Aiseya 48:17 - DAWAN BÎLA AISKA

¹⁷ Dawan bui man ra atki mai sasakra ba, naku win, Israel Gâdka Holikira ba: “Yang sika man Dawan Gâdkam; yamnika uya man ra takaia ba mai smalkisni, yabal bâk wapaia tâm brisna.

Aiseya 48:17 ပူးပေါင်းရင်းမြစ်များ

Blasi Sturka 24:48

Bara yang luli krikri Dawan ra mayunri; Dawan ra puri sunri, yang dawanki Ebraham Gâdka ra, witin yabal wapni bâk ai bri balan ba dukiara, bara yang dawanki taika ba tila wina, luhpia mairin ba kat sakaia ai luhpia maya baikaia.

1 King Nani 8:36

kasbrika pura ba wina man wali kama, bara man albikam nani bara uplikam Israel luhpia nani saurka ba ban swih tikma. Yabal yamni ba mariki kama, bara witin nani bahak impaki tauki kabia, bara ai tasbaya purara lî yama, man bui witin nani ra yaram ba, ai almukka nani tasbaya ra.

Job 36:22

Gâd karnika tara ba ra aman kaiks, smasmalkra kumi sin sip witin ba wal prakras.

Lawana Nani 25:12

Ani uplika Dawan ra pain kulki ba, Dawan ai yabalka ba, baha uplika ra marikisa anik waia ba;

Lawana Nani 32:8

Dawan ba naku aisisa: “Man kat yang mai kaikisni. Yang mai smalki mai wimna, yabal ba mamrikamna man anik waia sma ba.

Lawana Nani 71:17

Dawanki, wahma katna ba wina ai smalkram, bara ban kau aisisni, man warkkam tara daukram ba.

Lawana Nani 73:24

man sins lâka mairiki, ai brih taipahkram naha diara sut lubiara, man kulkanka aikma.

Aiseya 2:3

upla sâtka nani ailal ba aisabia: “Bal, man nani, kaisa Dawan ilka ra uli waia, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan, witin ai yabalka nani ra wapbia.” Kan Saion wina sika, Dawan lâka smalkanka nani ba bal takbia, Jerusalem wina ai bîla balbia.

Aiseya 28:9

Witin nani ba yang wina walan wisi daihra aisi si, bara wisa: “¡Yawan ra aula smalkan wankaia, wan smalki wan marikaia! ¡Yawan na tuktan lupia bamna,

Aiseya 30:20

Âu, Dawan bui man nani ra pât wahwanka maikisa, sari tilara sma ba wina plun, lâ maikisa, sakuna witin sika smasmalkrikam, man wina ban yukuwi baku kabia apia; ban sakuna, namkra ni smasmalkrikam ba man kaikma.

Aiseya 30:21

Bara man kiamam ra wali kama ninam wini naha bîla nani mai wibia: “Naha sika yabal, man nani bahak impaks.” Bara mihtam aihkika ra tawpara, mihtam smihka ra sin apia, tnaya ra sin tawaia apia.

Aiseya 41:14

Dawan wisa: “Israel, Jekob uplika nani, man nani maura lupia bara karnikas sma sakuna, yang lika man hilpkam sna; si bripara. Yang, Israel Gâdka Holikira, man sasakrikam sna.

Aiseya 43:14

Dawan, Israel Gâdka Holikira ba, witin mita pri sakan ba, aisisa: “Upla nani Babilon ra blikamna, man nani swaki mai sakaia tâwan bara yang daukamna get nani ba sut param sakaia, Caldea uplika nani liliaka ba sari ra tawaia.

Aiseya 43:16

Dawan bui kabu ra yabal kum daukan sa, lî karna plapi bâk yabal ba mangkan;

Aiseya 45:11

Dawan, Israel Gâdka Holikira ba, witin paskan ba aisisa: “¿Man nani bui yang ra makabi walaia sma ki luhpi nani ba dukiara, apia kaka man nani mita ai wiaia sma yang warkki nani ba nahki daukaia dukiara sin? ¿Bara yang mihti warkka nani daukaia dukiara sin?

Aiseya 48:20

Babilon wina man nani bal taks, Caldea uplika nani tila wina plaps, liliakira wal naha sturka nani wis upla sut ra, bara brih was tasba tâ wala pali kat. Wis: “Dawan ba pri sakan ai dukia dadaukra Jekob ra.”

Aiseya 49:26

Mai tataibra nani ra taibi munamna ai wîna ba piaia, ai tâlia ba sin wain baku di bla takaia. Baku upla sut tânka bribia yang, Dawan, yang bui man mai swaki mai sasakra sna ba; yang, karnakira ba Jekob wina, yang sika man pri mai sasakra.”

Aiseya 49:7

Dawan, Israel Gâdka holikira, pri sasakra ba wisa tawan nani aiska pali lulki swin ba ra upla wala nani bri misbara kaiki ba, upla tataibra nani albika nani takan ba: “King nani ba bara king luhpia nani sin mai kaikbia ba ra, witin nani ba bal mamwanra bawbia, kan yang, Dawan, Israel Gâdka Holikira, bâk mai sakri yang dîa daukaia ba sut man ra aimakbia.”

Aiseya 54:13

Bara luhpiam nani sut ba, Dawan mita ai bîla ba smalkbia; bara witin nani sut pâwanka tara pali bribia.

Aiseya 54:5

kan mai papaskra ba, ai maya mairin mai bribia; ai nina ba Dawan karnika bri ba; man sasakrikam ba, Gâd Holikira, Israel wina ba, tasba aiska Gâdka ba.

Aiseya 54:8

Kupi baiwanka wiria lupia ba wal yang maiwan ba man wina piu prahni yukukri kan; sakuna umpira mai kaikan lâka ban kaia ba wal man dukiamra kupi swapnika lâka brimni.” Dawan mai swaki sasakra ba, baku wisa.

Jirimaya 6:16

Dawan bui ai uplika nani ra wisa: “Man nani yabal kat bûi ba ra kaiks, blasi pali yabalka nani ba dukiara makabi wals, yabal kau yamni ba bâra sa; baha yabalka ra waps bara man nani ris brima.” Sakuna witin nani aisin: “Apia, apia, yang nani baha yabalka ra wapan ai daukras”

Miqueas 4:2

upla sâtka nani ailal naku aisi balbia: “Bal, man nani, kaisa Dawan ilka ra uli wap, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan lika witin ai yabalka nani ra wapbia.” Kan Saion wina sika Dawan lâka smalkanka nani ba bal takbia, âu, Jerusalem wina ai aisanka balbia.

Jan 6:45

Prapit nani wauhkataya ra naku wisa: ‘Gâd mita upla sut ra smalkbia.’ Baku bamna, Aisa ra wali uplika nani ba, witin ba wina lan taki yang ra aula.

Epesus 4:21

ban kra man nani bui witin ba dukiara aisin walram, bara witin mita sika praki mai smalkan, nahki Jisas ra baman kasak tânka ba bâra sa.

Jasua 3:4

Bara baku man nani sin anik waia yabalka ba kaikma, kan nanara kat man nani kumi sin kau naha yabalka nâk luras kapram, bamna kakaira apia sma. Sakuna man nani lâ nani auhbaia watla twilki ba lamara lika wapara, kilumita kum prais laih wina ninara wapi bas.”