Aiseya 51:5 - DAWAN BÎLA AISKA

⁵ Yang pura luaia ba pat baila pali sa, swaki mai sakaia lâka ba aula sa, yang klaihkla nani ba upla nani lâka daukbia; kabu un ra iwi nani ba sut yang bîli kaikisa, yang karniki ra bîla kaikanka brisa.

Aiseya 51:5 ပူးပေါင်းရင်းမြစ်များ

Lawana Nani 110:6

witin nisan nani mapara lâka daukbia; upla pruan nani wîna ba paski swibia; ¡tasba bani ra upla lal nani ba yaka pana pana prukbia!

Lawana Nani 67:4

Yarka nisan nani ba liliakira mai winbia, man wihta aimakisma lâka ba, upla nani ra kasakka lâka kabia; ¡man sika tasba aiska ra nisan nani ba tâ brisma!

Lawana Nani 85:9

Kasak, sa, Gâd ba wan lamara sa, ya witin ra kulki nani ba swaki sakaia, bara ai prana ba wan tasbaya ra bâra kabia.

Lawana Nani 96:13

Dawan mawanra, witin aula ba! ¡Âu, witin aula tasba wihtka aimakaia bara tasba aiska uplika nani wihta aimakaia kasakka lâka bara kasak tânka ba wal!

Lawana Nani 98:9

Dawan mawanra, witin tasba na wihtka aimakaia aula. Tasba aiska na wihtka aimakbia kasakka lâka bara sibrin luha ba wal.

Aiseya 11:11

Baha piua ra, Dawan ba aima wala kli ai karnika marikbia, ai uplika nani kau swin ba kli bri balaia, Asiria, Idsip, Patrus, Etiopía, Elam, Sinar, Hamat bara kabu un ra iwi tawanka nani ba wina sut sin.

Aiseya 24:15

Baku sin lalma tani ra bara kabu un ra iwi kuntrika Dawan ra mayunra pranakira yabia, Israel Gâdka ra.

Aiseya 26:4

Man nani lika Dawan ra kasak luki ban bas, kan Dawan ra baman sika wan yukuwaika ban kaia ra bâra sa.

Aiseya 33:2

Dawan, yang nani ra umpira ai kaiks, yang nani lika man bîlam kaikisna. Man bui yang nani tâi baiki ai bris titan bani, wan trabil tara piua ra sin man wan swaki wan sakisma.

Aiseya 33:22

Baha dwarka tara nani kiwa bri ba mahka ba wilki sip alki takaskbia apia; kwalka ba sin witin nani sip sunras kabia. Wan waihla nani dukia kukan ba yawan dakbi bribia. Blain nani pali sin baha dukia wina ai dukia bribia. Bara skahwa nani ba sin impliki briaia warkka daukbia. Kan Dawan ba yawan wan wihtka sa, yawan wan lâka dadaukra, yawan wan kingka, Dawan swaki wan sâkbia.

Aiseya 40:10

Kaiks, Dawan ba ai karnika wal aula bara witin Dawan aimakbia. Ai uplika nani brih aula witin holi atki saki brin ba.

Aiseya 42:4

Witin ris bribia apia, dring sin swapbia apia, tasba ra kasakka lâka ba bapbia ba kat; kabu un ra iwi nani ba, man lâmka ba bîla kaiki kabia.”

Aiseya 46:13

Yang daukisna swaki sakanka warkka brisna ba lamara balbia; yang swaki sakangki ba takaskras aula, laihura apia sa. Saion ra swaki sakan lâka yabamni bâra sa, bara yang praina ba Israel ra sa.

Aiseya 49:1

Kabu un ra iwi nani sma ba, man nani laihura iwisma ba sin sut, aman yang ra wals: Dawan ai paiwan, kau yang aisubi takras kapri piua wina; kau yang yaptiki biara ra kapri nini mâkaia ba ai kupia lukra ra brin.

Aiseya 54:17

sakuna upla kumi sin kau bin daukras sa, baha mai sauhkaia sip ba; damhra kwahki nani ba sut bîla praki swima. Yang warkki dadaukra nani ra yabisna ba sika naha: pura luaia.” Dawan witin baha kasak aisisa.

Aiseya 56:1

Dawan naku win sa: “Wapni lâka ba alki dauks, bara man nani kasakka lâka ba dauks, kan swaki mai sakaia lâka ba pat lamamra aula sa, yang kasakki lâka sin param mamrikaia.

Aiseya 59:16

Dawan witin baha kaiki tâ iwan, bara aihka lukan upla kumi sin âpu kan, witin tâwan aimakaia ba; bara Dawan ai karnika ba ni wark daukan, ai kasakka lâka ba dauki pura luan.

Aiseya 60:9

Baha duri tara nani Tarsis dwarka tara nani ba mita tâura aimaki aikuki asla taki aula ba, laih wina luhpiam nani ba dukia brih aula, silbar bara gul sin, Israel Gâdka Holikira, Dawankam ba, kulkanka yabaia, witin mita sika pranakira mai paskan ba.

Aiseya 62:11

Dawan mita naha sturka na maisa pakisa tasba aiska ra upla sut walaia: “Man nani Saion tawanka ra wis: Kaiks man sasakrikam ba pat aula. Dawan lika ai uplika nani ba wal aula, ai warkka daukan ba mana witin ai mawanra yabia.”

Aiseya 63:5

Kaiks upla kumi sin âpu kan hilp ai munaia; bara yang aihka luki tâ iwi kaikri, ya pan sin tâi baikaia âpu kan ba. Bara yang klaihkla ba mita pura luaia ba aikan, bara yang kupi baiwanka ba mita tâi baikan.

Joel 3:12

Nisan nani sut ridi taks, upla sut Josafat ilka bîla ra man nani was; Dawan aula nisan nani sut wan lama kir iwi nani ba, lâka bahara daukaia.

Sofonías 2:11

Dawan ai lawanka ba witin nani ra marikbia. Ai tasbaya aiska ra gâd bahki nani bri ba sut slingbi tikbia, bara tasba bani ra, kî nani ra iwi uplika nani ba sin sut, Dawan ra baman mayunbia.

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Matiu 3:2

ai smalkanka ra aisi kan: “¡Man nani kupiam laks, kan Gâd king aimaki lâka ba pat baila sa bamna!”

Mark 16:15

Witin nani ra sin win: “Man nani tasba aiska ra was, bara sturka yamni ba upla sut ra aisi smalks.

Luk 24:47

bara ai nina ba nisan nani sut ra aisi smalkan kabia, Jerusalem ba wina tâ krikaia baha nani ra sin wiaia, ai saurka nani ba wina ai kupia lakbia, bara baku mika ai saurka nani ba sut swin tikan kabia.

Apastil Nani Sturka 17:31

Gâd yu kumi mangkan sa, naha tasba aiska na lâka wapni kat daukaia, waitna kumi witin bâk sakan ba mita. Naha dukiara tânka aiska wan marikan sa, Jisas pruan wina bukan bamna.”

Roman 2:16

Sturi yamni smalkisa ba kat, baku sika baha yua Gâd mita Jisas Kraist bâk upla nani sut tânka yukuwan ra ba kat lâ daukbia.

2 Korint 5:10

Kan yawan kumi bani Kraist lâ iwaika mawanra bubia sa, bahara kat upla bani ai mana dîa kabia ba briaia dukiara, mana yamni, apia kaka mana saura, witin ai wîna ra raya kan piua daukan ba tânka kat.

Kli Smalkanka 30:14

Baku daukaia watlika ra lâ nani ba man nani lamam pali kat sa. Man nani unam nani ra bara lukankam nani ra sa, man nani baha daukaia sip sma ba kat.

1 Samuil 2:10

Dawan ba ai waihla nani ba kriki yuya baman daukbia, kasbrika purara ba wina witin nani mapara alwani nani blîkbia. Dawan ba tasba aiska na lâka aisi daukbia; witin sin bâk sakan kingka ra karnika yabia, bara ai karnika ba sin swika pâwi tara takbia.”