Aiseya 52:12 - DAWAN BÎLA AISKA

¹² Man nani tawa tawa taki wama, plapi lika taki wapara; kan Dawan, Israel Gâdka ba wabia bamna, tnamya bani ra kainam kahbi kabia.

Aiseya 52:12 ပူးပေါင်းရင်းမြစ်များ

1 Kronikas 14:15

Batana nani dusa slaunhka purara, bîla binka walma kat taki was aiklabaia, baha tânka ba sika man nani tâmra auna sa, filisteo nani ba iki tikaia.

Impakan Sturka 12:11

Baku sin baha daukisma ba ra, mahka impakaia prâmka dimi, sûskam dingki, dusam mihtam ra brih kira daiwan wîna ba piaia sma. Kan baha yua ba lilia tara yua kabia, Dawan bal kaiki lui wan ba yua, witin ra mayunra dauki yaia yua.

Impakan Sturka 12:33

Idsip uplika nani, Israel luhpia nani ra aihni pali munan ai tasbaya wina mahka taki wan. Kan witin nani lukan baha nani tâwan witin nani sin sut prui tiwbia.

Impakan Sturka 12:39

Bara plawar krauhnika îs âpu daukan nani Idsip wina brih takan ba wal, kik nani angkan. Kan witin nani piua aitani briras kan, yabal pata plun nani ridi daukaia, Idsip uplika nani mita ai tasbaya wina istikira pali kangbi sakan bamna.

Impakan Sturka 14:8

Bara Dawan mita king fero ba kupia karna kaia daukan, Israel luhpia nani ba ban nina bliki waia, baha nani karnika tara wal taki wan sakuna.

Aiseya 26:7

Man Dawan sika, yabal nani ba wapni mangkisma ba, kasakkira nani yabalka ba wapni pali sa.

Aiseya 28:16

Baha mita, Dawan ba naku wisa: “Saion ra walpa kum mangkamni, walpa kum mana tara pali bâk saki briri ba, walpa pas, sut wihtka ba, baha purara mâki kaia walpaya ba, ya witin ra kasak luki ba ai âuyapah kaia sip kabia.

Aiseya 42:16

Bara blain nani ba witin nani kakaira apia, yabalka bâk tapahkamna, witin nani ai mawanra tihmia tara ba ingni daukamni, bara pruamni ba langni daukamna. Baha dîa daukaia aisisna ba kat daukamna.

Aiseya 45:2

“Yang lika man kainamra wamni, kutban purara ba batakamna, bras durka nani ba krikamni, ayan ni kutbanka nani ba kriki yuya man daukamni.

Aiseya 49:10

“Witin nani kli plun daukbia apia, diran sin daukbia apia, yu laptika mita sin bara lapta bitnika mita sin munbia apia, kan yang bui witin nani ra latwan sna tâ brisna bamna, bara lî kârma nani ra brih wamna.

Aiseya 49:11

Bara yang ilki nani ba tilak yabal kum daukamni, yabalki tara nani ba sin langni daukan kabia.”

Aiseya 51:14

Priskan, sari, umpira takan nani ba pat pali pri sakan kabia; tasba unta sialaka watla ra ban prubia apia, ai pata sin danh takbia apia.

Aiseya 57:18

Ai yabalka nani ba yang kaikri; sakuna witin ba rakamni, bara ris sin yabamna bara aiska ai âuyapah kaia, witin ra maisa nihkra yabamni, ai uplika nani sari bri nani ba ra maisa nihkamni.

Aiseya 58:8

Bâra mika ingnikam ba bal takbia yu baiwi uluya ingnika ba baku, bara man insauhkankam ba, isti pali pain takma; bara kasakkam lâka ba kainamra wabia, bara yang praina ba man wal kabia.

Miqueas 2:13

Gâd bui witin nani ai yabalka ba param sâkbia, witin nani bui nina blîkbia, bara tawan dimaika bâk taki wabia. Dawan, ai kingka ba, witin nani tâura aimaki impakbia.

Kulki Kaikanka 10:25

Baha nani ninara Dan luhpia nani kiamka plakinka ba bri impakan. Aiklaklabra nani ba witin nani wihtka ba lika Ahiézer, Amisadai luhpia ba.

Kli Smalkanka 16:3

“Daiwan sakripais daukan ba, man nani wik kum brit îs mangkras wal pi bas, baha ba pât wahwan britka sika, kan isti pali Idsip wina takaia kapram, baku man nani rayakam aiska ra Idsip wina takram ba dukiara kupiam krawi kabia.

Kli Smalkanka 20:4

kan Dawan Gâdkam ba man nani wal sa; baha mita witin bui man nani waihlam mapara aiklabi pura lui maikbia.’

Jasua 4:11

upla nani ba sut baila wala ra lui wan, bara prîs nani ba Dawan lâka auhbaia watla ba brih luan, bara upla nani sut tâura witin nani aimakan.

Jasua 6:9

Suldiar nani ba prîs nani tâura wapi kan, bara upla nani sut ba lika lâ auhbaia watla ba ninara wapi kan, bara prîs nani ba lika trumpit ba takaskras puhbi kan.

Wihta Nani 4:14

Bara Débora bui Barac ra win: —Nanara man taki was, bara Dawan bui nanara Sísara ba man mihtam ra mangkbia. ¡Suldiarkam nani kainara Dawan pat auya sa! Bara Barac ai suldiarka 10,000 nani ba aikuki Tabor ilka wina bal iwan,