Aiseya 5:26 - DAWAN BÎLA AISKA

²⁶ Dawan ba plakin kum bukisa bara wasbi ni kuntri kum laihura ba ra winisa, kau tasba laihura wina upla ba yan balisa, aihni pali aula, istikira ni.

Aiseya 5:26 ပူးပေါင်းရင်းမြစ်များ

Lawana Nani 60:4

Man ra mai kulki nani ra tukin kum yabisma, baha trisbaya lulki ba wina swakwi takaia dukiara.

Lawana Nani 72:8

Kabu kum wina, kabu wala kat, bara Éufrates wina, tasba paski takaskan ba kat purara ai karnika bribia.

Aiseya 10:3

¿Dîa daukma man nani baha yua ra, diara daukram nani ba sut makabi walbia kaka, bara kaikma klala ba laih wina aula ba ra? ¿Yaura wama hilp makabaia? ¿Anira dukiam kukan ba swima ki?

Aiseya 11:12

Witin nisan nani mawanra sain kum sunbia, Israel luhpia nani laihura yakaban nani ba asla daukbia, bara tasba tâ walhwal ra, Juda uplika nani yakaban ba asla daukbia.

Aiseya 13:2

“¡Man nani diara purara pâwras ilka kum purara aiklabaia plakinka purara buks! ¡Suldiar nani ra aiklabaia sainka mariks! Mihtam nani purara buks, baku witin nani lamamra itwi wabia upla tara nani getka bâk dimi.

Aiseya 13:3

Upliki karnakira nani ra adar yâri, baku sin tahpluki nani ra adar yabri, yang pura luisna ba, witin nani lilia bri nani ra, yang klala blikisna ba alki brih daukbia.”

Aiseya 13:4

Kwâra tara winanka walisa, il nani tilara; upla ailal bâra baku sa. Nisan nani kârma binka ba walisa upla ailal aidrubi asla takan nani ba wina, karnika sut bri Dawanka kli laki kaikisa ai dakni ba aiklabaia ridi takan ba.

Aiseya 13:5

Kuntri kum laih pali ra bâra ba wina aula, baila wala tani ba wina sin. Dawan ai kupia baiwanka aiklabaika dukia nani ba wal, tasba aiska ba sauhki tikaia aula.

Aiseya 18:3

Man nani sut, tasba aiska ra iwisma ba, tasbayam ra iwisma ba sin. Il nani purara sain nani bukbia ba ra, man nani kaikma, trumpit puhbia ba ra, man nani walma.

Aiseya 30:16

panaura man nani wiram: “Apia, kanra yamni yang nani aras ra uli plapamna.” Baha ba mita man nani baku plapma. “Aras plaplapra waginka ra yang nani uli plapamna” wiram. Baha ba mita man nani ninam bliki nani ba sin plaplapra kabia.

Aiseya 31:9

Sibrin mita ai kingka ba taki plapbia bara ai watla karnakira nani ba swih plapbia war aiklaklabra wihtka tara nani ba sin, sibrin tara mita ai plakinka nani ba swih plapbia. Dawan ba naku wisa, witin lika upla angkaia pata klauhanka ba Saion ra ridi brisa, diara angkaika ba sin Jerusalem ra, ai waihla nani ba klala yaia ridi brisa.

Aiseya 39:3

Bara prapit Aiseya ba, king Ezequías ra balan bara makabi walan: —¿Baha waitnika nani ba ani wina balan, bara dîa sin mai win? Bara Ezequías pana aisi, win: —Plis laih wina balan, Babilon tasbaya wina.

Aiseya 7:18

Baha piua ra Dawan ba mita kukas nani baku yaka balbia, baha nani Idsip awalka ra laihura iwi nani ba ra. Asiria tasbaya ra iwi nani ra lika nasma yula nani baku yaka balbia.

Jirimaya 4:13

Man nani kaiks, waihla ba kasbrika awi baku aula, aiklabaia waginka nani ba prari aula baku sa, araska nani ba yakal pali ba wal kau karna plapisa. ¡Yawan ra saura pali kabia, yawan lika pat tiwan sa!

Jirimaya 5:15

Dawan ba kasak aisisa: “Israel, yang bui man mampara upla kwâra tara kum laih wina bri balaisna, upla karna patitara uplika nani. Witin nani aisi bîla ba man kakaira apia, witin nani aisi ba man tânka briras.

Jirimaya 51:27

“¡War aiklabaia tukinka kuntri aiska ra yas! ¡Trumpit ba puhs, nisan nani ba ridi dauks Babilon mapara aiklabaia! ¡Ararat kingka uplika nani, Miní kingka uplika nani, Asquenaz uplika nani sin! ¡War wihtka kum sâks aiklabaia tâ bribia! ¡Aras ra uli prautkira nani ba tristrisia nani baku brih dims!

Inanka Nani 4:19

Waihla nani wan nina bliki ba, kanra isti sa yakal tara purara pâli tauki ba wal; wan nina blikisa il nani tilara, ¡bara wan alkaia wisi wan kainara takaski wan bîla kaikisa!

Isikiel 38:17

‘Yang Dawan sna ba, naku wisni: Man ra sika piua luan ra aisi katna ba, duki dadaukra nani bâk, Israel prapitka nani; witin nani baha piua ra maisa pakan yang maikri balma Israel purara kauhaia.’

Joel 2:7

War uplika kupia karnakira nani ba baku, ai tâ kat plapisa ban tawan kutbanka nani pura bâk sin uli auya, ai yabalka ba wina wiria pan tnaya ra tawras.

Abakuk 1:8

Ai araska nani ba limi bulni wal kau karna plapisa, upla iwras pliska ra yul wail nani kraskira bâra ba baku kraskira nani sa. Ai araska âiulra nani ba, ailal pali plapi aula, bara kau laihura aula ba wina pat rau wan sauhkisa, yakal tara ai daiwra nani pliki sakan ba purara kauhi baku.

Sakaraya 10:8

“Yang bui witin nani ba paiwi asla kukamni, kan swaki sakri bamna. Witin nani kli ailal pali sauhbia patitara kata baku.

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

Kli Smalkanka 28:49

Tasba ra kuntri kau laihura ba wina, Dawan mita nisan kum yakal pâli baku, isti pali man mampara blîkbia, baha nisanka bîla aisi ba sin man aisaras;