Aiseya 52:5 - DAWAN BÎLA AISKA

⁵ Bara nanara, ¿yang nâra dîa kaikisna? Upliki nani na pâtkas pali alki Babilon ra brih wan. Ya uplika nani mita taibi bri ba, ai wîna tara puli lâka ni ai pura winisa bara piu bani ra yang maipara sa.

Aiseya 52:5 ပူးပေါင်းရင်းမြစ်များ

2 Samuil 12:14

Sakuna man Dawan kupia kasak pali sauhkram bamna, luhpiam bisi aisubi takan ba prubia.

Lawana Nani 44:12

Man uplikam nani, sirpi mana atkram, baha atkram wina, man lika diara pura praki briras katma.

Lawana Nani 44:16

upla laihtubi, saura aisi ba bîla tâka mita, waihli nani pana ai munaia, saura aisi mini pruki ba mita.

Lawana Nani 74:10

Man Gâd, ¿ahkia kat wan waihla nani ban saura wan muni kabia ki? ¿Bara ahkia kat, witin nani ba mampara saura aisi ba swibia ki?

Lawana Nani 74:18

Dawan, man waihli nani saura ai muni ba, âmya tikpara; bara baha uplika man ra lukras ba, man mampara saura man aisisa.

Impakan Sturka 3:7

Sakuna Dawan kau ban witin ra aisi, win: —Yang upliki nani Idsip ra pât saura wahwi ba param pali kaikisni. Wark pura kakaira nani ba mita witin nani ra saura muni bara ai mâmna lulki ini makabi ba yang walri, yang kasak pali kaikisni witin nani pât saura pali wahwisa.

Aiseya 22:16

‘¿Man nâra dîa warkka nani brisma, apia kaka ya mita raitkam maikan sa ki, nâra man dukiam raiti kum paskaia unta kum daukaia, plis kum purara ba ra bara man ris briaia pliska kum paskaia walpa tara tilara?

Aiseya 37:28

Yang sut pali kaikisna dîa dîa daukisma ba, taki wisma bara bal dimisma ba sin, bara sin kaikisna, yang maipara kupiam baiki daukisma ba sut.

Aiseya 37:6

Bara Aiseya mita adar yaban: “Man nani dawankam ra naku wima: Dawan mita naku win sa: ‘Aisanka nani walram ba dukiara si bripara, baha bîla wal sika laihtuban, Asiria kingka albika nani ba mita.

Aiseya 47:6

Yang upliki nani mapara kupi baiwan kan, bahki lâka mihta ra mangkri nisanki nani pali ra bara swiri man karnikam munhtara kauhan, man bui witin nani ra umpira kaikras kapram bara almukkam nani pahpaya ra wirhika nani sunram.

Aiseya 51:20

Daiwan alkaika ni sula ra alkan ba baku luhpiam nani ba karnika âpu sa, Gâd kupia baiwanka mita yabal bani ra ikan prawi banhwisa, Gâd mita wapni daukaia mata.

Aiseya 51:23

Baha nani sarkam papaskra nani ba mihta ra kapka ba mangkamni, witin nani bui man nani ra mai win: ‘Tasba ra prawi kama bara yang nani lika man puramku wapi luamna’; bara man wînam tara ba baku, tasba ra prawram bara witin nani mai taiban.”

Aiseya 52:3

Dawan ba naku wisa: “Sint kumi sin briras man nani alba baku mai brih wan piua ra; sint kumi sin yabamna apia, nanara yang mita atki mai sakri ba.

Jirimaya 50:17

“Israel ba sîp tiwan kum baku sa, layan nani mita nina blikisa. Asiria kingka pas bal alki pin; baha wina, Nabucodonosor Babilon kingka ba mita alki pin bara dusa nani ba arban.

Inanka Nani 1:21

Inanki nani ba upla nani walisa, sakuna upla kumi sin âpu sa maisi nihkaia. Waihli nani sut, yang pât wahwanki ba nu sa, bara witin nani lilia takisa man baha daukram ba. ¡Baha yua dukiara maisa pakram ba yas balbia, bara yang ra takan ba baku yas witin nani ra sin takbia!

Inanka Nani 2:3

Witin ai kupia baiwanka ra, Israel karnika aiska ba klaki dakban. Yawan wina laihura sakan ai hilpka karnika ba, wan waihla mapara buan piua ra; ¡Jekob ra pauta laknika kum yan klauhan, sauhki tiki kan dîa wal prawi bani ba!

Isikiel 20:14

Kuna yang nini kulkanka mita daukras katna, saura takaskaia apia tâwan. Baha nisanka nani kaikata, mawanra nahki Idsip wina sakatna ba.

Isikiel 20:9

Sakuna nini kulkanka tara wal daukri, saura takaskaia apia dukiara, baha nisanka aikuki iwi ba tilara, kan baha nisanka nani mawanra param taki, pramis munri Idsip wina sakaia.

Sofonías 1:10

Dawan ba kasak aisisa: “Baha yua ra Jerusalem ra Inska Atkaia Getka ba wina upla nani ini hilp makabi kabia. Upla wala baha lamara iwi nani ba sin, ai pura mata inbia. Bara il bîla nani ba wina, diara nani kauhi binka tara taki ba wali kabia.

Roman 2:24

Bahamna Ulbanka ra aisi ba: “Idan nani ba Gâd mapara saura aisisa man nani pâtkam tâka kumi.”

Wihta Nani 18:3

Micaías watla lamara Libait wahma kum kaikan, witin nahki sturi aisi kan ba. Bara witin nani wih makabi walan: —¿Ya bui man nâra mai bri balan? ¿Man dîa daukisma naha tawanka ra? ¿Dîa pliki nâra taukisma?