Aiseya 5:2 - DAWAN BÎLA AISKA

² Nasla tasbaya ba baikan, walpa nani ba sin sait ra sakan bara wain saumukka yamni ba ni wahbi saki mangkan. Nasla bilara sin, tawer kum purara mâkan; bara wain taibaia watla sin kum paskan, bara wain nasla tara ba wina bîla kaiki kan wain damni nani, sakuna wain mâ swahni baman alkan kata.

Aiseya 5:2 ပူးပေါင်းရင်းမြစ်များ

2 Samuil 7:10

Baha purkara, yang upliki Israel nani dukiara plis kum pat ridi daukri sa, witin nani ba baha ra takaskaia bara ai tasbaya bri iwbia. Bahara upla witin nani ra trabil munbia apia, saura dadaukra nani bara upla tataibra nani sin blasi muni kata ba baku munbia apia.

Nihimaya 13:15

Bara baha yua nani ra Juda ra yang kaikri, tila upla nani wain mâ taibi laya saki kan, ris briaia yua ra wain daukaia. Baha purkara sin, plawar mâ nani sin twilki kan, bara muyul nani ba sin wain mâ wihta nani, kwah damni mâ nani bara diara sât sât nani karbanka sut pali twilki kan, ris briaia yua ra baha dukia nani ba Jerusalem ra brih wi kan. Yang bui witin nani ra lawi daukri baha yua ra witin nani diara bri si atki ba tâwan.

Lawana Nani 80:8

Idsip wina wain kiwka kum sakram; idan nani ra yaram bâra mangkan.

Lawana Nani 80:9

Baha mangkaia tasbaya ba klin daukram, bara wain kiwka ba ai wakia nani sakata bara kuntri aiska ba banhki daukan.

Impakan Sturka 33:16

Kan man ba yang nani wal waras sma kaka, ¿nahki yang bara uplikam nani sin tânka bribia, man bui yang nani ra yamni lukisma sapa? Baku natka ra baman yawan wan tânka briaia, nisan wala nani tila wina aihka wan sakram ba.

Aiseya 1:8

Saion ba yakan swin bâra buisa, wain nasla tara bilara, mani watla lupia kumi yakan bâra ba baku, dista briaia watla lupia rayapisa nasla ra yakan bâra ba baku sa, tawan tara yakan bara waihla nani tnaya kir kutban sa.

Aiseya 5:7

Dawan karnika sut pali bri ba wainka nasla ba, witin ai brinka pali kan mangkaia ba, Israel tawanka uplika nani, Juda uplika nani ba. Dawan ai lâka ba kulkbia bîla kaiki kan, sakuna kaiks upla ikaia lâka baman sakan; kasakka lâka daukbia bîla kaiki kan, bara kaiks inanka baman sa.

Jirimaya 11:17

Yang, karnika sut brisna Dawanka ba, yang mita sika mai angkri, bara yang mita sika pât tara ba man ra balaia daukri, Israel man Juda wal watawika lâka nani manis yang maipara daukram bamna, man nani Baal ra kîa pain angki yabi yang kupi baikram.

Jirimaya 2:21

Wain kiwka kau pain ba baku naisla ra mai mangkri, wain kiwka saumuk kau pain saki ba baku. ¡Sakuna man tânkam ba saurkam pali takram bamna, mai kakaira apia lap mai tikri!

Oseas 10:1

Israel ba, wain kiwka ra mâ ailal pali alkan ba baku sa; witin nani ba kau ailal alki kan ba ra, altar nani sin kau ailal paski kan; tasbaya kau painkira taki kan ba ra ai gâdka bahki nani walpaya ba sin, kau pranakira paski kan.

Miqueas 4:8

Bara man, Jerusalem, Saion tawerka bara kan kahbaika sma ba, man kli king tasbaya kiapitalka aimakma, kan piua ra pura wihtka tara aimaki katma ba baku.”

Kulki Kaikanka 23:9

Naha walpaya tara nani pura wina kaikisna, kiuhsi pura wina sin kaikisna: baha uplika nani ba ai mânka bâra iwisa, uplika nani ba nisan wala nani wal baku apia sa.

Matiu 21:19

Yabal tnaya ra witin kwah damni dusa kum kaikan, sakuna dusa ra diara kumi sin sakras, wahia nani baman. Bara Jisas dusa ra win: —¡Ban kaia ra man kli mâ brima apia! Baha sim pali piua ra, kwah damni dusa ba lâwan.

Matiu 21:33

“Man nani maprika lilka wala na wals: Insla dawanka kum ai nasla ra wain dusa mâ nani mangkan; bara klar kum kutban, wain laya taibi sakaia untika kum salhkan, bara tawer sin kum paskan diara ba sut aihwakaia dukiara. Ningkara, nasla ba wark tatakra nani mihta ra mangki si, witin plis ra impakan.

Matiu 21:34

Dâkaia piua balan ba ra, ai albika kum kum blikan nasla mâ wina ai sirka ba wark tatakra nani ra makabaia dukiara.

Mark 11:13

Bara laih wina kwah damni dusa kum wahia man kan kaikan; mâ bri sapa kaikaia wan, sakuna wahia baman sakan, baha mâ briaia piua kau kan bamna.

Mark 12:1

Bamna Jisas witin nani ra maprika bîla nani ni mahka smalkan, bara naku aisin: “Waitna kum kan, witin ai nasla ra wain dusa mangkan; bara kir klar kutban, wain laya taibi sakaia pliska kum daukan bara tawer kum bukan, diara sut ba pain aihwakbia wisi. Ningkara, nasla ba wark tatakra nani mihta ra mangki si, witin kuntri wala ra impakan.

Mark 12:2

Dâkaia piua aimakan ra, alba kum warkka tatakra nani ra blikan dîa dâkbia ba wina, witin ra yabia dukiara.

Roman 9:4

Ju nani sut ba lika Israel kiamka sa, bara Gâd mita baha nani ba ai luhpia nani baku saki brin. Bamna Gâd ai mawan pranakira ba wal witin nani tilara kan, bara wal lâ daukan lâka nani ba yan, Moses lâka ba, tempel priaska bara pramiska nani sin.

1 Korint 9:7

¿Ya suldiar aimaki ai mana nani aibapi ba? ¿Ya mita wain nasla nani mangki baha wina dabras ba? ¿Ya mita sîp nani main kaiki, tialka laya subi ba wina diras?

Kli Smalkanka 32:6

¿baku Dawan ra aibapaia sma ki? Tawan saura kum sins lâka âpu sma ba, ¿witin ba man aisikam apia, man mai papaskra sin? ¡Witin mai paski rayakam maikan!

Wihta Nani 16:4

Baha ningkara Samson ba Dalila wal laik takan, Dalila lika Sorec ilka bîla ra iwi kan.