Aiseya 46:6 - DAWAN BÎLA AISKA

⁶ Upla nani tila bâra sa ai pakitka wina gul ailal saki ba bara silbar paun ra mangki kaiki ba; ningkara ai mihta ni diara papaskra kum ra yan gâd bahki kum paskaia, witin ra ai lula kriki bara mayunaia.

Aiseya 46:6 ပူးပေါင်းရင်းမြစ်များ

1 King Nani 12:28

Bara aisinka kum daukan ba ningkara, king ba bui gul ni bîp lilka wâl daukan, bara upla nani ra win: “Man nani uya pali Jerusalem ra impaki wisma. Kaiks nâra sa man nani gâdkam nani ba, witin nani bui sika Idsip wina mai saki brih balan ba.”

Lawana Nani 115:7

mihta nani brisa, kuna diara ra sip alkras; mina nani brisa, kuna sip wapras; witin nani kârma bâk sin pusbi pan aisaras.

Impakan Sturka 32:8

Witin nani lika yang yabalki marikri ba wina tnaya ra tawan sa. Witin nani bîp lilka kum paski, bahara mayunisa, sakripais sin angki daukan, bara witin nani sin aisisa: ‘¡Israel, naha sika dawankam ba, Idsip tasbaya wina mai sakan ba!’

Aiseya 2:8

¡Sakuna aidul nani sin banhwan sa! Upla ai mihta ni paskan gâdka nani ra mayunisa, ai mihta sirpika nani ni paskan ba.

Aiseya 30:22

Bâra lika lilka nani daukram ba, silbar ni lalaubi paskram ba tâski kulkma, lilka nani karbi daukram prâka nani gul ni slilki daukram ba sin. Bara baha nani ba tnaya ra lakma kwala tâski wan âuya warbi ba baku; witin nani ra wima: latara taki was.

Aiseya 45:20

Asla taki bara bal, tawan ra raya takaskan nani ba, laimara bal. Witin nani kau baha nani tânka briras kan ba, baha nani ai aidulka dus ni daukan ba purara buki, bara witin nani gâd kum ra ai pura suni ba swaki sakaia gâdka apia ra.

Jirimaya 10:14

Upla sut ba sinskas baha tânka nani ba briaia brin daukras sa. Aidul nani ba mita baha papaskra nani ba ra kunin munisa: baha nani rayaka âpu kunin wan muni ba lilka nani sika;

Jirimaya 10:9

Aidulka nani silbarka ba Tarsis wina bri balan, gulka nani ba sin Ufaz wina bri balan; diara lilka karbi slilki dauki paski uplika nani paskan ba bara kwala balianta pauni ni prâka sipisa, baha sut ba âuya mâira diara paski uplika nani ba paskan.

Jirimaya 50:38

¡War awala nani purara sa: lî nani ba lâwbia! Babilon ra sika aidul aihka saura nani banhwan sa, witin nani bahara kulki bara sinska ba lap tiwan.

Daniel 3:1

King Nabucodonosor win gul ni lilka kumi daukan, yarika 90 pît bîla yahpika ba 9 pît, bara adar yaban, baha ba Dura langnika ra swin kabia Babilon tasbaya ra.

Oseas 13:2

¡Bara witin takaskras ban saura daukisa! Ai silbarka ba slilki aidul nani paski brisa, baha papaskra nani, nahki paskaia aitani luki ba kat paskisa. Paskan ba ningkara aisisa: “¡Man nani bui witin ra sakripais dauki yas!”, bara upla nani ba baha aidulka nani bîp baku paskan ba ra kiawalisa.

Apastil Nani Sturka 17:29

Gâd taika nani sa kaka, ¿dîa kan yawan lukaia Gâd ba gul, silbar kra, walpa ni upla ai mihta ni paskan lilka baku kulkaia?