Aiseya 46:11 - DAWAN BÎLA AISKA

¹¹ Lalma tasbaya ba wina yang waitna kum paiwri, witin yakal baku balbia bara tasba laih pali wina yang aisari ba baku witin daukbia, yang daukaia luki kaikri ba baku sin daukamni.

Aiseya 46:11 ပူးပေါင်းရင်းမြစ်များ

Esdras 1:2

“Ciro, Persia kingka ba, naku wisa: Dawan, kasbrika nani laih purara ba Gâdka, witin mita naha kingka tasbaya aiska sut ba yang mihti ra mangkan sa, bara Jerusalem ra tempel watla kum mâkamna ai win, baha lika Juda tasbaya ra ba.

Job 23:13

Witin dîa kum daukaia brin daukisa kaka, daukbia, diara âpu sa baha ba takaskaia.

Lawana Nani 119:24

Yang lika man lâmka bîla nani wal lilia sna; baha nani sika yang ra lâ mairiki ba.

Lawana Nani 76:10

Bara upla kupia baiwanka nani baman mayunra ra lakisma; witin nani ai waihla pali nani ba sin kraunkam takisa.

Aiseya 10:12

Sakuna Dawan ba, dîa witin Saion ilka bara Jerusalem wal ra daukaia ba daukbia ningkara, Asiria kingka ra klala yabia, naha warkka saura dauki ba tâka, witin ai kupia prautka lâka, ai nakra prautka lâka ni ai walka nani ra kaiki ai prana bri ba.

Aiseya 18:6

Bara baha sut ba unta ra lulki swin kabia, tnawira nani pata kabia, bara daiwan wail nani ba pata swibia; tnawira nani ba, lapta piua ra ai pata piaia awarka bahara bribia, daiwan wail nani bâra ba, kauhla piua ra ai pata piaia awarka bahara bribia.”

Aiseya 22:25

‘Baha yua ra, silak diara karna ra saban ba, sakan kabia; baha wina kriwi bâra kauhan kabia; bara wirhika nani ai purara kahban ba sut lap tiwan kabia.’ ” Karnika sut bri Dawanka, witin aisisa.

Aiseya 25:1

Dawan, man ba sika yang Gâdki sma; purara mai bukamni, ninam mayunamni, kan man lika diara aihkakira nani ba daukram, blasi pali wina man lâ smalkram bîla nani ba, kasakka lâka ban ba mita.

Aiseya 37:26

¿Man aima kumi sin walras kapram ki, yang, Dawan mita naha dukia nani sut daukri kan ba? Patitara yua nani ba wina pat daukaia luki kapri bara nanara yang mita baha ba daukri sa; baha mita sika man bui tawan karnakira pali kutbanka tara nani daukan ba sin, sauhki âpu daukisma.

Aiseya 38:15

¿Sakuna yang dîa wimna, witinka yang ra ai win bara witin mita sin baku daukan ba? Yang yapanki nani sut tiwan sulki sari takan ba mita.

Aiseya 41:2

¿Ya mita lalma tanik yaban bal takan baha kingka piu bani ra pura lui ba? ¿Ya mita nisan nani ba yaban, bara king nani ba yan bawisa, baha ai sordka bara ai pantamangkaika ba inma wahia baku akbi tikamna bara sin baiki sakamna?

Aiseya 41:25

“Yang daukri waitna kum lalma ra takaia; witin nina kat mâki winri, bara yahbra tanik aula. Tawan wihtka nani ba slaubla ra baku ai mina ra taibisa; sumi papaskra baku ai mina ni slaubla ba akbisa.

Aiseya 44:28

Ciro ra yang wisna: ‘Man ba yang sepadki kama, man daukma yang dîa daukaia want sna ba sut’; yang bui Jerusalem ra wisna: ‘Man ba kli mai paskan kabia’; Bara tempel ra sin wisna: ‘Man ra playa tara nani kli bapbia.’ ”

Aiseya 45:13

Yang mita Ciro ra param takri bara pura luaia, ai yabalka nani sut ba wapni daukamni, witin bui yang tawanki ba paskbia, upliki nani priski brih wan ba lanhkbia, lalah mana sin apia, prisant, Israel wala mana sin apia.” Dawan karnika sut bri ba aisin.

Aiseya 56:9

Daiwan wail nani unta ra bâra ba, daiwan kraskira nani sut sin unta tara ra ba, baha nani bal, sîp dakni ba sami âpu daukbia.

Jirimaya 44:28

Upla maura baman war ra pruras Idsip wina kli Juda ra balbia. Baku, Juda ra takaski iwan nani ba Idsip ra wih iwan nani sin kaikbia, ya aisin bîla ba kat diara nani takan sapa, yang aisisna ba, apia kaka witin nani aisin ba takan sapa.

Jirimaya 50:29

“¡Pantamangka lalukra nani sut paiws, witin nani Babilon wal aiklabaia! ¡Tawan tara ba kir kutbi banhs, upla kumi sin plapi takaia apia! ¡Witin nani ra aibaps ai mana dîa briaia ba! ¡Witin nani dîa daukan ba baku witin ra dauks! Witin bui yang ra ai kulkras aisin, Dawan ra, Israel Gâdka holikira ba.

Jirimaya 50:44

“Yang kakalni balamni, Jordan awala unta tila wina layan kum taki aula ba baku, witin bal taki auya twi kura sangni baman pâwi ba tasbaya kat, Babilon uplika nani ba munrika baha wina plapbia, bara yang bâk sakuna uplika ba yarka, bahara wihta aimakbia. Bamna, ¿ya yang wal ai prakaia sip sa? ¿Ya bal yang maiwanra buaia sip sa? ¿Ani sepadka ba yang maiwanra bal bapi buaia sip sa?

Jirimaya 50:45

Man nani wals, yang Dawan, Babilon mapara dîa daukaia ridi takri ba; dîa Caldea uplika nani mapara daukaia luki kaikri ba: Sîp kau sirpi nani ba sin brih wabia, twi langnika nani ba sin sauhkan kabia.

Isikiel 39:4

Bara man, suldiarkam bara upla nani yulam kahbi nani ba aikuki, kauhma Israel ilka bîla nani ra. Bahara yabamna tnawira sât sut ra bara daiwan wail nani ra, pibia dukiara.

Kulki Kaikanka 23:19

Dawan ba lika upla baku apia sa: witin kunin aisaras, witin dîa lukan ba sip lakras sa. Witin dîa daukaia aisi ba daukisa. Pramis daukan kaka, witin ai pramiska daukaia win ba kat daukisa.

Apastil Nani Sturka 4:28

Baku mika witin nani sut daukan, dîa man patitara piua ra lâ mangkram kata ba, diara nani takaia kan ba kat.

Apastil Nani Sturka 5:39

Sakuna Gâd wina sa kaka, man nani sip sauhki tikma apia. Bamna man nani aman kaiks, Gâd mapara aiklapara.

Epesus 1:11

Bamna yawan Kraist wal asla takan ba mita, Gâd mita kaina piua wina bâk saki wan brin, diara witin yaia ba wina wan dukia bribia; bara naha sut na lika Gâd bui dîa daukaia lukan ba kat sika, dîa witin pain kaiki ba baman dauki ba.

Epesus 3:11

Gâd naha daukan, witin patitara piua ra ban kaia ra ba wina dîa daukaia luki kan ba, bara wan Dawan Jisas Kraist wal tnata kat daukan.

Param Marikanka 16:12

Insal 6 ba ai kapka ba Éufrates awalka tara purara laikan. Awalka laya ba lâwan, king nani lalma wina aula ba yabalka kum klauhbaia dukiara.