Aiseya 47:2 - DAWAN BÎLA AISKA

² Plawar mâ taya sakaia walpaya ba bris, bara plawar sakaia wauhs; lamla mangkaika ba daiki sâks, prâmka wâika ba alki buks, kuhmam susu taks, awala nani ba wapi lui was;

Aiseya 47:2 ပူးပေါင်းရင်းမြစ်များ

Blasi Sturka 24:65

bara Ebraham napakanka ra makabi walan: —¿Bahara waitna kum aula ba, witin yawan tani ra aula sa bara witin ba ya? Napakanka ba pana witin ra win: —Baha sika yang dawanki. Bara Rebeca ai lal pura bikaia kwalka ba brih ai mawan prakan.

1 Kronikas 19:4

Bamna Hanún lâ yan Debit uplika lalka nani ba silak ra mangkbia, bara unmaya irbia, prâka nani lilak kalkbia, ningkara swika wabia.

Job 31:10

yang mayi ba upla wala nani albika takbia, bara yarka upla sât wala nani witin wal yapbia.

Impakan Sturka 11:5

bara Idsip uplika nani watla bîla bani ra luhpia waitna tawahkia ba pruan kabia. King fero luhpia tawahkia king iwaika ra iwi ba wina, ban albika mairin aya akbaika ra wark taki ba, luhpia tawahkia nani ba sut, baku sin daiwan nani tawahkia ba sin pruan kabia.

Smasmalkra 12:4

Baha yua balbia ba ra, lata durka ba prakbia, akbaia walpaya binka ba âpu takbia; piawira nani ai lawana swika walbia, sakuna lâwanka ba sut kli walras takbia.

Aiseya 20:4

Asiria mita, Idsip uplika nani ba priski brih wabia, baku sin Etiopía wina kangbi sakan nani ba; wahma nani, almuk nani, kwala luha, ai mina man, tnata pura bikras, Idsip uplika nani ba swira daukaia dukiara.

Aiseya 3:17

baha ba mita, Dawan bui Saion mairka lal tâwa nani ba kusbi sâkbia, ai swira lâka nani ba param ra sâkbia.”

Aiseya 3:23

wan mawan kaikaia glaska nani, linin painkira, prâk pura dimaika nani ba, bara mawan pura prakaika nani sin âpu daukbia.

Aiseya 32:11

Man nani sâp sma ba tatatwi bas, sari takras mairka nani, man nani trabil taki luks; man nani âmyapah mairka nani, man nani prâmka daiks, sari prâka dims, kwala sukra ni man nani maisam wilks.

Jirimaya 13:22

Bara man makabi walma kaka, tânka briaia sma kau diara saura pali daukram ba tâka mita sika; ¡baha mita witin nani susu mai dauki bara saura mai munan!

Jirimaya 13:26

Yang sin sut susu mai daukaisna upla mawanra mai swiaisna swiram takaia.

Jirimaya 25:10

Yang daukamna witin nani ai tilara lilia mita aiwani lilia kaia kli daukan kaia apia, maya baiki lawana sin aiwanaia apia, akbaia walpaya nani binka sin walaia apia, lamp angki ingnika nani ba sin kli kaikaia apia.

Jirimaya 27:7

Nisan nani sut ba witin ra bawi kabia, luhpia nani ra bara mulika nani ra sin bawbia, bara piua ba balbia bara nisan tara nani ba king karnika tara bri nani ba sin witin ra bawbia.

Inanka Nani 5:13

Upla karnakira nani ba yan diara akbaia dukia nani wauhisa; bara wahma nani lika pauta dusa wirhika nani mununhtara kauhisa.

Oseas 2:3

Witin baku daukras kabia kaka, susu dauki swimna: witin aisubi takan ba yua ra, dîa luha kata ba baku, upla iwras tasbaya baku daukamna, tasba lâwan baman kabia, bara lî diran bla yarka prubia.

Miqueas 1:11

¡Safir tawanka uplika nani, man nani kwala âpu, swira lâka ba wal, kangbi mai sakan tasbaya ra taki was! ¡Zaanán tawanka ra iwi uplika nani ba, baha wina bal takaia lukbiara! ¡Bet-ésel uplika nani sari ini banhwisa, bamna man nani ra sip tâm baikbia apia!

Matiu 24:41

Mairin wâl walpa ra akbi kabia; kum ba brih wan kabia, bara wala ba lika swin kabia.

Luk 17:35

Mairin wâl akbaia walpaya ra akbi kabia: kumi ba brih wan kabia, bara wala ba lika swin kabia.

1 Korint 11:5

Sakuna mairin kum ai pura suni ba ra, apia kaka Gâd bîla dahra aisi smalki ba ra ai lal ba srukras kaka, witin ai maya waitna swira daukisa; baha ba lika ai tâwa irban kan baku sa.

Wihta Nani 16:21

Bara filisteo nani bal alki ai nakra wâl ba daikan, bara Gaza ra brih wan, bahara bras sialaka ni priski silak watla ra mangkan, akbaia walpaya wilbi lakaika ba yaban akbi kan.