba sut yamni takbia.

Aiseya 53:10 ပူးပေါင်းရင်းမြစ်များ

Lawana Nani 110:3

Uplikam nani ba man ra maikisa man pura luma yua ba. Il holi nani ba purara, lalma kahbi kan diwas laya iwi ba baku, yu bani kau wahma taki kama.

Lawana Nani 149:4

Dawan lika ai uplika nani dukiara ban yamni lukisa; witin bawikira nani ra pura luaia lâka ba yabisa.

Lawana Nani 21:4

Ai rayaka man wina makaban, witin ra yaram, rayaka yari kaia ban kaia ra sin.

Lawana Nani 22:30

Yang kiamki nani ba Dawan ra mayunbia, bara ai rayaka aiska witin tânka ba aisi kabia;

Lawana Nani 22:31

kiamka nani ningkara aisubia ba ra sin aisi wibia witin ai kasakka lâka dahra, ai warkka nani dahra ba sin.

Lawana Nani 69:26

Kan witin nani sika, man bui rausauhkram bara sari brisa, baku sin man bui yaram insauhkan ba, latwanka ba lawaska kiki banhwisa.

Lawana Nani 72:17

¡King nina ba ban kaia ra ban bâra kabia! ¡Ai sturka ba wan yu ingnika baku kabia! Nisan nani sut tasba aiska ra ba witin wina yamnika bribia. Bara nisan nani sut ba wibia lilia pali sa.

Lawana Nani 72:7

Kupia kumi lâka bara wapni kaia lâka, king aimaki piua nani ba sut ra, kati ba kasbrika purara âpu takbia ba kat ban kabia.

Lawana Nani 89:29

Ai kiamka nani ba, ban king aimaki kabia, ban kaia ra kasbrika purara bâra sa piua ra.

Lawana Nani 89:36

ai kiamka nani ba, witin watlika ra king aimakbia, wan yu ba ban bâra sa piua ra.

Aiseya 42:1

“Nâra kaiks yang duki dadaukra ba, yang bui witin ba alki brisna, bâk sakri ba, witin ra yang sulki ba âiyapah sa. Spiritki ba yang bui witin ai purara mangkri; witin mita kasakka lâka ba nisan nani ra bri balaia.

Aiseya 46:10

Blasi pali wina maisa pakisna diara aula dukiara; bara blasi pali ba kan kaia ra wina sin diara nani kau daukras kan ba dukiara sin yang wisna. Yang wisni: Smalkanki bîla nani ba ban bâra kabia, bara diara nani want sna ba daukbia.

Aiseya 49:4

Bara yang pat luki kaikatna: “Yang bahki ra wark takri, diara sin sakras, yang karniki nani ban tikri diara bahki ra.” Sakuna yang dîa daukri ba lika Dawan mihta ra sa, bara yang maina ba Gâdki ai karnika brisa.

Aiseya 53:12

Baha mita Gâd bui witin ra pliska kum yabia upla tara nani tilara, karnikira nani ba aikuki tilara pura lubia, kan witin pruaia ai wîna ba yan, watawikira nani tilara kulkan kata, kan kasak pali sika upla manis upla saura ba witin twilkan upla saura nani tâwan ai pura sunan.

Aiseya 54:3

kan man pliskam ba kau drabaisma, aihkikam ra bara smihkam tani ra; man kiamkam nani ba nisan ailal pura lubia, tawan nani bîla man swin, upla iwras tawanka nani ba ra iwbia.

Aiseya 61:9

Man nani masrakam ba, nisan nani tilara tara kulkanka bri kabia; upla sut kaikbia ba ra, pat tânka kaikbia baha uplika nani ba, Dawan mita yamni pali munan sa.

Aiseya 66:22

Baku sin Dawan kasak aisin: Kasbrika purara raya bara tasba raya ba baku yang paskaisna baha nani bâra ban kabia, baku sin man nani kiamkam nani ba bâra ban kabia, bara ninam ba sin.

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Jirimaya 32:41

Witin nani ra yamni munisna ba dukiara lilia kamna, bara yang kupi aiska kira kasakka lâka sut ba ni yarka witin nani baha kuntrika ra iwbia.”

Isikiel 33:11

Kuna yang, Dawan, rayaki ba mata, swer takisni, watawikira nani pruanka ba brinki apia sa, witin ai rayaka natka ba lakbia bara raya kabia want sna, lâka saura brisma ba swis. ¿Dîa muni pruaisma?’

Isikiel 37:25

Duki dadaukra Jekob ra yabatna kuntrika ra iwbia, bahara ai almukka nani iwata ba. Bahara witin nani iwbia ban kaia ra bara ai luhpia bara ai kiamka nani sut; bara duki dadaukra Debit ba ai tâ brabrira kabia.

Daniel 9:24

‘Wik nani 70 ba, man uplikam nani bara tawankam holikira ba purak luaia sa, watawika lâka bara saurka lâka wal ba tnata alkan kabia dukiara, saurka ban swin tikaia lâka ba alkaia, bara kasakka lâka ba ban kaia ra bapan kaia, baku mika diara aihka kaikan lâka bara dahra aisinka ba sut tnata alkan kabia dukiara.

Miqueas 7:18

Man wal baku Dawan wala âpu sa, kan uplikam kau swin ba mampara buan ba bara saurka ba sin ban swih tikisma. Man kupiam baiwanka ban pali alki briras sma, sakuna lilia sma kupiam pihni lâka ban mariki kaia.

Sofonías 3:17

Dawan, man nani Gâdkam, man nani tilamra sa. ¡Witin karnika sut pali brisa, bamna swaki mai sâkbia! Dawan ba man nani dukiamra ai âuyapah kabia. Ai latwanka lâka ni upla raya mai daukbia; bara witin ai liliakira aiwanbia

Sakaraya 13:7

Dawan karnika sut bri ba, kasak aisisa: “¡Sord, bus, sepadki ba mapara hilp ai muni ba mapara sin! ¡Sepad ba iks, bara daknika ba yakabrira takbia, bara yang sin sîpki lupia nani ba mapara buamna!

Kulki Kaikanka 7:15

bîp wainhka luhpia kum, sîp kum, sîp wala kum mani kum bri ba, baha nani angki sakripais daukaia,

Matiu 17:5

Kau Pita aisi kan ba ra, kasbrika ingni kum witin nani ra madiskan; bara kasbrika ba wina bîla baikra kum aisin, naku walata: “Naha sika Luhpi laitwankira. Witin sika yang bâk saki briri ba. Man nani bui witin ra wals.”

Matiu 3:17

Bara kasbrika purara ba wina bîla baikra kum walan, naku aisata: “Naha sika Luhpi laitwankira; witin sika bâk saki briri ba.”

Luk 1:33

Israel nisanka kingka ban kaia ra aimaki kabia, bara ai kingka lâka ba sin tnata âpu kabia.

Jan 1:29

Yaprika wala, Jan kaikan Jisas witin ra aula kan, bamna upla nani ra naku win: “Kaiks man nani, naha waitnika aula na sika Gâd Sîpka Luhpia, naha tasba saurka bri saki ba.

Jan 12:24

Kasak pali yang mai wisni, plawar mâ kumi tasba ra mangkan ba pruras sa kaka, piua bani ban mâ kumi baman kabia; sakuna tasba ra mangkan ba prubia kaka lika, mâ ailal pali sakaia sip sa.

Jan 13:32

Upla Luhpia Waitna na mita, Gâd prana ba marikisna kaka, Gâd mita sin ai Luhpia prana ba marikbia, bara baha ba aihni pali daukan kabia.

Roman 6:9

kan yawan kaikisa Kraist ba aima kumi baman pruan nani tila wina bukan kata, kli sin prubia apia pali; kan prura mita witin mapara karnika nan sin âpu sa.

Roman 8:32

Gâd ai Luhpia pali ba sin wankaia apia wiras, sakuna yawan sut wan mata ban prura mihta ra mangkan; bamna, ¿nahki yawan na witin ai Luhpia wal asla diara sut ba wankras kabia ki?

Roman 8:8

Baha mita, wîna tara brinka kat baman luki uplika nani ba, Gâd kupia lâka sip daukras sa.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Galesha 3:13

Lâ mita saura pali wan kulkan ba wina Kraist mita pri wan sakan sa, kan yawan wan tâwan witin lika upla saura kum baku takan; Ulbanka ba wisa: “Saura pali sa baha nani dus ra paman prui ba.”

Epesus 1:5

Kaina wina pat luki kaikan, Jisas Kraist bâk ai luhpia nani baku kli wan briaia, witin daukaia ai kupia ra lukan ba kat.

Epesus 1:9

bara witin ai brinka yukukan ra ba sin wan marikan, baha sika witin Kraist bâk diara sut tnata alkaia luki kan ba.

Epesus 5:2

Latwan lâka ra iwi bas, sim Kraist latwan wan kaiki, yawan tâwan ai rayaka pât mihta ra mangkan ba baku. Witin ba sin sîp baku sakripais daukan kata, bara Gâd ra kîa painkira kum baku angki yan.

2 Tesalonaika 1:11

Naha mita sika man nani dukiamra, piu sut puri suni banhwisna. Yang nani Gâd ra makabisna, man nani ba aitani mai kulki mai bri kabia dukiara, kan witin mita mai paiwan bamna. Bara puri sin sunisna, brinkam pain nani sut ba bara kasak lukankam wal warkkam nani daukisma ba sut sin, Gâd mita ai karnika ni maikbia.

Hibru Nani 2:13

Naku sin wisa: “Yang lika Gâd ra luki kamni.” Bara witin kli wisa: “Yang nâra sni, Gâd mita luhpi nani aikan ba wal.”

Hibru Nani 7:27

Witin ba prîs tara wala nani baku apia sa; witin ba yu bani daiwan nani iki sakripais dauki yabaia want apia sa, ai saurka nani dukiara pas, bara baha ningkara upla wala nani saurka nani dukiara. Witin aima kumi baman sakripais daukan, baha sika witin ai wîna tara yaban ba.

Hibru Nani 9:14

Sakuna baku sa kaka, ¡Kraist tâlia ba kau karnika tara pali brisa! Ban kaia Spiritka bâk, Kraist witin ai wîna tara pali ba sakripais tâski âpu baku dauki, Gâd ra yaban. Witin ai tâlia ba mita wark bahki nani ba wina wan kupia dara walra ba klin daukisa, yawan bui Gâd rayakira dukia nani ba daukaia sip kabia dukiara.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.

Param Marikanka 1:18

Yang sika raya sna. Âu, yang pruri kata, sakuna nanara lika ban kaia ra raya sna. Prura king aimaki tasbaya kîka ba brisna.