Aiseya 52:7 - DAWAN BÎLA AISKA

⁷ Kaiks nahki pranakira ba, baha mina nani il nani purak lilia sturka nani brih aula ba, baha kupia kumi sturka maisa paki ba, baha sturi yamni brih aula ba, bara swaki sakan sturka ba maisam paki ba, bara witin nani Saion ra wisa: “¡Man Gâdkam ba king sa!”

Aiseya 52:7 ပူးပေါင်းရင်းမြစ်များ

Lawana Nani 59:13

Âpu dauks, âpu dauks man lawankam ba ni, ban swirka bâra kabiara, bara kaikbia man ba Gâd Jekob ra king sma, bara tasba tnata lâs ba kat.

Lawana Nani 68:11

Dawan mita upla nani ra ai bîla kum blikan bara mairin nani manis upla ra smalkan:

Lawana Nani 93:1

¡Dawan sika king! ¡Dawan ba kwala painkira ni dingkan sa, karnika ni kir kutbi brisa! Tasba aiska ba, witin bapan nikbia apia wisi.

Lawana Nani 96:10

Nisan nani ra wis: “¡Dawan ba king sa!” Tasba aiska ba bapan sa, nikwaia apia dukiara; witin bui upla nani lâka daukbia kasakka lâka ra.

Lawana Nani 97:1

¡Tasba aiska ba, liliam bas! ¡Kî dakura nani ailal ba sin lilia bas! ¡Dawan ba king sa!

Lawana Nani 98:2

Dawan, witin pura luan, ba upla ra maisa pakan sa; ai kasakka lâka ba sin marikan sa nisan nani nakra kat;

Lawana Nani 98:3

witin ai latwanka lâka bara ai kasakka lâka ba, piu bani bri kan Israel luhpia nani ra. ¡Gâd mita pura lui ba mariki kan tasba aiska ra paski takaskan ba kat kaikan sa!

Lawana Nani 99:1

¡Dawan ba king sa! ¡Witin ai iwaika ba kirubin nani purara brisa! Nisan nani ba tatatwi kabia, tasba aiska ba sin.

Yamni Kulki Lawana 2:8

¡Pat aula laitwankira waitna ba! ¡Pat ai bîla baikra ba walisna! Il tara nani pura bâk srutwi aula, kiuhsi nani pura bâk srutwi aula.

Aiseya 24:23

Karnika sut bri Dawanka ba, witin king baku ai warkka daukbia ba ra Saion ilka ba ra, Jerusalem ra. Kati, lapta tihmia takbia bara wihta nani ba Dawan prana ba kaikbia.

Aiseya 33:22

Baha dwarka tara nani kiwa bri ba mahka ba wilki sip alki takaskbia apia; kwalka ba sin witin nani sip sunras kabia. Wan waihla nani dukia kukan ba yawan dakbi bribia. Blain nani pali sin baha dukia wina ai dukia bribia. Bara skahwa nani ba sin impliki briaia warkka daukbia. Kan Dawan ba yawan wan wihtka sa, yawan wan lâka dadaukra, yawan wan kingka, Dawan swaki wan sâkbia.

Aiseya 40:9

Saion wina maisa papakra, man il kum purara ba ra uls; bîlam baikra ba karna wins; karna wins, si bripara, Jerusalem, Juda tawanka tara nani ra wis: “¡Man nani Gâdkam ba kaiks nâra sa!”

Aiseya 41:27

Yang sika pas baha tânka nani Saion ra marikri ba, bara ya mita blikan Jerusalem ra bîla twatwilkra kum witin nani ra wiaia upla nani ba pat pali kli tawi balbia.

Aiseya 42:11

Upla iwras tasbaya nani tawanka tara nani sin, man nani lilia bas, Quedar kiamka nani sin. Selá ra iwi uplika nani sin lilia mita aiwans, il nani bahna wina bîlam baikra binka tara dauks.

Nahum 1:15

¡Kaiks! ¡Il nani pura bâk pat aula sa, kupia kumi takaia sturka ba brih aula uplika ba! Juda, liliakam dauks, man pramiskam nani ba alki dauks. Upla saurakira nani ba, kli aima wala ra sin mai kutbi alkbia apia; witin nani ba aiska pali sauhki tikan sa.

Nahum 2:1

¡Ninibi, âpu mai sauhki daukaia uplika ba man mampara dimi aula sa! ¡Kan kahbaika pliska ra mahka aihwaks! ¡Yabal bîla nani ba, aihwaki kaiki bas! ¡Sordkam ba maisam ra wilki bris! ¡Karnikam nani brisma ba asla dauki bris!

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Matiu 25:34

Bara King ba ai aihkika ra nani ba ra wibia: ‘Bal, man nani, Aisiki mita yamni mai munan nani sma ba; king tasbaya na man nani dukiam wisi Gâd tasba paskan wina ridi dauki ban bri ba, bri banhs.

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Mark 13:10

Bara sturi yamni ba piua tnata aimakras kainara, tasba aiska ra aisi smalkan kaia sa.

Mark 16:15

Witin nani ra sin win: “Man nani tasba aiska ra was, bara sturka yamni ba upla sut ra aisi smalks.

Luk 2:10

Sakuna insal ba bila: “Man nani si bripara, kan yang bui man nani ra sturi pain kum mai wiaia balri, naha na upla sut mapa ra lilia tara kabia.

Luk 24:47

bara ai nina ba nisan nani sut ra aisi smalkan kabia, Jerusalem ba wina tâ krikaia baha nani ra sin wiaia, ai saurka nani ba wina ai kupia lakbia, bara baku mika ai saurka nani ba sut swin tikan kabia.

Epesus 6:15

Man nani piu bani ridi bas kupia kumi sturka ba smalkaia waia.

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Param Marikanka 14:6

Bara yang insal wala kum kasbrika pura ba lilapas kat pâli tauki kan kaikri. Naha lika ban kaia ra smalkanka kum bri kan, tasba ra iwi uplika nani ra smalkaia, nisan sât bani ra, taika bani ra, bîla sât bani ra, upla nani sut ra sin.