Aiseya 47:11 - DAWAN BÎLA AISKA

¹¹ Sakuna diara saura ba ban man puramra balbia, sukia warkka daukisma ba mita sip takaskbia apia; diara saura tara kum man puramra kauhbia, man mita sip takaskma apia; pât kum man bîla kaikras sma ba damra walras kira aihni puramra balbia.

Aiseya 47:11 ပူးပေါင်းရင်းမြစ်များ

Nihimaya 4:11

Wan waihla nani ba lukan yawan wan dara sin walbia apia, kaikbia sin apia witin nani bal wan tilara dimi wan iki tiki warkka ba takaskbia ba kat lika wan tânka bribia.

Lawana Nani 35:8

¡Sauhkaia pâtka witin nani ai dahra walras kaka, bal prak alkbia! ¡Mina alkaia nani paskan ba, ai mina nani kli bahara alkbia! ¡Sauhki tikaia pâtka kat, witin nani kli bahara kauhbia!

Lawana Nani 50:22

“Man nani naha tânka na pain bris, man nani Gâdkam ra âmya tikisma ba, yang wînam ba yuya baman mai daukras sna ba ra, baha mai daukamna bara upla kumi sin mai dakbi mai sakaia âpu kabia.

Lawana Nani 55:15

¡Prura bui waihli nani ra alkbia! ¡Kau raya kaka raiti ra kauhbia, watawi lâka nani ba, ai kupia ra sa bamna!

Lawana Nani 73:19

¡Witin nani ba, wan nakra klipan baku sauhki tikma! ¡Sibrin ba bui âpu daukbia!

Sins Lâka 13:21

Trabil lika upla saurakira nani nina blikisa, sakuna kasakkira nani ra mana diara yamni pali yaban kabia.

Aiseya 13:6

Yul swi baku ins, kan Dawan yua ba pat baila sa. Karnika sut bri ba aula, sauhki tikaia karnika ba wal.

Aiseya 29:5

Sakuna istikira, wan nakra klipan kumi ra karnika sut bri Dawanka ai waihla nani ra klala yabia. Witin balbia alwani nani wal, tasba nikbi bin tara nani kira sin, skwal pâsa saura bara pauta klauhan sauhki tatikra kira. Waihlam ailal tasba yuya man takbia, ninam blablikra nani ba twi lâwan baku raski bri wabia.

Aiseya 30:13

baha mita, man nani pâtkira sma. Man nani ba tawan kutbanka baiwan, slingwi tiwaia man swin ba baku sma.

Aiseya 37:36

Bara Dawan insalka ba taki wan bara upla 185,000 ikan Asiria nani kiampka ra; witin nani titan buan ba ra, kaikan witin nani wîna tara sut ba, upla pruan man kan.

Aiseya 45:7

Ingni ba daukisna bara tihmia tara nani ba sin, kupia kumi lâka daukisna bara mapara buanka ba sin. Yang Dawan, yang naha diara nani sut ba daukisna ba.

Aiseya 47:9

Damra walras kira, yu kumi bilara, diara saura wâl ba man ra takbia: piarka bara luhpias takma, ban sukia warkka smaya kaikaia bara yapi kaikaia warkka tnata âpu daukram sakuna.

Aiseya 48:8

Âu, man naha tânka kau walras kapram, man sin kau baha kakaira apia kapram; kan piu bani ra, kiamam prakan bara ilingkras bri katma. Yang kaiki katna man na kasak apia sma ba bara bîla walras lulki swiram kan ba, baha mita ninam mâkri man ba mapara babura, kau mai baikras kan ba wina.

Aiseya 57:1

Kasakkira nani ba pruisa, bara upla âpu sa witin nani dukiara luki ba; waitna pain nani ba lap tiwisa, bara upla kumi tânka briras prubia bara saurka ba wina pri taki auya

Jirimaya 51:29

Tasba ba nikwisa, lalaubisa, Dawan dîa daukaia win ba dauki bamna, Babilon ba upla iwras tasbaya saura kum daukisa.

Jirimaya 51:43

Tawanka nani ba aihka saura takan, bîla man daukan, tasba ba lâwan diara bâra âpu, upla bâra iwras, upla bahak sin wapi luras.

Jirimaya 51:8

Sakuna wan dara walras kan Babilon pat kauhan, yuya sirpi man takan. ¡Man nani lika witin pura mata ins! Sîka nani bri bal insauhkan ba yukaia, rawbia sapa kaikaia.”

Inanka Nani 1:21

Inanki nani ba upla nani walisa, sakuna upla kumi sin âpu sa maisi nihkaia. Waihli nani sut, yang pât wahwanki ba nu sa, bara witin nani lilia takisa man baha daukram ba. ¡Baha yua dukiara maisa pakram ba yas balbia, bara yang ra takan ba baku yas witin nani ra sin takbia!

Isikiel 7:26

Pât ba balbia ninara pât wala balbia; sturi yamni apia ba kumi ninara wala balbia. Bahki pali plikbia, Gâd prapitka kum, dahra yukukan kum param saki maikaia ba; prîs âpu kabia mai smalkaia, almuk nani sin âpu kabia man nani ra kupiam kraukaia.

Matiu 18:34

Bara king ba kasak ai kupia baiki, adar yan panis munaia, ai traska ba sut aibapbia ba kat.”

Luk 12:59

Yang mai wisna, man baha wina takma apia, dîa lupia brisma ba ni ba aibapma kat.”

Luk 17:27

Witin nani plun pi kan, diara di kan, marit taki kan, ai luhpia mairin nani sin marit saki kan, Noa ark watla ra aimakan piua ba kat; bamna lisamra balan ba ra, baha nani sut pruan.

1 Tesalonaika 5:3

Upla nani bila “Diara sut ba sâpkira bara trabil kumi sin âpu sa” aisi kabia ba ra, bâra mika ban wina sauhki tikaia lâka ba witin nani purara balbia. Baha ba lika sim mairin kwihra aisubaia piua aimakan latwanka nani bri ba baku kabia; bara witin nani sip swak takbia apia.

Param Marikanka 3:3

Kupiam krauki bas smalkanka briram ba, bara baha nina blîks bara kli tawi Gâd ra bal. Man raya apia kama kaka, âimplikra baku man ra wamna, bîli kaikras kama ba ra.