Aiseya 5:6 - DAWAN BÎLA AISKA

⁶ Yang daukamna ba, lulki swin tasbaya baku kabia; dauhbia apia, inmika sin daikbia apia, kiaya dusa saura nani pâwbia. Kasbrika nani ra adar yamni, lî baha purara auhbia apia dukiara.

Aiseya 5:6 ပူးပေါင်းရင်းမြစ်များ

1 King Nani 17:1

Prapit Ilayas Tisbé tawanka wina, Galaad tasbaya pîska ba wina kan ba, Ahab ra win: “¡Israel Dawan Gâdka raya iwi ba nina ra swer takisna, witinka dukia daukisna ba, lî auhbia apia, diwas laya sin âpu kabia naha manka nani ra, yang bui wimna ba kat!”

1 King Nani 8:35

“Witin nani mampara saura daukan ba tâka mita lî auhras kabia, bara witin nani naha watla ra bal man ninam ra makabi ai saurka sin dahra sâkbia kaka, ai saurka daukan ba wina kli tawbia, sari sin takbia kaka,

Job 31:40

yang tasbayi ba plawar mâ pâwaia watlika ra, kiaya nani ni yarka pâwbia, twi saura ni sin pâwbia, barli mâ pâwaia watlika ra. Naha bîla nani wal Job ai aisinka ba prakisa.

Sins Lâka 24:31

bara yang kaikri baha nasla aiska bîla ba, rahra pali man pâwan kan, baha yarka kutbanka ba sin walpaya nani ba slingwan kan.

Aiseya 24:12

Tawan tara ba bîla man swin, sauhki tikanka ba wal getka ba batakan.

Aiseya 30:23

Bara Dawan lî maikbia mâ nani bikram ba purara, tasba ra, mâ nani insla ra mangkram nani ba, tasba wina plun maikbia, manis pali ban pura lui kabia; bîpkam nani ba baha piua ra, twi ailal pali tilara twi pi kabia.

Aiseya 32:10

Nanara sâp sma, sakuna kau piua wiria, mani kum ningkara, man nani sirang tara iwma. Kan man nani mâ nani wahbaia âpu kama, mâ nani dakban sin âpu kama.

Aiseya 49:19

Man kuntrikam ba sauhki tikan sa, slingbi tikan bara bîla baman swin sa, sakuna nanara tasbayam bîla sirpi takbia kwâra tara nani bal iwbia ba mita. Mai sauhki tatikra nani ba laihura kitbi sakan kabia.

Aiseya 55:13

Kiaya nani tasbaya ra awas nani pâwbia, tangni kiaikira watlika ra tangni kîa painkira pâwbia; bara nina kum kabia Dawan ra, ban kaia sainka kum dukiara, ban kaia ra klaki sakan kabia apia.”

Aiseya 7:19

Bara baha nani balbia, witin nani sut, twi saura tasbaya, il bîla nani ra takaskbia, walpa untika nani ra dimbia, kiaya dusa nani tilara daiwan lî diaika pliska nani ra sin.

Jirimaya 14:1

Lî auhras kaia kan piua ba dukiara, Dawan Jirimaya ra aisi, naku win:

Jirimaya 14:22

¿Idan nani aidulka nani ba tila wina bâra sa ki yaka lî auhaia? ¿Kasbrika yakan ban bâra ba wina bara krawi lî auhaia sip sa ki? ¡Apia, Dawan wan Gâdka! Man mita sika baha nani ba blikisma ba, man sika baha warkka sut daukisma; ¡baha mita yang nani lika man bîlam kaikisna!

Jirimaya 25:11

Naha kuntrika aiska na sauhki tikan slingban bâra kabia. Piua ba 70 mani kabia naha nisanka nani bani ba Babilon kingka munhtara kabia.

Jirimaya 45:4

bara baha mai wiaia ai blikan: ‘Yang mâkri ba yang slingbisna, yang mangkri ba daikisna. Tasba aiska ra sin baku daukamna.

Inanka Nani 2:6

Witin âimplikra baku, Dawan wal prawaia watla ra diman, bara asla takaia pliska kata ba sut sauhki tikan sa; lilia dauki yua tara nani, bara ris yua nani sin sut Dawan mita yaban âuya tiwan, bara ai kupia baiwanka laptika ba mita prîs ba bara king ba wal ra lulki swin.

Oseas 3:4

Kan Israel luhpia nani ba, piua wihka pali king âpu, wihta sin briras kabia, sakripais daukaia âpu, angkaika pliska nani sin âpu kabia; prîs prâka nani âpu kabia, baha gâdka talika nani sin âpu kabia.

Oseas 9:6

Witin nani ra sauhki tikan kabia ba wina plapan; Idsip witin nani ba bribia, bara Menfis raitika ra bikan kabia. Silbarka kukanka nani ba purara, inma nani pâwbia, bara ai kiampka ra iwan ba tasbaya ra, kiaya nani pâwbia.

Joel 1:7

Wan wainka kiwka nani kata ba sut pin sa, wan kwah damni dusa wahia nani kata ba sin sut pin; bara dusa taya baman swin sa, tnawa nani ba pihni diara âpu swin sa.

Emus 4:7

“Yang daukri sika, kati yumhpa namsla purara lî auhras kaia ba, kau mâ dâkras ba kainara, tawan tara kum purara baman yabri lî auhan, bara wala nani purara yabri auhras kan. Insla kum kum purara lî auhan, bara insla wala nani ba lika, lî âpu tâka mita srawi luan.

Luk 21:24

Upla tila nani war ra pruan kabia, bara wala nani ra lika priski brih wan kabia plis wala nani ra; bara Ju apia nani mita Jerusalem ba ai mina ni taibia, piua mangkan ba tnata alkbia ba kat.

Kli Smalkanka 29:23

kuntri aiska ba kaikbia tasbayam ba sulpa, sâl, tasba baman ami tiwbia. Baha tasbaya ra diara mangkaia sip apia kabia, diara ai mâ sin sâkbia apia; twi sin pâwbia apia, Sodoma, Gomora, Adma bâra Seboím ra Dawan ai kupia baiwanka prautka ra sauhki tikan ba baku kabia.

Param Marikanka 11:6

Baha witniska nani mita kasbrika pura ba prakaia karnika brisa, bara Gâd dahra aisabia yua nani ra sin, yaka lî auhaia apia. Witin nani lî ba tala ra lakaia karnika brisa, bara pât saura sât sât ni tasba ra rausauhkaia sin, aima an witin nani want kabia ba kat.