Aiseya 47:14 - DAWAN BÎLA AISKA

¹⁴ Sakuna kaiks witin nani ba kapan taya yuya baku sa; pauta klauhan mita witin nani angkbia, pauta klauhan karnika ba wina ai rayaka nani ba sip swaki sâkbia apia. Kan masku klauhan apia sa, baha lamara iwi ailahki kaia.

Aiseya 47:14 ပူးပေါင်းရင်းမြစ်များ

Impakan Sturka 5:12

Israel luhpia nani lika Idsip aiska ra diara klakan lâwan nani ba pliki taki wan, baha ni inma lâwan nani twi lâwan baku yus munaia dukiara.

Aiseya 10:17

Gâd Holikira, Israel ingnika ba, pauta klauhan takbia, bara yu kumi bilara kuntrika ra rahra nani ba sut angki âpu daukbia.

Aiseya 30:14

Man nani ba sumi dakawa kriki baku mai krikan kabia, kriki yuya lupia baman taki ba baku takma, kau pîska kumi pan sâkbia apia pauta aswan mangki utla wina bri balaia, apia kaka liwanhta wina lî sakaika pan briaia.”

Aiseya 33:14

Saion ra saura dadaukra nani ba sirang iwi tatatwisa, upla saura nani ba sirang iwi bal aisisa: “¿Ya yawan wan tila wina pauta klauhan wan sasauhkra bâra iwi ban kaia sip sa, pauta klauhan ban kaia ba?”

Aiseya 40:24

Witin nani ba tasba ra mangkras kan baku kabia, witin nani sin mâ nani ba mangkras kan baku, ai plamaika ba sin ai wakia nani ba tasba ra briras kan baku; pâsa kum witin nanik aihni krawi luan bara pat lâwisa, bara prari bal brih auya dus wahia lâwan kum baku.

Aiseya 41:2

¿Ya mita lalma tanik yaban bal takan baha kingka piu bani ra pura lui ba? ¿Ya mita nisan nani ba yaban, bara king nani ba yan bawisa, baha ai sordka bara ai pantamangkaika ba inma wahia baku akbi tikamna bara sin baiki sakamna?

Aiseya 44:16

Dus klakan ba wina mânka kum ba, pauta klauhan ra mukisa; mânka wala ba wîna angki pîsa, wîna angkan kum ridi daukisa, baha pi aibanhwisa. Baha ningkara pauta ra ailahki, bara wisa: “¡Âu, nanara yang lapta takri, pauta klauhan ba yang kaikri!”

Aiseya 5:24

Baha ba mita, dipasta lâwan pauta mita angki ba baku, pauta klauhan mita wahia lâwan nani angki ba baku, man nani sin baku tanis tiwma, dus wakia nani sukwi ba baku tangnika yamhpus taki ba baku. Kan witin karnika sut bri Dawanka lâka ba lulkram bamna, Israel Gâdka holikira ba.

Jirimaya 51:30

Babilon aiklaklabra nani ba aiklabras takaskan, ai kan kahbaika pliska nani ra diman; aiklabaia karnika âpu takan, mairin nani baku takan. Tawanka nani ba bal brin watla nani ba pauta ni angkan.

Jirimaya 51:32

Awalak plapi luaia yabalka nani ba waihla nani brin, bahara dimi aiklabaia watla nani ba angkan, suldiar nani ba sibrin tara daukisa.

Jirimaya 51:58

Yang, Dawan karnika sut brisna bara aisisna: Babilon kutbanka bîla tara ba aiska pali dringban kabia, getka tarka tara nani ba angkbia. Nisan nani wark takan ba sut bahki takbia, ai laptika saki wark takan ba ami lubia.”

Isikiel 15:7

Yang param takamni, witin nani ai waihla kaia. Pauta wina swakwi takbia sin, sakuna pauta wala mita angki âpu daukan kabia, bara baha piua ra, yang, man nani waihlam kaia param takamna; man nani damra walma, yang sika Dawan sna ba.

Joel 2:5

unta ra, il nani purara, witin nani pâli ba binka lika, war aiklabaia waginka nani binka taki ba baku sa, dus wahia lâwan nani ami kan binka taki ba baku. Witin nani suldiar ailal karnakira, daknika kum war aiklabaia bal taki buan ba baku sa.

Abdías 1:18

Jekob bara Josep kiamka nani ba pauta aswan bâra lakwi ba yabia. Bara Isau kiamka nani ba twi lâwan baku takbia, bara baku baha pauta aswan buki klauhi ba mita twi lâwan nani ba angki âpu daukbia. ¡Isau kiamka wina, kumi sin swak takbia apia! Yang, Dawan, baku aisisna.”

Nahum 1:10

Witin nani ba, kiaya dusa nani sisitni pâwan baku, bara sin twi lâwan baku sin aiska pali ambia.

Malaquía 4:1

Karnika sut bri Dawanka ba aisisa: “Yua ba aula sa, kubus lapta takan ba baku, prautkira watawikira nani ba sut twi lâwan baku pauta klauhan kum ra ambia. Baha yua aula ba mita angki witin nani sut âpu daukbia.

Matiu 10:28

Man nani ra mai ikaia sip nani ba ra sibrin lukpara, witin nani karnika âpu sa rayakam ban kaia ra man nani ra mai ikaia bara hil pauta ra mai sauhkaia ban kaia ra, bahara sibrin luks.

Matiu 16:26

¿Bamna upla mapara dîa hilp kabia ki tasba aiska na bribia, sakuna ai sulka ba tikbia kaka? ¿Upla ba ai sulka mana nahki aibapaia sip sa ki?

Param Marikanka 18:21

Bara insal karnakira kum ba walpa kum bukan, baha ba akbaia walpaya tara baku kan; bara kabu ra lulki, naku win: “Babilon, tawan tara ba, sim naha walpaya naku mai batakan kabia, bara upla kumi sin kli mai kaikbia apia.