Aiseya 49:1 - DAWAN BÎLA AISKA

¹ Kabu un ra iwi nani sma ba, man nani laihura iwisma ba sin sut, aman yang ra wals: Dawan ai paiwan, kau yang aisubi takras kapri piua wina; kau yang yaptiki biara ra kapri nini mâkaia ba ai kupia lukra ra brin.

Aiseya 49:1 ပူးပေါင်းရင်းမြစ်များ

Lawana Nani 22:10

Kau aisubi takras kapri ba kaina wina, man pat karnikam ra aihwaki ai kaiki katma, yaptiki plauya ra katna ba wina man Gâdki sma.

Aiseya 11:11

Baha piua ra, Dawan ba aima wala kli ai karnika marikbia, ai uplika nani kau swin ba kli bri balaia, Asiria, Idsip, Patrus, Etiopía, Elam, Sinar, Hamat bara kabu un ra iwi tawanka nani ba wina sut sin.

Aiseya 24:15

Baku sin lalma tani ra bara kabu un ra iwi kuntrika Dawan ra mayunra pranakira yabia, Israel Gâdka ra.

Aiseya 33:13

Wals, man nani laihura sma ba baha warkka yang daukri nani ba; bara man nani sin baila ra sma ba, man nani bui yang karniki ba tânka kaiks bara aisas.”

Aiseya 41:1

“Man nani kabu un ra iwi uplika nani, sâp taki yang ra wals. Nisan nani aiklabaia dukia nani bri karnikam aiska ni, ridi taki banhs. Bali banhs bara kaisa wal aisi kaikaia naha tânka dukiara; kaisa asla taki sturi aisi kaikaia.

Aiseya 42:12

Man nani bui Dawan ra mayunra yas, ai mayunra nani ba sturka man upla ra maisa paks kabu un nani ra.

Aiseya 44:2

Yang sika Dawan, man mai Papaskra, kau aisubi takras kapram piua ra pat mai paskan kan, bara hilp mai muni ba. Si bripara, Jesurún, Jekob uplika nani, upla dukia dadaukra sakri ba,

Aiseya 44:24

Naku Dawan aisisa, man sasakra, witin pat mai paskan kan, kau mai baikras kan ba ra: “Yang sika Dawan, diara sut ba paskisna, yang yakan kasbrika pura nani ba yakabisna, tasba ba sin drabisna, wala hilpka briras kira.

Aiseya 45:22

Man nani, yang ra bal bara swaki mai sakamna, tawan tasba wala wina. Kan yang na Gâd sna, bara wala âpu sa.

Aiseya 45:3

Dukia kukan yukukan nani ba man ra maikamni, yuyaka yukuwan ra main kaiki bri ba sin, baku man kaikaia sip kama yang sika Dawan sna, Israel Gâdka, ninam mâki mai win ba.

Aiseya 46:3

“Man nani Jekob watla uplika nani, yang ra ai wals, Israel watla uplika nani sut sin; man nani ba yang upliki kaia, man nani kau aisubi takras kapram yua ba wina, pat mai sakri kan, klaihkla ra mai twilkisna,

Aiseya 49:12

¡Man nani kaiks! Naha nani na witin nani laih wina aula: tila yahbra wina, bara tila muna wina, bara Asuán tasbaya wina sin.

Aiseya 49:5

Yang Dawan Gâdki mawanra kulkanka briri, kan witin ba sika yang karniki. Dawan ba ai paskan kan yaptiki biara ra kapri wina witin ai dukia dadaukra kaia dukiara bara yarka Israel ba, Jekob uplika nani ba, kli balbia bara witin ra asla takbia.

Aiseya 51:5

Yang pura luaia ba pat baila pali sa, swaki mai sakaia lâka ba aula sa, yang klaihkla nani ba upla nani lâka daukbia; kabu un ra iwi nani ba sut yang bîli kaikisa, yang karniki ra bîla kaikanka brisa.

Aiseya 52:13

Bara kaiks yang warkki dadaukra warkka ba, pain man takbia, purara sin bukan kabia, bara laih purara mangkan kabia.

Aiseya 55:3

Man nani kiamam pri tniki wals bara yang ra bal; man nani wals, bara sulkam ba raya kabia; man nani wal lâ kaia lâka ba daukamni, umpira kaikan lâka, ban kaia pramiska, Debit wal daukri ba baku.

Aiseya 57:19

Bara baha upla sut ra wimni: ‘Kupi kumi lâka laihura nani ba ra, laimara nani ba sut ra sin kupia kumi lâka. ¡Bara yang upliki nani ra rakamni!’

Aiseya 60:9

Baha duri tara nani Tarsis dwarka tara nani ba mita tâura aimaki aikuki asla taki aula ba, laih wina luhpiam nani ba dukia brih aula, silbar bara gul sin, Israel Gâdka Holikira, Dawankam ba, kulkanka yabaia, witin mita sika pranakira mai paskan ba.

Aiseya 66:19

Bara witin nani ai tilara sain kum mangkamni: witin nani ai tila wina, tila nani ba plapi swak takan kabia, bara baha nani ba nisan wala nani ra blikamni, Tarsis ra, Libia ra, Lidia ra, witin nani trisba lulki ba kuntrika ra, Tubal ra bara Grik tasbaya ra sin. Kabu un ra laihura iwi nani, yang sturki kau walras nani ra, yang praina ba sin kaikras nani ba baha nani nisanka nani tilara, yang praina ba dahra witin nani aisabia.

Aiseya 7:14

Bahamna Dawan witin bui, man nani ra sain kum mamrikbia: Kaiks tiara ba kwihra sa, bara ai luhpia waitna kum sâkbia, bara ai nina ba Imaniuel mâkan kabia.

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Jirimaya 1:5

“Man kau mamikam biara ra aimakras katma ba kaina wina pat man ba yang warkki daukaia bâk mai saki mai paiwri kan; kau mai baikras kata ba yua ba wina pat aihka mai sakri kan; tasba aiska ra waia nisan nani ra yang daihra aisaia dukiara.”

Sofonías 2:11

Dawan ai lawanka ba witin nani ra marikbia. Ai tasbaya aiska ra gâd bahki nani bri ba sut slingbi tikbia, bara tasba bani ra, kî nani ra iwi uplika nani ba sin sut, Dawan ra baman mayunbia.

Luk 1:15

Luhpiam waitna ba lika Dawan mawanra tara pali kabia. Witin wain dibia apia, laya saura sâtka kumi sin apia, bara witin kau aisubi takras piua ba wina, Spirit Holikira ni aibanhwan kabia.

Luk 1:31

Man kwihra tiwma, bara luhpa waitna kumi brima, ai nina Jisas mâkma.

Jan 10:36

Bamna Gâd mita bâk saki naha tasba ra ai blikan kaka, ¿nahki man nani wiaia sip sma, yang lika Gâd Luhpia sna wîri ba wal ai mapara saura aisari?

Galesha 1:15

Sakuna yang kau aisubi takras kapri wina, Gâd pat bâk ai saki ai brin kan, bara witin uya pali latwan lâka bri ba mita ai paiwan. Witin baku brin daukan bamna,

Epesus 2:17

Kraist bal upla sut ra kupia kumi sturka yamni ba smalkan, man nani laihura nani katma ba sut ra, bara Ju nisanka sut, Gâd lamara kan nani ra sin.

Hibru Nani 12:25

Baha mita, aman kaiki bas, bara witinka wan aisi ba ra walaia apia lika wipara. Baha nani ba witinka naha tasba ra Gâd dahra aisi kan ba ra walaia apia win ba, swak takras kata; baku bamna, yawan pali lika kau swak takbia apia, witinka kasbrika purara wina wan smalki wan aisi bara wan nina laki tris tawbia kaka.

1 Pita 1:20

Kraist lika Gâd mita kau tasba paskras kan wina naha dukia mata bâk saki brin kata; kuna naha piua nani tnata ra, witin latan takan man nani painkam ba dukiara.