Aiseya 51:2 - DAWAN BÎLA AISKA

² man nani aisikam Ebraham ra kaiks, bara Zérah ra sin, man nani rayaka maikan ba. Yang bui witin ba paiwri yakan bâra kan bamna, bara witin ra yamniki yâri, bara kiamka ailal daukri.

Aiseya 51:2 ပူးပေါင်းရင်းမြစ်များ

Blasi Sturka 22:17

kasak pali yang yamni mai munamna, kiamkam ba slilma ailalka kasbrika purara bâra ba baku, ailal pali daukamna, kabu sin auhika ailal kabu un ra ba baku daukamna. Baha purkara, witin nani mita ai waihla nani sut pura lubia,

Blasi Sturka 24:1

Naha piua kat Ebraham pat almuk pali takan kan, diara sut witin daukan ba Dawan mita sin ai yamnika yaban kan.

Blasi Sturka 24:35

Dawan mita yang dawanki ra uya yamni pali munan bara yuyakira pali daukan: sîp bara bîp nani, silbar, gul, alba waitna bara alba mairin nani, kiamil nani, biriku nani sut ailal yaban.

Aiseya 29:22

Baha mita, Dawan, Israel Gâdka ba, Ebraham kli atki sakan ba, witin naku wisa: “Nanara wina Jekob kli swira daukan kabia apia, ai mawan sin kli ami pauni takbia apia.

Aiseya 41:8

“Jekob tawanka Israel luhpia nani, wals, yang duki dadaukra bâk saki briri ba, Ebraham yang upliki pali kiamka ba wina:

Aiseya 43:27

Man aisikam nani tâura saura daukan, smasmalkrikam nani sin wark saura maipara daukan.

Aiseya 48:1

“Jekob watla uplika, man nani naha na wals, Israel nina ni mâki ninam mâkan ba, bara man nani ba Juda kiamka, Dawan nina ra swer taki nani sma ba; bara puram suni daukisma ba, Israel Gâdka dukiara, sakuna wapni lâka ra apia, kasakka lâka ra sin apia;

Aiseya 60:22

Sirpi nani ba wina tausin ailal bal takbia, kau sirpi ba wina, upla daknika karna kum bal takbia. Yang sika Dawan, naha daukamna, bara pat pali ai piua kat bal baku aimakbia.”

Aiseya 63:16

¡Man sika yang nani aisiki! Ban kra, Ebraham yawan wan kaikras wibia kaka, Israel sin yawan ra wan lukras kabia kaka, man, Dawan, man sika wan aisika; patitara wina man sika, yang nani sasakriki.

Isikiel 33:24

“Upla nani Israel tawanka nani slingban ba ra iwi nani ba, aisi taukisa: ‘Ebraham ba yakan kan ba ra, ban sakuna kuntrika aiska ba dawanka takan; yawan upla kau ailal banhwi na, kau wan raitka brisa kuntrika na dawanka nani takaia.’

Kli Smalkanka 1:10

Dawan Gâdkam, luhpa nani ailal pali maikan, nanara man nani upla ailal pali sma, slilma ailalka nani baku.

Kli Smalkanka 26:5

Bara Dawan Gâd lamara mai kaiki ba ra naku param aisama: ‘Damiki nani ba dakni sirpi, Aram uplika nani impapakra kan, Idsip ra diman ai pliska brih iwan, baha ningkara nisan tara kum, karnakira bara ailal sin sahwan.

Jasua 24:3

Éufrates awalka un wina Ebraham ba saki briri, bara Kenan tasbaya ba aiska yâri wapi taukan. Yâri ailal sahwaia, pas ai luhpia Aisak ba sin yâri,