Aiseya 48:9 - DAWAN BÎLA AISKA

⁹ “Yang nini latwanka ba tâwan, kupi baiwanka ba alki takaskri, yang maiyunra ba dukiara ban mai sauhki tikaia lukri.

Aiseya 48:9 ပူးပေါင်းရင်းမြစ်များ

Lawana Nani 106:8

Sakuna Gâd ban witin nani ba swaki sakan, bara ai karnika ba yan kaikaia, witin ai nina ba kulkaia mata.

Lawana Nani 143:11

¡Man ninam ba tâwan, Dawan, raya iwi kamni! Kan man sika kasak sma, pât ba wina ai sâks.

Lawana Nani 25:11

Dawan, yang saurki ba tara pali sa; yang saurki ba ban swi tiks.

Lawana Nani 78:38

Sakuna Gâd ai kupia swapni bri kan, watawi daukan saurka ba ban swih tikan bara sauhki tikras kata; aima ailal ai kupia sauhkanka ba kli swin, bara ai lawanka tara ba mita yaban bri waras kata.

Lawana Nani 79:9

Gâd, man, wan swaki Sasakra, ¡hilp wan muns, pri wan sâks bara wan saurka sin swih tiks, man ninam prana ba mita!

Sins Lâka 19:11

Upla tânkira muni ba mita, ai lawanka tara ba ban alki takaski brisa; bara witin ai prana ba sika, witin ra saura munan sakuna pana diara munras ban pura luisa.

Aiseya 30:18

Sakuna Dawan lika man nani bîlam kaikisa, man nani dukiamra ai kupia swapni brisa; witin bîlam kaiki latwan mai kaiki ba mamrikisa, kan Dawan Gâd ba kasakkira sa. ¡Lilia pali sa baha nani witin kat ai lukanka mangki bri ba!

Aiseya 37:35

Kan yang mita sika naha tawanka na kaina kahbamna swaki sakaia mata, yang laitwanka ra bara naipakan Debit latwanka ra sin.’ ”

Aiseya 43:25

“Sakuna yang, man nani Dawankam sna bamna, saura daukram ba diki sakisna bara kli sin man saurkam nani ba dukiara kupi kraukamna apia.

Aiseya 48:11

Yang laitwanka lâka ba mata baku daukri, kan yang nini ba tâski dauki bahki kulkan kaia sip apia, praina ba yang bui upla wala ra yamna apia.

Aiseya 65:8

Dawan aisisa: “Wain mâ ba laya pain alkan bara upla baha swin aisawras, kan witin nani baha wina wain manis sakaia sip sa. Bara yang sin albiki nani ra latwan kaiki baku daukamna, nisan nani ba sut âpu daukamna apia.

Jirimaya 14:7

¡Dawan, yang nani saura daukri saurka ba mita daihra sakisa, ninam ba pain kulkaia ba mita baku dauks! Aima ailal yang nani na man mampara yamni apia katni, yang nani lika man mampara saura daukri.

Isikiel 20:14

Kuna yang nini kulkanka mita daukras katna, saura takaskaia apia tâwan. Baha nisanka nani kaikata, mawanra nahki Idsip wina sakatna ba.

Isikiel 20:22

Kuna alki takaskri nini kulkanka tâka, saura takaskaia apia tâwan, baha nisanka nani kaiki kan, Idsip wina brih sakatna ba.

Isikiel 20:44

Israel luhpia nani, yang bui man nani ra dîa mai munri ba, saurkam dukiara lika apia, natkam saura nani dukiara sin apia, kuna yang nini kulkanka tâka, baha ningkara tânka bri banhma, yang sika Dawan sna ba. Yang, Dawan, kasak aisisna.’ ”

Isikiel 20:9

Sakuna nini kulkanka tara wal daukri, saura takaskaia apia dukiara, baha nisanka aikuki iwi ba tilara, kan baha nisanka nani mawanra param taki, pramis munri Idsip wina sakaia.

Isikiel 36:21

Baku mika latwan briri kaikaia ba; Israel tâka, nini holikira ba, tâski daukan nisan kumi bani tilara witin nani dimi auya ba ra.

Jasua 7:9

Kenan uplika nani naha tasbaya ra iwi ba dîa takan na sturka ba sut walbia, bara witin nani sut asla taki bara wan mapara bal aiklabi rau wan sauhki âpu wan daukbia, bara upla sin wan sturka aisaia sin âpu kabia. ¿Bara baha kat man ninam kulkanka tara ba dîa kabia ki?

1 Samuil 12:22

Dawan bui ai uplika nani ba lulki swibia apia, witin ai nina tara kulki ba tâwan. Dawan brin daukisa man nani ba ai uplika nani kama.