Aiseya 49:2 - DAWAN BÎLA AISKA

² Bara yang twisi ba sord malira baku mangkan, ai mihta distika ni ai bikan; bara trisba lipni baku ai daukan, trisba watla ra ai mangki main ai kaikan.

Aiseya 49:2 ပူးပေါင်းရင်းမြစ်များ

Lawana Nani 91:1

Baha uplika, Laih Purara bâra ba karnika bara distika ra ai yukuwaika bri iwi ba,

Impakan Sturka 33:22

Yang praina ba bal lui wabia ba ra, yang mita man ba walpa untika kum ra mai mangkamna. Bara yang mihti ni puram prakamna, baha sut lui wabia ba kat.

Aiseya 11:4

Kasakka lâka ni swapni nani ba lâka daukbia, kuntri ra umpira nani bâra ba kan sunbia. Bîla nani witin aisi ba dus kum baku praut karna aisi nani ba ra klala yabi kabia. Ai bîla aisinka nani ba dus kum baku baha ni saura prautkira nani ba klala yabia, witin ai bîla aisi ba ni watawikira ba ikbia.

Aiseya 42:1

“Nâra kaiks yang duki dadaukra ba, yang bui witin ba alki brisna, bâk sakri ba, witin ra yang sulki ba âiyapah sa. Spiritki ba yang bui witin ai purara mangkri; witin mita kasakka lâka ba nisan nani ra bri balaia.

Aiseya 50:10

Man nani bui Dawan ra kulkisma ba bara ai dukia dadaukra bîla walisma ba: tihmia tara ra wapma kaka, ingni lupia kumi sin âpu, Dawan ra kasak luks, Gâdkam ra tâ baiks.

Aiseya 50:4

Dawan mita ai smalkan swapan nani ba yang mita maisa nihkaia, tasapaia bîla nani aisi. Titan bani lukanki ra ai munisa witin aisi ba pain wali kaia, swapni bani kira baku walaia dukiara.

Aiseya 51:16

kasbrika pura bara tasba sin paskri. Twisam ra bîli nani mangkri aisaia, mihti distika ra kainam kahbri. Yang Saion ra wîri: ‘Man ba yang upliki nani sma.’ ”

Jirimaya 1:18

Kan naha yua ra yang mai blikisni, man ba tawan tara kum ai kaina kutbanka bri ba baku, ayan playka ni bapan baku, bras ni kutban tawanka baku, Juda tasbaya aiska mapara buma: kingka nani ba mapara, wihta nani, prîs nani ba mapara, uplika nani sut ba mapara sin.

Oseas 6:5

Baha mita prapit nani aisin ba baku, yang bui man nani ra yuya baman mai daukri; yang bîli smalkanka ba ni, man nani mai ikri. Kasakki lâka ba ingni baku ingwisa.

Abakuk 3:11

Trisbaikam bara langsikam wal ingnika ingwi ba, imyula baku lipi ba ingnika karnika mita kati bara wan yu ba sin, ai yukuwaika ba wina sip bal takras sa.

Luk 23:46

Bara Jisas ai bîla baikra tara winan: —¡Aisa, spiritki na man mihtam ra mangkisna! Naha aisin ningkara, witin pruan.

Epesus 6:17

Swaki sakan lâka ba sin lal pura bikaia baku lamla ra baps, Spirit Holikira mita wanki sord ba sin bris, baha sika Gâd bîla.

Hibru Nani 4:12

Kan Gâd bîla ba rayaka brisa, bara karnika sin brisa. Baha ba sika sord mala napa wâl bri ba sut purkara kau mala sa, bara wan sulka bara wan spiritka biara pali ba kat dimi wisa, wan lukutbaika bara wan dusa bîla kat sin. Baha bîla ba mita wan kupia lukanka nani ba bara dîa daukaia luki ba sut sin klir pali sakisa.

Param Marikanka 1:16

Ai mihta aihkika ra slilma 7 bri kan, bara ai bîla ba sord napa wâl mala ba baku kan. Ai mawan ba lika ingni kan sim wan yu lapta ai karnika aiska ni ingwi ba baku.

Param Marikanka 19:15

Ai bîla wina sord mala kum taki kan, baha ni upla sât sât pura luaia dukiara. Witin baha nani purara wihta aimakbia ayan klalka ni, bara witin nani lâka daukbia upla kum ai mina ni wain mâ taibi laya saki ba baku, bara Gâd witinka karnika sut bri ba kupia baiwanka tara wainka ba, baha nani ra yaka dibia.

Param Marikanka 2:12

“Pergamum sertska insalka ra sin ulbi wis: ‘Sord tatwa napa wâl mala bri uplika ba mita naku wisa:

Param Marikanka 2:16

Baku bamna, kli tawi Gâd ra bal; kan baku daukras sma kaka, pat pali man ra wamna, bara sord bîli wina taki ba ni man nani mampara aiklabamna.