Aiseya 47:6 - DAWAN BÎLA AISKA

⁶ Yang upliki nani mapara kupi baiwan kan, bahki lâka mihta ra mangkri nisanki nani pali ra bara swiri man karnikam munhtara kauhan, man bui witin nani ra umpira kaikras kapram bara almukkam nani pahpaya ra wirhika nani sunram.

Aiseya 47:6 ပူးပေါင်းရင်းမြစ်များ

2 Samuil 24:14

Bara Debit bui Gad ra pana win: —Makabi walankam ba wirha pali ai taibuya. Kanra yamni sa, yang nani Dawan mihta ra kauhamna kaka, ai kupia yamnika ba tara pali sa bamna, sakuna upla mihta ra lika apia.

2 Kronikas 10:11

papiki karban wirha mai sunan ba, yang lika karbanka ba kau wirha mai sunamni; aisiki bui wipaia kiwka ni mai wipi kan, sakuna yang lika silak kakma tatwa ni mai wipamni.’

2 Kronikas 28:9

Bahara Dawan dahra aisasarika kum bâra kan nina Obed, bara war wina aula nani ba wal prawaia taki wan, Sameria ra dimaia auya kan ba ra witin nani ra win: —Dawan, man nani damikam Dawanka ba, Juda wal ai kupia sauhkan, baha mita baha nani ba man nani mihtam ra mangkan. Sakuna man nani bui kupiam baiwanka saura karna uya iki tikram bara saurkam ba kasbrika purara ba Dawan kat wan.

2 Kronikas 36:17

Bara Dawan ba witin nani mapara Caldea kingka ba blikan, bara wahma nani sut skiru wal ikan tempel bîla kat. Wahma nani ra umpira kaikras, mairin nani ra sin, almuk nani, skahwa nani ra sin kulkras kan, baha nani sut ba Dawan bui ai mihta ra mangkan kan.

2 Kronikas 36:20

Baha ningkara raya kau nani ba Babilon ra alki brih wan, bahara ai albika daukan, witin ai luhpia nani albika sin, Persia uplika nani ai karnika brin ba kat,

Esdras 5:12

Sakuna baha ningkara, yang nani damiki nani Gâdka laih purara iwi ba mapara saura dauki banhri tâwan, Nabucodonosor, witin Caldea uplika Babilon kingka kan ba mihta ra wan mangkan, naha tempelka sin sut sauhki tikan, bara upla nani kan ba alki Babilon ra bri si taiban lâka ra bri kan.

Lawana Nani 69:26

Kan witin nani sika, man bui rausauhkram bara sari brisa, baku sin man bui yaram insauhkan ba, latwanka ba lawaska kiki banhwisa.

Aiseya 10:6

Tawan kum Dawan ra lukras ba mapara aiklabaia witin ba blikisna, nisan kum ra kupi baiki ba, dukia nani ba impliki sut mihta dakbaia dukiara, witin nani ba alki taibaia slaubla yabal ra wan mina ra taibi ba baku.

Aiseya 13:16

Ai luhpia sirpi nani ba, witin nani ai mawan kat lulki saban kabia; ai watla nani ba bîla man swibia, bara witin nani ai maya ra saura munan kabia.

Aiseya 14:17

tasba na, twi saura upla iwras tasbaya kum baku daukan, tawanka tara nani ba sut bîla man swin kan ba, silak ra mangkan nani ba sin durka sakras kan ba?’

Aiseya 14:6

witin ai kupia baiwanka wal upla nani ra klala yabi kan ba takaskras ban upla nani ba ra pruki kan, witin nani ai kupia baiwanka tara ni tawan nani ba taibi kan, ai kupia âpu nina bliki saura rausauhki kan.

Aiseya 43:28

Man wihta nani brisma ba tempelki ba tâski daukan, baha mita yang wîri, Jekob tawanka, Israel ba, swira dauki, sauhki tikaia.

Jirimaya 50:42

Trisbaya nani langsa nani brisa; upla krakraka nani, upla ra umpira kaikras, winanka nani ba baku bin tara dauki baku sa, aras nani ra uli impakisa. Witin nani ridi pali sa Babilon mapara aiklabaia.

Inanka Nani 1:14

Saura nani daukri ba, Dawan kaikan; saurki nani ba mita ai priskan, bara bîp lal ra dus wilkan baku, yang purira wirha sa: ¡baha bui karniki sut tikisa! Dawan bui upla nani mihta ra ai mangkan sa, baha nani mapara yang buaia sip apia sni.

Inanka Nani 1:21

Inanki nani ba upla nani walisa, sakuna upla kumi sin âpu sa maisi nihkaia. Waihli nani sut, yang pât wahwanki ba nu sa, bara witin nani lilia takisa man baha daukram ba. ¡Baha yua dukiara maisa pakram ba yas balbia, bara yang ra takan ba baku yas witin nani ra sin takbia!

Inanka Nani 2:2

Dawan mita Jekob watla nani sut sauhki tikan sa, umpira kaikras kira; ai lawanka nani wal Juda pranakira kan kahbaika pliska nani sut sauhki tikan sa; ai wihtka tara nani bara kingka nani sin tasba kat batakan sa, swira lâka ra.

Inanka Nani 4:16

Dawan, witin pali mita witin nani na yakaban sa, bara kli sin tawi kaikbia apia; prîs nani ra kulkanka yaras kan, upla almuk nani ra sin umpira kaikras.

Inanka Nani 5:12

Tawan wihtka tara nani ra mihta ra wilki paman sa, tawan almukka nani ra sin kulkanka yaras munisa.

Isikiel 24:21

‘Israel luhpia nani ra wis: Dawan ba naku wisa: Tempelki ba tâski daukamni man nani kaikaia lihkisma bara latwan sma ba; man nani kulkanka tara brisma bara karnikam ba; luhpa mairin bara waitna nani, Jerusalem ra swiram ba iki yakabia.

Isikiel 28:16

Atkaia dukia ailal brisatma ba wal, aibanhwan takram sa, saura lâka bara taiban lâka nani ni. Bara yang maiwan wina mai kangbri; Gâd ilka ba wina kangbi mai sakri, bara kirubin main mai kaiki kata mita, slilma nani tila wina mai sakan.

Abdías 1:10

“Swiram dauki mai slingbi mai tikan lâka ba wal man puramra bâra ban kabia, man muihkam Jekob ra rausauhki ikram ba tâwan.

Abdías 1:16

Kâp tahpla pali ba man nani yang ilki holikira ra diram ba, baha tahplika kan ba baku nisan wala nani sin dibia, kwatbi langki witin nani dibia, sut âpu pali takbia ba kat.

Sakaraya 1:12

Bamna Dawan insalka naku win: “Dawan, man karnika sut alki brisma ba, pat mani 70 Jerusalem bara Juda tawanka nani mapara kupiam baiwanka brisma. ¿Ahkia kat man bui kli witin nani ra umpira kaikma ki?”

Sakaraya 1:15

Baha tâwan kupi kasak baiwan, baha lukras uplika kiamka nani ba mapara, kan yang na wiria man kupi baikri ba ra, baha nani mita saurka ba kau tara daukan.

Matiu 7:2

Man nani upla wala nani lâka aisi daukisma ba baku, witin lâmka aisi daukbia, bara uplikam ra dîa kulkaika ni kulkisma ba, baha sim kulkaika ba ni Gâd mita mai kulkan kabia.

Kli Smalkanka 28:50

upla mawan kraskira nani kabia, almuk nani ra kulkras kabia, tuktan nani ra sin latwan kaikbia apia.

Jems 2:13

Kan ya ya ai uplika ra umpira kaikras kaka, witin ra sin umpira kaikras kira ai lâka daukan kabia; sakuna ani uplika umpira kaikan lâka bri kan kaka, lâ daukbia yua ra witin mita pura lubia.