Aiseya 45:1 - DAWAN BÎLA AISKA

¹ Dawan mita Ciro ra batana laikan, king baku, mihta wina alkan bara yan nisan nani ra taibaia lâka, bara king nani war aiklabia dukia sut bri ba mihta dakbia. Dawan ba daukan baku takaia, Ciro kainara tawan getka ba param kabia upla kumi sin sip prakras kabia. Bara nanara wisa:

Aiseya 45:1 ပူးပေါင်းရင်းမြစ်များ

1 King Nani 19:15

Bara Dawan pana win: “Yabalkam bâk kli tawi was, Damaskus upla iwras, tasbaya bâk. Bara Hazael ba Dawan yamnika yaia batanka ba ni laiks, Siria kingka kaia,

Esdras 1:1

Ciro Persia kingka witin nan king aimakan ba manka ra, Dawan bui Jirimaya ra aisan ba yaka aimakaia dukiara, Dawan mita Ciro spiritka ba tatukbi bukan Dawan bîla ba yaka tasba aiska ra bara ai kingka lâka bri ba ra tasbaya ra sin maisa pakbia ai bîla aisanka ni, baku sin wauhkataya ra ulbi naha lâka ba yan:

Esdras 1:2

“Ciro, Persia kingka ba, naku wisa: Dawan, kasbrika nani laih purara ba Gâdka, witin mita naha kingka tasbaya aiska sut ba yang mihti ra mangkan sa, bara Jerusalem ra tempel watla kum mâkamna ai win, baha lika Juda tasbaya ra ba.

Job 12:21

Upla tara kulkanka lâka bri nani ba sin, kulkanka lâka âpu daukisa, karnakira nani karnika ba sin karnikas daukisa.

Lawana Nani 73:23

Ban sakuna, man wal ban tauki kapri. Man bui yang mihti aihkika ra ai alkram,

Aiseya 13:2

“¡Man nani diara purara pâwras ilka kum purara aiklabaia plakinka purara buks! ¡Suldiar nani ra aiklabaia sainka mariks! Mihtam nani purara buks, baku witin nani lamamra itwi wabia upla tara nani getka bâk dimi.

Aiseya 13:3

Upliki karnakira nani ra adar yâri, baku sin tahpluki nani ra adar yabri, yang pura luisna ba, witin nani lilia bri nani ra, yang klala blikisna ba alki brih daukbia.”

Aiseya 41:13

Kan yang, Dawankam, yang sika man Gâdkam, yang sika man mihtam aihkika ra tâm baikisna ba, bara mai wîri sa: ‘Si bripara, yang hilp mai munisna.’ ”

Aiseya 41:2

¿Ya mita lalma tanik yaban bal takan baha kingka piu bani ra pura lui ba? ¿Ya mita nisan nani ba yaban, bara king nani ba yan bawisa, baha ai sordka bara ai pantamangkaika ba inma wahia baku akbi tikamna bara sin baiki sakamna?

Aiseya 41:25

“Yang daukri waitna kum lalma ra takaia; witin nina kat mâki winri, bara yahbra tanik aula. Tawan wihtka nani ba slaubla ra baku ai mina ra taibisa; sumi papaskra baku ai mina ni slaubla ba akbisa.

Aiseya 42:6

“Yang, Dawan, mai paiwri bara mihtam wina mai alkri, man ba upla swaki sakaia dukia kaia; yang mai paskri, yang want sna man baku kaia, yang lâika upla wal daukri ba sainka kaia, nisan nani ingnika.

Aiseya 44:28

Ciro ra yang wisna: ‘Man ba yang sepadki kama, man daukma yang dîa daukaia want sna ba sut’; yang bui Jerusalem ra wisna: ‘Man ba kli mai paskan kabia’; Bara tempel ra sin wisna: ‘Man ra playa tara nani kli bapbia.’ ”

Aiseya 45:5

Yang sika Dawan, bara kau wala âpu sa, yang tnaiya ra Gâd wala âpu sa. Yang ridi mai daukri aiklabaia dukiara, man kau ai kakaira apia sma sakuna,

Aiseya 48:15

Yang, yang sika aisari ba, yang bui witin ra winri balaia, yang yabri balan bara ani anik wabia sut ba yamni man takan kabia.

Jirimaya 27:6

Baha ba aitani, yang mita naha tasbaya nani sut na warkki dadaukra Nabucodonosor, Babilon kingka karnika bri ba mihta ra yabri sa, daiwan wail nani ba sin witin lâ dauki ba munhtara kabia.

Jirimaya 43:10

Bara witin nani ra wis: ‘Dawan, karnika sut bri ba, Israel Gâdka ba, aisisa: Yang daukaisna duki dadaukra Nabucodonosor, Babilon kingka ba balaia, yang mita ai iwaika ai tintka watla ba yang walpa nani bikri ba purara bapbia.

Jirimaya 50:3

Yahbra wina nisan kum witin mapara kitwi aula bara kuntrika ba diara âpu bîla man daukbia. Upla nani, daiwan nani, diara kumi sin bahara takaski kabia apia, sakuna sut plapi laihura wabia.”

Jirimaya 50:35

Dawan aisisa: “¡War ba Babilon purara uplika nani purara sa! ¡Wihta nani bara sinskira nani ba purara!

Jirimaya 51:11

Dawan Babilon slingbaia lukisa bara witin ai lukanka ba ni Media kingka nani ba tukbisa. Baha sika Dawan mita pana muni ba warkka ba, witin nani Dawan tempelka ra diara daukan ba tâwan. ¡Man nani trisbaikam ba pliki bris! ¡Kainam kahbaika nani ba dims!

Jirimaya 51:30

Babilon aiklaklabra nani ba aiklabras takaskan, ai kan kahbaika pliska nani ra diman; aiklabaia karnika âpu takan, mairin nani baku takan. Tawanka nani ba bal brin watla nani ba pauta ni angkan.

Jirimaya 51:58

Yang, Dawan karnika sut brisna bara aisisna: Babilon kutbanka bîla tara ba aiska pali dringban kabia, getka tarka tara nani ba angkbia. Nisan nani wark takan ba sut bahki takbia, ai laptika saki wark takan ba ami lubia.”

Isikiel 29:20

Yabaisna Nabucodonosor ba, Idsip bribia, Tiro mapara aiklabanka bukan ba mana; kan yang dukira wark daukan sa. Yang, Dawan, kasak aisisna.

Daniel 5:6

sibrin mita mawan ba pihni takan kata, bara wîna aiska ba tatatwi kan.

Daniel 7:5

“Wâlka ba lika wingku baku kan, tnaya kumi ba kau purara bukan kata, tnaya mina nani yumhpa bri kan ai bîla ba walri wi kan ba: ‘¡Man bui wînam nani sut pis, dîa sip sma ba kat!’

Daniel 8:3

Laih pali ba wina kaikri, sîp wainhka kumi awala un ra kan, aringka yari wâl bri kan, sakuna tisku kan aringka kum ba kau yari pali takan.

Daniel 8:4

Kaikri sîp wainhka ba ai aringka ni muna tani ra pruki kan, yahbra tani ra bara muna tani ra sin, daiwan kumi sin witin mawanra buaia ba âpu kata, ai karnika ba wina upla kumi sin sip swak takras kan. Ai kupia lâka kat dauki kan, bara piua bani kau karna taki kata.

Nahum 2:6

Awala un ra getka nani ba kriwi param takisa, bara lisamra tara mita king watla ba slingbi tikisa.

Nahum 3:13

War aiklaklabra nani man brisma ba mairin baku man sa; tawankam kutbanka durka nani ba, waihlam nani mawanra param sakan sa, bara pauta klauhan mita, getka prakaika nani sut ba angki tikan sa.