Aiseya 5:8 - DAWAN BÎLA AISKA

⁸ ¡Man nani saura pali kama, utla nani atki kau atkisma ba, insla nani brisma kuna kau pura prakisma, upla wala dukia swiras, man nani baman tasbaya na ra iwisma baku!

Aiseya 5:8 ပူးပေါင်းရင်းမြစ်များ

Job 15:28

Ani tawanka nani ra wih iwbia ba, sut sauhki tikan kabia; utla nani ba bîla baman swin kabia, bara slingbi tikan dukia nani ba, ailal pali bahara paski swin kabia.

Job 20:21

Ai gridika lâka wina diara kumi sin sip swakras kata, baha mita ai âuyapah lâka ba ban wihka wabia apia.

Sins Lâka 15:27

Upla gridikira lika, witin ai watla bilara trabil bukisa, sakuna taiban lâka mana briaia waihla ba lika, raya kabia.

Isikiel 11:15

“Upla nani Jerusalem ra iwi ba Israel luhpia nani dukiara aisisa, man nani tawankam uplika nani ra wisa: ‘¡Witin nani ba Dawan wina laihura sa! Yawan nani ra lika, kuntri ba wankan yawan baha dawanka takaia.’

Isikiel 33:24

“Upla nani Israel tawanka nani slingban ba ra iwi nani ba, aisi taukisa: ‘Ebraham ba yakan kan ba ra, ban sakuna kuntrika aiska ba dawanka takan; yawan upla kau ailal banhwi na, kau wan raitka brisa kuntrika na dawanka nani takaia.’

Emus 1:13

Dawan naku aisisa: “Amón uplika nani saura ailal pali daukan; bamna yang bui witin ba sip klala yabras swimna apia, kan witin nani ai tasbaya piarkika ba kau kanra kitbi brih waia dukiara Galaad tawanka ra mairin kwihra nani bâra kan ba biara klaki baikan.

Miqueas 2:1

¡Nahki saura kabia baha nani, tihmia aiska ai krikrika ra prawi, nahki saura daukaia ba dukiara baman luki kaiki ba, bara titan yu baiwan wal saurka ba mahka daukuya, witin nani karnika ai mihta ra bri bamna!

Miqueas 2:2

Upla wala tasbaya nani ba kaiki tumisa bara sin dakbi brisa; baku sin upla wala watla nani kaiki tumisa bara implikisa; watla dawanka waitna ra, maya bara luhpia nani ra, ai yuyaka bri ba sut ra taibi munisa.

Abakuk 2:6

Sakuna nisan wala nani ra pura lui taiban ba, witin nani pana lawaska kikbia, baha ra lawana ulbi aiwani: “¡Man sarkam pali ai daukisa, upla wala dukia kukanka nani dakbi bri yuyakira takisma ba! ¿Ahkia kat man baha uplika nani ra ban taibi muni dukia nani mihta wina dakbi brih kau ban traska dimi kaisma ki?”

Matiu 23:13

“¡Lâ Smasmalkra nani bara parisi nani, kuninkira nani, man nani mampara saura pali kabia! Kan man nani kasbrika purara ba Kingka aimaki lâka durka ba prakisma, upla wala nani dimbia apia dukiara. Man nani pali sin dimras, upla wala nani diman dauki ba sin yabram dimras.