Aiseya 5:15 - DAWAN BÎLA AISKA

¹⁵ Upla nani ai mâya kat bataki swira daukbia, waitna kupia ba kriwan kabia, upla tara papulra nani ba ai nakra nani ba mâyara alahbia.

Aiseya 5:15 ပူးပေါင်းရင်းမြစ်များ

2 Samuil 22:28

Bawikira nani ba man swaki sakisma, prautkira nani ba swira paskisma.

Lawana Nani 131:1

Dawan, yang kupi ra praut lukras sna, naikra nani ai sin pura luan daukras, diara tara aihkakira nani ninara sin yang waras, baha yang sip alkras sna ba.

Lawana Nani 62:9

Upla ba diara bahki man luki kaikisa upla umpira ba, upla yuyakira ba wâlsut paun ra mangki kaikma kaka witin wâlsut ba diara apia sa.

Impakan Sturka 9:17

Baha sut daukisna, sakuna man ban upliki nani ba mapara buisma, alki takaski brisma yaram taki waras.

Sins Lâka 30:13

Upla tila sin bâra sa, bukisa witin ba uba tara pali sa, bara upla wala ba ai nakra ra bahki kaikisa.

Aiseya 10:12

Sakuna Dawan ba, dîa witin Saion ilka bara Jerusalem wal ra daukaia ba daukbia ningkara, Asiria kingka ra klala yabia, naha warkka saura dauki ba tâka, witin ai kupia prautka lâka, ai nakra prautka lâka ni ai walka nani ra kaiki ai prana bri ba.

Aiseya 10:33

Kaiks karnika sut bri Dawanka ba ai karnika ni, dus nani ba batakbia; dus tara purara pâwan nani ba klakbia, tnawa purara pali nani ba mâyara ikan kabia.

Aiseya 13:11

Dawan aisisa: “Tasba ai watawika lâka ba tâwan klala yabamna, saurakira nani, witin nani bui upla iki ba tâwan; prautkira nani kalwi ba takaskamna, karnakira nani upla wala ra kulkras ba, yârika mâyara bawbia.

Aiseya 2:11

Witin nani baman sa praut luki, ai walka ra kaiki ba; mâyara batakan kabia; prautka lâka bri nani ba mâyara bawan kabia. Baha yua ra Dawan baman purara bukan kabia,

Aiseya 2:12

baha yua karnika sut bri Dawanka ba, diara daukbia witin nani baman sa luki, tara takan nani ba mapara, purara uli nani ba sut, mâyara batakaia;

Aiseya 2:17

Witin nani baman sa luki purara uli wan nani ba mâya pali kat batakan kabia. Baha yua ra Dawan mita, witin baman purara ba tânka marikbia,

Aiseya 2:9

Witin nani paskan bara bawan, maya kat iwan. ¡Baha mita witin na pâtka ban swih tikpara!

Aiseya 37:23

¿Ya ninara saura aisi lawaska kikram? ¿Baku sin ya mapara bîlam karna saki aisaram bara Israel sunukira Gâdka mapara namkra nani ba pura kat bukram?

Aiseya 37:29

Bara kupiam sauhkram ba kaikisni, praut takram ba sin, bara diara krukma kum kakmam ra klauhbi mangkaisna, bara unam mangkaika sin, baku kli mai lakrika wama ani yabalka balram bâk.”

Jirimaya 5:9

¿Witin nani baha daukan ba yang klala yabaia apia sna ki? Tawan kum uplika nani witin nani dîa daukan ba, ¿yang bui witin nani ra baha praiska kat mana yabaia apia sna ki?

Daniel 4:37

“Bara nanara, yang Nabucodonosor, mayunra yabisna, tara kulkisna bara mayunra kulkan yabisni kasbrika purara ba kingka ra, kan witin diara sut dauki ba wapni bara kasakka lâka kat sa, bara baha nani tara sa luki ba, mâyara batakaia sip pali sa.”

Sofonías 3:11

Baha piua ra, tawanki, man lika yang maipara bûi diara saura nani daukram ba, baha dukiara man nani swiram lukma apia. Man nani tilam wina prautkira pura luan dauki nani ba sakamni, bara yang ilki holikira ra, man nani kli pura luan lâka daukma apia.

1 Pita 5:5

Baha sim natka ra, man nani wahma nani, almuk nani karnika munhtara bawi bas. Man nani sut kumi bani walkam munhtara bawaia sma; kan Ulbanka ra naku wisa: “Prautkira nani ba Gâd mita batakisa, sakuna bawikira nani ra lika ai yamnika ni buki hilp munisa.”