Aiseya 49:10 - DAWAN BÎLA AISKA

¹⁰ “Witin nani kli plun daukbia apia, diran sin daukbia apia, yu laptika mita sin bara lapta bitnika mita sin munbia apia, kan yang bui witin nani ra latwan sna tâ brisna bamna, bara lî kârma nani ra brih wamna.

Aiseya 49:10 ပူးပေါင်းရင်းမြစ်များ

Aiseya 14:1

Âu, Dawan Jekob ra umpira kaikbia, baha purkara Israel sin kli bâk saki bribia, bara yaka ai tasbaya ra ris bribia. Tringsar nani ba sin witin aikuki asla takbia, bara Jekob taika nani ra asla prakan kabia.

Aiseya 25:4

kan umpira nani watla man aimakram bamna, diara luha, ai sarka bri nani karnika man sma, skwal mapara yukuwaika, lapta mapara distika. Kan upla tataibra nani karnika ba, skwal kumi kauhla piua ra kutbanka kum ra platukbi ba baku sa,

Aiseya 32:2

Witin nani kumi bani ba, pâsa krawi ba mapara wan yukuki watla baku kabia, lî auhi ba mapara, wan yukuwaika watla baku, tasba lâwan ra lî kârma nani baku kabia, lapta bitni pali piua ra walpa tara distika wanki ba baku upla iwras tasbaya ra.

Aiseya 33:16

baha ba kasak iwbia, walpa tara nani ra ai kan kahbaika pliska kum bribia, witin ra ai pata yabia, ai laya briaia ba lika kasak pali brin kabia.

Aiseya 35:6

bâra mika skahwa nani ba sula srutwi pâli baku srutwi kabia, bara baha nani sturi aisaras twisa nani ba sin ai pura winbia. Upla iwras tasbaya, tasba lâwan wina lî kârma nani sin takbia.

Aiseya 35:7

Upla iwras tasbaya ba lî madakura nani takbia, tasba lâwan pali ba sin, lî kârma nani man takbia. Yul wail nani watla, yukuwaika ba, yauhrus nani bara snati nani pâwbia.

Aiseya 4:6

pura prakaika kum baku kabia, dista yabaia dukiara, kakna ra lapta karna mapara kan sunaia, kan kahbaika kabia, skwal tara bara lî karna auhi ba mapara.

Aiseya 40:11

Witin sepad baku ai daknika ba main kaiki aula; sîp lupia nani ba ai klahkla ra twilkisa, swap lupia nani ba, ai lama bîla kat main kaiki alkisa.

Aiseya 41:17

“Kupia kriwan umpira nani ba, lî plikisa, sakuna sip lî sakras. Diran daukan man ai twisa nani ba sut lâwan sa; sakuna yang, Dawan ba witin nani ra walamni, yang lika Israel Gâdka lulki swimna apia.

Aiseya 43:19

Yang diara raya kum daukisna, man kaikma baha naha minitka ra bal takbia. Upla iwras tasbaya ra yabal kum daukaisna bara awala nani diara pâwras tasbaya ra.

Aiseya 48:17

Dawan bui man ra atki mai sasakra ba, naku win, Israel Gâdka Holikira ba: “Yang sika man Dawan Gâdkam; yamnika uya man ra takaia ba mai smalkisni, yabal bâk wapaia tâm brisna.

Aiseya 48:21

Upla iwras tasbaya bâk witin nani ba brih wan kan, bara lî din daukras kan; witin nani ai dukiara walpa wina lî yan plapan; walpa ba kwâkan, lî nani ba laiwan.

Aiseya 51:14

Priskan, sari, umpira takan nani ba pat pali pri sakan kabia; tasba unta sialaka watla ra ban prubia apia, ai pata sin danh takbia apia.

Aiseya 52:12

Man nani tawa tawa taki wama, plapi lika taki wapara; kan Dawan, Israel Gâdka ba wabia bamna, tnamya bani ra kainam kahbi kabia.

Aiseya 54:10

Ban kra il nani ba, ai pliska wala ra tawbia kra bara kiuhsi nani ba tasba ra kauhbia kra, yang latwanki ba lika man dukiamra aihka lakamna apia, baku sin tasba ra kauhbia apia sa, yang lâ daukri kupia kumi lâka ba.” Dawan umpira mai kaiki ba baku wisa.

Aiseya 54:8

Kupi baiwanka wiria lupia ba wal yang maiwan ba man wina piu prahni yukukri kan; sakuna umpira mai kaikan lâka ban kaia ba wal man dukiamra kupi swapnika lâka brimni.” Dawan mai swaki sasakra ba, baku wisa.

Aiseya 58:11

Yang mita piua bani ra tâm bri kamna, bara upla iwras tasbaya ra plun ailal maikamna, wînam aiska ra karnika maikamni bara sin tangni nani ailal pâwi pliska giadin baku, pain lî ni buskan kabia, lî nani kârma kum baku, baha laya nani ba sip lâwras ba baku.

Aiseya 65:13

Baha mita, Dawan ba naku aisin: “Kaiks yang duki dadaukra bri kabia ai pata piaia, sakuna man nani lika plun wauhma; witin nani bri kabia dîa diaia, sakuna man nani lika diran mai dauki kabia; witin nani ai lilia takbia, sakuna man nani lika swira lâka ra takaskma.

Jirimaya 31:9

Ai pura suni bara ini pali balbia. Yang lî aubra wal brih wari kabia yabal kum klin, mina prukaika âpu bâk. Bamna yang sika Israel aisika, bara Efraín ba luhpi almuk sa.

Isikiel 34:23

Yabamna duki dadaukra Debit ba kli tawi balaia, bara sepad unhsak baku mangkamna, bara witin main kaikbia. Witin baha nani sepadka kabia.

Jona 4:8

Yu ulan ba ra, Gâd daukan lalma payaska lapta krawaia, bara yu laptika ba Jona lal kat angkan; bara mahka sinska tiwi kan, bara witin pruaia kat lukan. Witin naku aisin: —Yang pruaia kanra yamni, raya kamna ba wal.

Miqueas 7:14

¡Dawan, uplikam nani ba aihwaki kaiki bas, witin nani sika man sîpka daknika nani pali sa bamna! Il tara nani tilara yakan iwisa, tasba disang nani tilara. Basán, Galaad twiya tasbaya ra brih was kaina piua ra kata baku.

Matiu 5:6

“Lilia pali sa baha nani plun dauki bara diran dauki baku ba kasakka lâka dukiara, kan witin nani ba âuyapah lâka bribia.

Jan 6:35

Bara Jisas pana win: —Yang sika raya kaia yabi britka ba. Ya yang ra aula ba kli plun daukbia apia; bara yang ra kasak luki ba, kli sin diran daukbia apia.