Aiseya 49:15 - DAWAN BÎLA AISKA

¹⁵ ¿Sakuna yapti kum ai luhpia ra ai âuya tikbia ki? Apia kaka, ¿ai luhpia pali ba latwan kaikbia apia ki? Kan ban kra witin ai âuya tikbia kra, yang lika man ra sip âiya mai tikamna apia.

Aiseya 49:15 ပူးပေါင်းရင်းမြစ်များ

Job 24:20

Ai yaptika pali sin ai âuya tikbia, liwa nani mita pin kabia, bara upla kumi sin witin dukiara ai kupia kraukbia apia, upla saura ba, dus kum klakan kauhi ba baku kabia.

Lawana Nani 103:13

aisa ai luhpia nani ra latwan kaiki ba baku, Dawan baha nani ra latwan kaikisa, witin ra kulki uplika nani ra.

Lawana Nani 27:10

Aisiki, yaptika wal ai lulki ai swibia kra, sakuna, Dawan, man lika ai brima.

Lawana Nani 77:9

¿Gâd ba ai kupia yamnika lâka ba ai âuya tikan ki? ¿Ban luan ba mita ai kupia swapni yawan ra briras ki?

Sins Lâka 31:2

Yang luhpi waitna, man biaira wina takram mâ ba, man dukiamra puri sunra Dawan walan ba, ¿yang kau dîa man ra mai wimna ki?

Aiseya 14:1

Âu, Dawan Jekob ra umpira kaikbia, baha purkara Israel sin kli bâk saki bribia, bara yaka ai tasbaya ra ris bribia. Tringsar nani ba sin witin aikuki asla takbia, bara Jekob taika nani ra asla prakan kabia.

Aiseya 44:21

“Naha diara nani dukiara kupiam krauks, Israel man, Jekob tawanka, kan man ba, yang duki dadaukra sma; yang mai daukri, man ba yang duki dadaukra sma; Israel, yang ra âmya ai tikpara.

Aiseya 49:14

“Saion aisisa: ‘Dawan ba yang ra lulki ai swin, yang Dawanki ba ai âuya ai tikan.’

Aiseya 54:10

Ban kra il nani ba, ai pliska wala ra tawbia kra bara kiuhsi nani ba tasba ra kauhbia kra, yang latwanki ba lika man dukiamra aihka lakamna apia, baku sin tasba ra kauhbia apia sa, yang lâ daukri kupia kumi lâka ba.” Dawan umpira mai kaiki ba baku wisa.

Jirimaya 31:20

“Efraín uplika nani ba yang maipara luhpi latwankira kum sa; baha luhpika ba kau latwan sna. Lawi daukisna ba ra, sip âiya tiwras witin ai dukiara; yang kupi ba dikwisa, lukisna witin dukiara latwan pali. Yang, Dawan, kasak aisisna.

Jirimaya 51:5

Israel Juda wal maipara saura daukan kra sakuna, ai kuntrika saura lâka ni banhkan kra, yang, Dawan, karnika sut brisni, Israel Gâdka holikira, witin nani ba yang kau ban lulki swiras.

Inanka Nani 4:10

Witin nani lika ai mihta pali ni, mairin nani kupia painkira nani ba, ai luhpia nani ba piakan; ai luhpia nani pali ba witin nani ai pata dauki pin, tawanki tara Jerusalem sauhki tikan ba tâka mita.

Inanka Nani 4:3

Yul wail mairin nani ba sin ai luhpia nani ra ai tialka ba diaia yabisa, sakuna yang upliki nani ra Jerusalem ra kau saura munan, daiwan tnawira yahpa tara kum upla iwras tasbaya ra bâra ba baku sa.

Oseas 11:1

“Israel luhpia nani ba kau tuktan kan ba ra, yang bui witin ra latwan kaiki katna; witin, yang luhpi waitna sa, Idsip ra kan yang winri.

Libait Lâka 26:29

Bara man nani lika luhpiam waitna bara luhpiam mairin nani ba pima.

Malaquía 3:17

Karnika sut bri Dawanka ba aisisa: “Piua kum mangkaia yang ridi takisna, baha yua ra upliki nani ba kli yang upliki nani takbia. Luhpia ai aisa warkka dauki ba ra, aisika kaiki kupia swapni taki ba baku, yang sin witin nani ai dukiara baku kupi swapni takbia.

Matiu 7:11

Kan man nani ba saurakira sma sakuna luhpiam nani ra diara yamni nani yabaia ba kaikisma, ¡kau pali kasbrika purara ba diara yamni nani yabia, ya ya witin ra makabia ba ra!

Roman 1:31

sins lâka aitani briras nani, ai bîla aisi ba kat daukras nani, upla wala ra latwan kaikras nani, upla wala pâtka swih tikras nani, bara umpira kaikan lâka luha nani.

1 Samuil 12:22

Dawan bui ai uplika nani ba lulki swibia apia, witin ai nina tara kulki ba tâwan. Dawan brin daukisa man nani ba ai uplika nani kama.