Aiseya 51:19 - DAWAN BÎLA AISKA

¹⁹ Naha saurka wâl na puramra balan sa: man kuntrikam sauhki tikan ba bara impliki âpu daukan, bara man uplikam nani prui tiwan plun bla, war takan mita. ¿Ya man ra umpira mai kaikbia? ¿Ya man ra maisam nihkbia?

Aiseya 51:19 ပူးပေါင်းရင်းမြစ်များ

Job 2:11

Baku bamna, Job ai pânika nani yumhpa bri kan: Elifaz, Temán tasbaya wina, Bildad, Súah tasbaya wina, bara Sofar, Naamat tasbaya wina. Witin nani Job ra dîa pâtka takan ba sut wali banhwan, bara witin nani aitani lukan witin ra wih maisa nihkaia bara ai pâtka tara wahwi ba tilara ai lamara kaia.

Job 42:11

Bamna ai muihni nani, ai lakrika nani bara ai pânika nani sut mita kaikaia wan, patitara kakaira nani kan ba sin, sut asla witin nani pata tara kumi daukan ai watla ra, bara witin nani sut Job dukiara uya pali sari taki banhwan bara uya maisa nihkan Dawan mita baku pali klala yan ba dukiara, kumi bani mita lalah yan bara gul mihtadingka sin yan.

Lawana Nani 69:20

Saura ai win ba mita, kupi ba sut sauhkan sa; lukanki ba swapni sakan bara karniki sin âpu takan. Bamna yang bahki man plikri upla kum, latwan ai kaiki maisi nihkbia dukiara.

Smasmalkra 4:1

Ningkara yang lukanki ba, naha tasba ra taiban lâka nani dauki ba ra aman pali mangkri, bara kaikri taiban lâka mununhtara nani ba, inisa, kuna upla kumi sin âpu baha maisa nihkaia; bara tataibra nani ba bui kau pali karna munisa kuna maisa nanihkra nani lika âpu.

Aiseya 14:30

Umpira nani ba naisla ra ai daiwra nani ba twi dakakan kabia, diara luha nani ba ai âuyapah prawi kabia; sakuna yang mita yabrika man uplikam nani ba plun wahwi prubia, bara man uplikam nani kau takaskan ba sin ikamni.

Aiseya 22:4

Baha mita yang wîri: Man nani ai swis, inanka tahplira ba inamni, maisi nihkaia wisi ai aisapara, tawanki luhpia mairin nani sauhki tikanka saura ba wina.

Aiseya 47:9

Damra walras kira, yu kumi bilara, diara saura wâl ba man ra takbia: piarka bara luhpias takma, ban sukia warkka smaya kaikaia bara yapi kaikaia warkka tnata âpu daukram sakuna.

Aiseya 54:11

¡Sari takan tawanka, pâsa karnikira mita sauhki tikan, upla kumi sin âpu maisa nihkaia! Yang walpayam nani ba walpa wala manakira nani purara karna daukamna, playkam nani ba sapair playka purara bapamna.

Aiseya 60:18

Saura munaia daukanka ba man nani tasbayam ra kli walan kabia apia, sauhki tikan lâka, lâ krikanka nani sin walbia apia, sakuna kanra mika walbia, man tawankam kutbanka nina ba ‘Swaki Sakan Tawanka’, man getkam nani ba ‘Mayunra Getka nani’ mâkan kabia.

Aiseya 61:2

Dawan yamni kaiki manka ba smalkaia, yawan wan Gâdka ba mita wan waihla nani ra pana munbia yua ba. Sari bri nani ba sut sin maisa nihkaia ai blikan.

Aiseya 8:21

Witin nani tasba kum wina tasba wala ra taiban lâka ra taki wabia, plun dauki kabia; plun dauki ba mita, ai kupia baiki kabia. Ai kingka ra, ai gâdka ra sin lahtubia. Witin ai mawan na purara tawi kaikbia

Jirimaya 15:5

“Jerusalem, ¿ya man nani tâmwan kupia swapni takbia ki? ¿Ya pali man nani ra umpira mai kaikbia ki? ¿Ya pali man nani wînam aiska yamni kaia dukiara mai lukbia ki?

Jirimaya 24:10

Witin nani ra war blikamna, sanglang, siknis sin, witin nani ra yabri tasbaya ai damika nani ra sin yabri kan ba tasbaya ra witin nani kumi sin âpu takbia ba kat.”

Inanka Nani 1:12

¡Man nani, yabalku auma ba, wiria takaski luki kaiks, sari lâka wala yang sairka na baku bâra sa sapa, ai munan pât wahwisna na! ¡Dawan bui naha pât wahwanka ai blikan, ai kupia baiwanka lapta pali taki piua ra!

Inanka Nani 1:9

Witin ai kwalka aiska ba tâski ni banhwan sa; baha wina pâtka tara aula ba dukiara lukras kan. Sip kasak lukras nahki muni kauhan sapa; upla kumi sin âpu sa witin ra ai maisa nihkaia. ¡Dawan, kaiks, yang umpirki na, bara waihli nani prautka lâka ba sin!

Inanka Nani 3:47

sibrin lâka, mini pruki kauhaia dukia nani, sauhki tikanka bara aisawi luanka, ¡baha sika yang nani maipara balan!

Isikiel 14:15

“Bara kuntri bîla bâk daiwan wail yaka lubia kaka, upla iwi nani ra âpu daukbia, bara upla iwras tasbaya takbia, upla kumi sin bâk lubia apia, daiwan wail ba sîa.

Isikiel 14:21

“Yang Dawan sna ba, naku wisni: Kau saura kabia Jerusalem mapara klala saurakira walhwal blikamna piua ra: war, plun wahwan, daiwan wail nani bara siknis saura nani, bara ikri upla bara daiwan nani sut ba.

Emus 7:2

tristrisia nani ba bal insla aiska ba pih âpu dauki kan, bara yang wîri: —¡Dawan, Jekob kiamka nani saura daukan pâtka ba ban swih tiks! ¿Witin nani nisan sirpi bamna nahki muni nisan wala mapara bapi bubia ki?

Nahum 3:7

Upla sut mai kaiki sîam plapbia, bara witin nani wibia: ‘¡Ninibi kata ba sauhki âpu tikan sa! ¿Nanara ya witin nani ra umpira kaikbia ki? ¿Nanara ani wina witin nani maisa nanihkra ba pliki sâkbia ki?’

2 Korint 7:13

Baha mita, yang nani maisa nihkra briri. Bara maisa nihkra briri nani ba purkara, yang nani uya lilia takri, Taitus ai âuyapah pali kan ba dukiara; bamna man nani sut mita hilp munram witin ba ai kupia kumi kaia.