Aiseya 51:9 - DAWAN BÎLA AISKA

⁹ ¡Rawi bus! ¡Rawi bus! Dawan klahkla, man karnikam prâka ba dims; rawi bus piua luan ra daukram ba baku, piua wihka luan ra baha daukram ba; Rehob ra klakatma ba, bara dragun kabu ra ba.

Aiseya 51:9 ပူးပေါင်းရင်းမြစ်များ

Job 26:12

Ai karnika ba ni kabu ra taiban, witin sip ba mita, Rahab daiwra saura tara ba pura luan.

Job 9:13

Gâd ba lawbia kaka, pat pali sip kupia slakras sa; Rahab aikuki ai tâ baiki waihla nani mapara bûi nani ba sut ai mina ra taibi swira daukisa.

Lawana Nani 21:13

¡Dawan, karnikam ba brih bus! ¡Yang nani lawana aiwani, man pura luisma ba dukiara lilia dauki banhwi kamni!

Lawana Nani 44:1

Dawanki, yang nani pali walri, damiki nani baha dahra ai win, baha warkka man bui witin nani yua nani ra daukram ba patitara yua nani ra.

Lawana Nani 44:2

Man mihtam pali ni, idan nani tasbaya wina kangbi sakatma; nisan nani, upla sât wala nani ra klala yaram, bara damiki nani ra yaram, witin nani iwi kan ba tasbaya ra iwaia. Witin nani ra yaram manis sahwan.

Lawana Nani 44:23

Dawan, ¿dîa kan man yapisma? ¡Mahka bus! ¡Mahka bus! ¡Yapisma ba, lulki wan swipara ban kaia ra!

Lawana Nani 44:24

¿Dîa kan man ba yang wina yukuwisma? ¿Dîa kan yang nani ra âmya wan tikisma? ¡Yang nani pât ailal wahwi banhwisna!

Lawana Nani 59:4

Dawan, yang mampara buras, baku sin saurka lâka daukras kapri; bara sin yang saura daukras, ban sakuna maipara aiklabi ai ikaisa. ¡Rawi bus! Yang ra bal ai kaiks.

Lawana Nani 7:6

¡Dawan, bus man, lawanka tara wal; waihli nani kupia baiwanka mapara taki bus! ¡Man, lâ kasak ba daukaia wiram, yang tâiwan aimaks!

Lawana Nani 77:5

Mani nani luan yua nani ra lukisni;

Lawana Nani 78:65

Sakuna Dawan ba kli rawan, yapan wina bûi ba baku war aiklaklabra, wain dih bla taki yapi si bûi ba baku,

Lawana Nani 87:4

“Tawan nani ai kakaira ba, tila wina sip sna nina mâkaia Idsip, Babilon, Filistea, Tiro bara Etiopía; witin nani sut ba man wina aisubi takan.”

Lawana Nani 89:10

Kabu daiwra saura tara ba ikram, upla pruan kum kan baku; waihlam nani ba sut yaram plapan man klamhkla karnika ba ni.

Lawana Nani 89:11

Kasbrika pura bara tasba ba wal man dukiam sa, tasba aiska bara diara nani sut tasba ra ba man paskram sa.

Lawana Nani 93:1

¡Dawan sika king! ¡Dawan ba kwala painkira ni dingkan sa, karnika ni kir kutbi brisa! Tasba aiska ba, witin bapan nikbia apia wisi.

Impakan Sturka 6:6

Bamna Israel luhpia nani ra wih wis yang, Dawan mita witin nani alba lâka ra ba wina pri sakaisna, Idsip uplika nani mita wark karna yan taki ba wina sin. Yang karniki ba mariki witin nani ba swaki sakamni, warkki karnakira lâ wapni daukisna lâka ba wal;

Aiseya 27:1

Baha yua ra Dawan mita klala karna yabia ai sordka tara, karnakira ba ni, Leviatán ra, piuta plaplapra ba, Leviatán piuta âuya mâira ba, bara dragun ba ikbia kabu ra bâra ba.

Aiseya 30:7

karnika âpu, hilp munaia tâ baikaia sip apia. Baha mita nina ba yang naku mâkisna: “Daiwan saura tara kum uhbisa, sakuna diara daukras”.

Aiseya 51:17

¡Rawi bus! ¡Rawi bus! ¡Jerusalem, rawi bus! Dawan klalka ba wauhram, kupia baiwanka kapka ba diram, man ban bla takram ba kat.

Aiseya 51:5

Yang pura luaia ba pat baila pali sa, swaki mai sakaia lâka ba aula sa, yang klaihkla nani ba upla nani lâka daukbia; kabu un ra iwi nani ba sut yang bîli kaikisa, yang karniki ra bîla kaikanka brisa.

Aiseya 52:1

Rawi bus, Saion, rawi bus, karnikam ba prâmka dims, Jerusalem tawan holikira prâmka kau pranakira ba dims, kan gâdkas, upla tâskikira, kli bal man ra dimbia apia.

Aiseya 52:10

Dawan ai karnika ba param ra sakan, nisan nani sut nakra ra. Bara tasba aiska ra sin yawan wan Gâdka swaki wan sakanka lâka ba kaikbia.

Aiseya 53:1

¿Ya kasak lukbia yawan dîa wali ba? ¿Bara ya purara Dawan ba ai karnika ba param sakan sa ki?

Aiseya 62:8

Dawan ba swer takan ai klahkla aihkika karnika ba buki: “Kli swirka man plawarkam ba wina waihlam nani pibia apia, tringsar nani ba sin man wark takram wainka ba wina dibia apia;

Isikiel 29:3

Wis: ‘Dawan naku wisa: Yang param takisni man waihlam, king fero, Idsip kingka, daiwan aihka saura tara, awalkam ra bâra sma bara aisisma: Nilo awala ba yang awalki, yang daukri.

Miqueas 7:15

Man bui diara aihka painkira tara nani, witin nani ra dauki mariks, Idsip tasbaya wina sakram yua ra dauki marikram ba baku.

Abakuk 2:19

Man nani sarkam pali ai daukisa, dus ni lilka kum paskan ba ra wisma: “¡Rawi bus!” Walpa kum sip aisaras ba ra sin wisma: “¡Mahka bus!” ¿Bara lilka nani ba sip kabia ki pana diara kum wan aisaia? ¡Apia, kan ai rayaka pali ba âpu sa mita, ban sakuna gul bara silbar ni lalauban kabia kra!

Abakuk 3:13

Man tawankam ra hilp munaia taki waram, bara king ba man mita wahbi sakram, watawikira nani watla bahna ba sauhki tikram, bara plamaya nani walpa karnakira ni paskan ba param sakram.

Sakaraya 10:11

Witin nani Idsip kabuka ba lubia, ripka nani ba âpu daukamni. Nilo awala ba klang lâkamna, Asiria praut lâka bri ba yarka bawbia bara Idsip karnika ba sin âpu daukamni.

Sakaraya 2:13

¡Yarka upla nani sut Dawan mawanra sâp pali kabia, kan witin iwi yaba watla holikira ba wina yawan ra aula sa!

Luk 1:51

Ai karnika sut wal daukan, prautkira nani lukanka ba âpu daukan.

Jan 12:38

bamna naha diara sut na aimakaia kan prapit, Aiseya ulbanka ba kat: “Dawan, ¿ya wan smalkanka ra kasak lukan ki? ¿Yaura Dawan mita ai karnika ba marikan ki?”

Apastil Nani Sturka 7:7

Ban sakuna, Gâd naha sin win: ‘Baha nisanka alba bribia ba yang mita lâka daukamna; ningkara witin nani baha wina takbia, bara naha pliska ra bal yang duki daukbia.’

Kli Smalkanka 4:34

¿Gâd wala bâk sakan ba ra kangbi, upla wala nani tilara tânka tara kaiki, sain nani wark aihkakira dauki, war aiklabi kira tasba ra ai karnika marikan, Dawan Gâdkam Idsip ra man nani mamta daukan kaikram ba?

Param Marikanka 11:17

naku aisi: “Dawan Gâd, man karnika sut brisma ba, man ban sma ba, ban katma ba, bara balaia sma ba, yang nani tingki mai wisna, karnikam tara ba brih mahka king aimakram bamna.

Param Marikanka 12:9

Baku bamna, dragun tara ba latara lulkan kan. Witin sika piuta almuk ba, nina dibil bara Sitan mâki ba, witinka mita sika tasba aiska ra kunin aisi ba. Witin ai insalka nani kira tasba ra lulkan kata.

Wihta Nani 6:13

Bara Gedeón pana aisin: —Mâsa, padin ai muns, sakuna Dawan ba yang nani wal sa kaka, ¿dîa muni naha diara nani naku yang nani ra takisa? ¿Anira sa Dawan daukanka karnakira nani ba, baha dukiara wan damika nani wan aisi kan ba Idsip wina wan sakan piua ra? Sakuna witin naiwa wan lulkan bara Madián uplika nani mihta karnakira ra mangki wan swin.