Aiseya 47:12 - DAWAN BÎLA AISKA

¹² Nanara ban bâra kupiam yabaki bas, sukika lâka ailal pali ba sin ban dauki bas, baha nani tilara, man lan takram ba wahma kapram ba yua wina; ban kra baha nani tâm baikbia, waihlam nani ra sirang ikbia.

Aiseya 47:12 ပူးပေါင်းရင်းမြစ်များ

Lawana Nani 129:1

Aima ailal trabil nani bâk luri, wahma kapri ba wina; —Israel nanara wibia—,

Impakan Sturka 7:11

Bara king fero ai uplika sinskira tara bara sukia nani ba sut paiwi bri balan, bara baha nani sin Eran daukan ba baku daukata.

Impakan Sturka 8:7

Ban sakuna, Idsip sukika nani mita sin Eran daukata baku daukan, witin nani diara aihka daukaia sinska bri ba wal. Bara witin nani mita sin pikpik nani Idsip tasbaya purara bri balan.

Impakan Sturka 9:11

Nanara sukia nani kata ba sip Moses bara Eran wal mapara buras kan, witin nani sin Idsip uplika wala nani wal baku yukri nani mita ai taya sukwi kan bamna.

Aiseya 19:3

Idsip uplika nani lukanka ba lap tiwaia daukamna, dîa daukaia luki dauki ba sut sauhkamni. Bara witin nani aidul nani ra makabi walbia, sukia nani ra sin, pruan nani piritka ra sin, smaya kakaira nani ra sin.

Aiseya 44:25

Yang swiras, prapit kuninkira nani diara aisan ba kat aimakbia; yang daukisna smaya kakaira nani ba, ai raitka ba tikbia. Yang sinskira nani ba yâri kli ai walka mapara aisisa bara sinska lâka ba, diara tânkas ra lakisna.

Aiseya 8:19

Âu, upla nani bui man nani ra mai wibia sika: “Sukia nani ra wals, yapi kakaira nani ra sin makabi wals, pusbi aisi nani ra bâra aisi ba. ¿Upla nani ba ai gâdka nani ra makabi walaia apia sa ki, pruan nani bara walaia raya nani ba dukiara dîa aisabia ba,

Jirimaya 2:28

Juda, ¿gâdkam nani paskram kata ba anira sa? ¡Gâd nani ailal brisma tawan nani ailal ba baku! ¡Nanara witin nani bal kaikbia, swaki mai sakaia sip sa sapa pât saura nani ba bal mai alkbia ba ra!

Isikiel 21:26

Yang Dawan sna ba, naku wisni: King kwalka ba mihtam dakbia, king kraunka ba drusbi mihtam wina sâkbia, bara diara sut ba aihka kabia. ¡Il tara ba tâ pali ra ulbia, twi langni ra ba, bara il tâura pali nani ba tasba ra kauhbia!

Daniel 2:11

Man king tara sma ba, makabankam ba karna pali sa, bamna upla âpu sa baha mai wiaia, gâd nani baman lika, ¡sakuna baha nani ba wan tilara âpu sa!

Daniel 2:2

Bara witin bui âiulbra nani, smaya kakaira nani, sukia nani, sinskira nani sin paiwan, baha yaprisauhkanka tânka witin ra wibia dukiara. Witin nani wan king mawanra bûi banhwan,

Daniel 5:15

Baku bamna, naha tasbaya ra upla sinskira nani ba nâra sa baha ulbanka ba aisi kaiki ai tânka ba ai wiaia dukiara, sakuna witin nani tânka briras pali sa.

Miqueas 3:7

Baha nani ai nakra ni kaiki bara diara mangki kaiki ba, tanis swira lâka ra tawbia. Witin nani sut ba, ai bîla sâp takan kabia, Gâd wina pana witin nani ra diara aisaras kabia bamna.

Nahum 3:4

Bara naha sut na rug lâka saura tâka, ur mairin ai prana wal yamni kaiki sukia ra smasmalkra ba, ai rugka lâka bara sukia lâka wal, tawan nani ra kunin muni kan bara nisan nani ra sin.

Kulki Kaikanka 22:25

Biriku ba Dawan insalka ba kaikan ba ra, baha walpa kutbanka tnaya kum ra ban aitnikan, bara walpa kutbanka ba Balaam ra kuhma ra taiban. Baha kat Balaam biriku ba kli prukan.

Param Marikanka 9:21

Ai kupia sin lakras upla nani iki ba swiaia, sukia lâka nani, bara rug lâka nani, diara impliki nani ba sin swiras.