Aiseya 46:7 - DAWAN BÎLA AISKA

⁷ Witin nani ai pahpaya ra sunisa, witin nani twilki brih auya, bara ai watlika ra kahbi swisa bâra kabia dukiara. Baha ai watlika ra ba wina aiawras, witin ra winisa sakuna pana mapara aisaras, pât nani wina sin pri sakras.

Aiseya 46:7 ပူးပေါင်းရင်းမြစ်များ

1 King Nani 18:26

Bara bîp wainhka yan kan ba wina kum ridi daukan, bara witin nani Baal nina mâki titan wina yu wan lal kat wini kan: “¡Baal, yawan ra aisas!”, sakuna bîla baikra kumi sin âpu kata. Ban sakuna witin nani wapi srutwi kan, altar witin nani paskan ba lamara.

1 King Nani 18:29

Yu wan lal kat piua ba luan kata, bara witin nani lal saura takan kan, baku ban wini banhwi kan, kîa yamni angkaia piua ba kat; sakuna bîla baikra kumi sin bal takras kan. Ya pali bui pana aisaia ba âpu kan, wini banhwi ba walaia ba sin âpu kan.

1 King Nani 18:40

Bara Ilayas witin nani ra win: —¡Baal prapitka nani sut alki banhs! ¡Yarka kumi sin swakbiara! Bara upla nani mita sut alki banhwan, bara Ilayas brih wan Quisón tingnika ra, bara bahara sut kat nana dakban.

Aiseya 37:38

Bara witin yua kumi ra ai gâdka Nisroc priaska watla ra dimi mayuni kan ba ra ai luhpia nani Adramélec Sarézer wal bui sord wal klaki ikan, bara Ararat tasbaya ra plapi wan. Bara witin ai watlika ra ai luhpia waitna Esarhadón ba king aimakan.

Aiseya 40:20

Upla umpira ba, dus yula piras ba pliki saki, baha ni karbi lilka daukisa; lilka papaskra sinskira kum plikisa, bara lilka kum karbi dauki witin ra yabia, baha aiawras ai pliska ra ban sa, kauhbia apia.

Aiseya 41:28

Kaikisna, bara gâd bahki wala nani kumi sin bal takras; upla kumi sin âpu kan lâ tânka wan smalkaia, upla kumi sin âpu sa makabanki ba ai wiaia.

Aiseya 41:29

¡Witin nani kumi sin diara apia sa! Diara kumi sin daukras; aidul lilka bahki nani baman.

Aiseya 41:7

Diara nani lilka paski uplika ba mita, gul ni diara papaskra ra tâ baikisa; amar ni pruki lalalni dauki ba mita, ayan ra mangki pruki bara sin baku win, slilki prakanka ba pain pali sa; bara silak ni aidulka nani ba sabi karna daukan, kitwaia apia dukiara.

Aiseya 44:12

Yawan kaikpi ayan ni diara papaskra ba, nahki dauki ba: ayan klakaika ba ni alkisa, lapta dauki bara amar ni pruki wîna daukra ba daukisa. Ai klahkla karnika ni baha warkka takisa; witin tisku plun daukisa, piras sa kaka ai karnika nani sin âpu takisa, lî diras bara mahka swapni takuya.

Aiseya 45:20

Asla taki bara bal, tawan ra raya takaskan nani ba, laimara bal. Witin nani kau baha nani tânka briras kan ba, baha nani ai aidulka dus ni daukan ba purara buki, bara witin nani gâd kum ra ai pura suni ba swaki sakaia gâdka apia ra.

Aiseya 46:1

Bel gâdka ba ai lula krikisa, Nebo gâdka ba tasba ra kauhan; aidul paskan nani ba, daiwan nani purara sunan, twilki brih wan baha dukia nani man nani twilki brih waia katma ba, wirhika nani ba daiwan swapan nani purara sunan.

Aiseya 47:15

Bahara sukia nani brisma ba, witin nani naha baha kat takaskan baha nani wal rayakam ailal pali daukram ba. Witin nani kumi bani ai yabalka kat wan bara upla kumi sin âpu sa swaki mai sakaia.

Jirimaya 10:5

Aidulka nani ba rayapisa nasla ra daiwan tnawira nani kangbaika paski ba baku paskisa; sip aisaras, witin nani mita twilki bri taukisa, sip wapras. Baha nani sîa bripara, baha nani upla kumi ra sin saura munras, yamnika sin yaras.”

Jirimaya 11:12

Baha taim Juda uplika nani Jerusalem nani sin witin nani kîa pain angki yabi ba gâdka nani ra hilp makabaia wabia, sakuna pât tara ba balbia bara baha gâdka nani sin witin nani ra sip swaki sâkbia apia.

Jirimaya 2:28

Juda, ¿gâdkam nani paskram kata ba anira sa? ¡Gâd nani ailal brisma tawan nani ailal ba baku! ¡Nanara witin nani bal kaikbia, swaki mai sakaia sip sa sapa pât saura nani ba bal mai alkbia ba ra!

Daniel 3:1

King Nabucodonosor win gul ni lilka kumi daukan, yarika 90 pît bîla yahpika ba 9 pît, bara adar yaban, baha ba Dura langnika ra swin kabia Babilon tasbaya ra.

Jona 1:5

Bara duri waki nani ba sut sibrin pali takan, kumi bani ai gâdka ra ai pura sunan. Bara diara nani ba sut kabu ra lulkan duri ba ingni daukaia. Witin nani baha dauki kan ba ra diara auhban ba tilara Jona lika bahara ai âuyapah pali yapi kan sakan.

1 Korint 12:2

Man nani pain kaikisma kau idan katma ba ra, aidul bîlas nani mita raski mai brih wi kata.

1 Samuil 5:3

Yapra wala titan Asdod uplika nani tempel ra balan ba ra, Dagón ba Dawan lâka auhbaika watla ba mawanra kauhan kan kaikan. Bamna Dagón ba alki buki kli ai watlika ra mangki swin.