Aiseya 51:3 - DAWAN BÎLA AISKA

³ Saion ra yamniki marikamna, baha tawanka tara sauhkan bâra kata ba. Tasba lâwan upla iwras tasbaya ba wina giadin daukamna, Dawan mita Eden giadinka ra mangkan ba baku. Bahara lilia bâra kabia, kikaia sin, mayuni aiwananka nani miusik binka dauki.

Aiseya 51:3 ပူးပေါင်းရင်းမြစ်များ

Blasi Sturka 13:10

Bara Lot Jordan twiya aiska ba tawi kaikan, ban Sóar tawanka sirpi ba kat. Awalka un ba lî ailal bâra sa, giadin tara kum baku. Idsip tasbaya talia kan. (Sodoma Gomora wal Dawan mita kau sauhkras kan ba piua ra kan baku kan.)

Lawana Nani 85:8

Dawan dîa aisabia ba walamni, kan ai uplika ra baman, kupia kumi lâka ra aisabia bamna, witin ra kasak luki nani ra baman, kli witin nani sinskas kra takbiara sin.

Aiseya 12:1

Baha yua ra man wima: “Dawan, man ra tingki mai wisni, maipara man kupiam baikram sakuna, kupiam baiwanka ba tnaya ra lakram, bara man maisi nihkram.

Aiseya 25:9

Bara baha yua ra witin nani wibia: “Kaiks, naha sika yawan wan Gâdka, yawan lika witin ai bîla kaiki kan, nanara witin swaki wan sakan, yawan lilia kap witin swaki wan saki ba mita, yawan lilia daukpi.”

Aiseya 35:6

bâra mika skahwa nani ba sula srutwi pâli baku srutwi kabia, bara baha nani sturi aisaras twisa nani ba sin ai pura winbia. Upla iwras tasbaya, tasba lâwan wina lî kârma nani sin takbia.

Aiseya 41:16

Witin nani ba pâsa ra bukma, bara pâsa mita witin nani ba brih wabia, prari mita tanis yakabia. Bara man Dawan ra lilia kama, Israel Gâdka Holikira ba dukiara tara damra wali kama.

Aiseya 43:19

Yang diara raya kum daukisna, man kaikma baha naha minitka ra bal takbia. Upla iwras tasbaya ra yabal kum daukaisna bara awala nani diara pâwras tasbaya ra.

Aiseya 44:26

Sakuna yang duki dadaukra aisan ba, yabri daukisa bara bâk saki briri uplika ba lukanka nani ba pain baman takbia. Yang param sakisna, Jerusalem ba kli upla iwan kabia, bara Juda tawanka nani ra sin. Yang daukamni, kli bukan kabia slingwanka nani ba wina.

Aiseya 49:13

¡Kasbrika laih purara, mayunra lawana nani aiwans! ¡Bara tasba sin lilia tara ni banhs! ¡Il nani, man nani mayunan binka tara dauks! Kan Dawan lika ai uplika nani ba maisa nihkan bamna, baha nani umpira ba dukiara luki kaikan bamna.

Aiseya 49:19

Man kuntrikam ba sauhki tikan sa, slingbi tikan bara bîla baman swin sa, sakuna nanara tasbayam bîla sirpi takbia kwâra tara nani bal iwbia ba mita. Mai sauhki tatikra nani ba laihura kitbi sakan kabia.

Aiseya 49:8

Dawan ba wisa: “Piua nani balan sa yang kupi yamnika lâka ba mamrikaia, bara mai aisari; swak takan lâka ba balan sa, bara hilp mai munri. Yang kainam kahbri man dukiamra tawan wal lâ daukri ba, kuntri ba kli paskaia, yabrika tasba sauhkan bîla man ba kli ai mihta ra bribia dukiara.

Aiseya 51:12

“Yang, yang sika, man nani maisam nihkra sna. ¿Man nani ya sîa mai daukisa? ¿Upla nani ra? ¿Upla praprura nani ba baha nani twi baku ba?

Aiseya 52:9

¡Jerusalem, liliam mita mayunra tara ba aiwans, Jerusalem slingwanka nani Dawan lika ai uplika nani ba umpira kaiki bamna, Jerusalem ba atki sakan bamna!

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Aiseya 65:18

Man nani lilia, kupiam lilia man ban bas yang dîa paskaisna ba dukiara, kan Jerusalem ba lilia yang paskaisna, bara upla nani sin bahara ai âuyapah iwaia.

Jirimaya 31:25

Bara plun pin kabia, diara din kabia aibanhwan praiska swapan nani ba bara karnikas ba sin.”

Isikiel 28:13

Eden ra katma, Gâd giadinka ra, mai sakahkan kan walpa pranakira sât sât wal: rubi walpaya, krisulait, jadi walpaya, topas walpaya, karnilian walpaya, jasper walpaya, sapair walpaya, garnit walpaya, esmeralt walpaya; bangkilkam ba bara kiamam lula ba gul ni ridi daukan kan, mai paskan yua wina.

Isikiel 36:11

Yabrika upla bara daiwan nani ba ailal pali sauhbia. Upla ailal pali takbia blasi piua ra kata baku; bara piu luan ba wal, man nani kau yamni kama. Baku mika damra wali banhma yang sika Dawan sna ba.

Isikiel 36:35

Bara wibia: Naha tasbaya, upla iwras tasbaya takan ba, nanara lika Eden giadinka baku takan sa; tawan nani sauhki tikan kan ba, diara âpu pali sauhki tikanka tara ra swin kan ba, nanara lika kan kahbaika pliska nani takan, bara upla nani bâra iwisa.

Joel 2:3

Witin nani ba pauta klauhan baku sa, diara sut angki âpu daukisa; kau bal lui waras ba ra, kainara diara sut angkisa, bal lui wan ba ningkara, kau ban angkisa. Witin kau balras ba ra, tasba ba insla disang painkira kum baku sa, witin nani bal lui wan ba ra, tasba kum bîla man ba baku dauki swin sa. ¡Bahara diara kumi sin swak takras, sut âpu daukan!

1 Pita 1:8

Man nani lika Jisas Kraist ba namkra pali ni kaikras, ban sakuna, latwan kaikisma; man nani bui witin ra kasak lukisma, namkra ni kaikras sma sakuna; bara ba mita lilia tara bara pranakira sin brisma, bara liliaka tânka ba bîlam ni sin sip aisaras,