Aiseya 44:9 - DAWAN BÎLA AISKA

⁹ Aidul lilka papaskra nani kumi sin diara apia sa, witin nani aidul ra kulkanka tara yabi ba bahki baman. Ya bahara ai pura suni ba blain banhwisa bara sin sinskas, ba mita swira lâka ra takaskbia.

Aiseya 44:9 ပူးပေါင်းရင်းမြစ်များ

2 King Nani 19:18

baku sin ai gâdka nani bri kan ba sin pauta ra angkata, kan witin nani ba gâd pali nani apia kan bamna, baha ba upla mita daukan, dus bara walpa nani wal daukan dukia nani kan. Baha mita sika sauhki tikan ba.

Lawana Nani 115:4

Idan nani aidulka ba, gul bara silbar nani sa upla bui diara kum ai mihta nani ni paskan ba:

Lawana Nani 115:8

Ya bahmuna aidulka nani dauki ba, baha nani wal baku sa, ya witin nani ra kasak lukbia ba sin.

Lawana Nani 135:18

Baha aidulka nani wal baku sa, ya nani bui paski ba; bara ya nani bui kasak luki ba.

Lawana Nani 97:7

Gâd bahki ra mayuni nani ba sut witin ra bawbia, witin nani baman sa luki banhwi ba sut. ¡Gâd bahki nani sut ba, witin mawanra bawbia!

Aiseya 26:11

Dawan, man upla nani klala yabaia ridi sma, sakuna witin nani baha kaikaia brin daukras; man upla nani ra latwan kaikisma ba ra, witin nani lawaska kakikra takisa. ¡Man kupiam baiwanka pata klauhi mita, angki tikaia pan si!

Aiseya 41:24

Sakuna man nani sika diara apia, dîa daukaia sin sip apia. Saura kulkan kabia, baha uplika bâk saki mai brin nani ba.

Aiseya 41:29

¡Witin nani kumi sin diara apia sa! Diara kumi sin daukras; aidul lilka bahki nani baman.

Aiseya 42:17

Aidul nani ra ai kupia lukra mangki bri nani ba, witin nani ai gâdka nani wi ba: “Man nani ba yawan wan gâdka sma’, witin nani ba swira daukan, kitwi tnaya ra tawi wabia.

Aiseya 42:18

“Kiama prawan nani, man nani wals; blain nani, man nani kaiks.

Aiseya 43:8

“Upliki nani ba man wis balaia, nakra bri sakuna sip kaikras ba, ai kiama brisa sakuna sip walras ba.

Aiseya 43:9

Nisan nani sut asla brih bal, bara nisan nani sut asla taks. ¿Ya witin nani ai tilara bâra sa, naha diara nani sturka ba pat aisin kan ba, yawan ra aisin diara nani blasi kata ba? ¿Apia kaka, diara pat takan ba dukiara aisin ba? Witin nani ai witniska nani wan marikbia bara yawan kaikbia, witin nani aisi ba ai raitka brisa, witin nani walbia bara wibia baha ba rait.”

Aiseya 44:11

Upla sut mayunbia ba, swira lâka ra takaskbia. Aidul paski uplika ba waitna sa. Upla sut ba asla takbia kaka lâ pliska ra swira lâka ra takaskbia, bara sibrin ni banhwan kabia.

Aiseya 44:18

Baha uplika diara nu âpu, tânka sin briras; kan ai nakra nani ba sut blain sa, ai kupia sin baku sa diara tânka briaia.

Aiseya 44:20

Kasak pali sika, yamhpus piaia baku, lukanka bahki ni ai kupia ra kunin munan baha uplika nani sip swak takras kabia. Sip ai dahra wali luki kaikras, ai mihta ra alki ba diara bahki ba.

Aiseya 45:16

Aidul uplika nani sut ba, turban man bara swira sin daukan kabia, lilka papaskra nani sut ba, witin nani ai swira daukka wabia.

Aiseya 45:20

Asla taki bara bal, tawan ra raya takaskan nani ba, laimara bal. Witin nani kau baha nani tânka briras kan ba, baha nani ai aidulka dus ni daukan ba purara buki, bara witin nani gâd kum ra ai pura suni ba swaki sakaia gâdka apia ra.

Aiseya 57:12

Sakuna man daukankam nani aisaisna, dîa man lukisma, kasak wapni sma.

Aiseya 65:13

Baha mita, Dawan ba naku aisin: “Kaiks yang duki dadaukra bri kabia ai pata piaia, sakuna man nani lika plun wauhma; witin nani bri kabia dîa diaia, sakuna man nani lika diran mai dauki kabia; witin nani ai lilia takbia, sakuna man nani lika swira lâka ra takaskma.

Jirimaya 14:22

¿Idan nani aidulka nani ba tila wina bâra sa ki yaka lî auhaia? ¿Kasbrika yakan ban bâra ba wina bara krawi lî auhaia sip sa ki? ¡Apia, Dawan wan Gâdka! Man mita sika baha nani ba blikisma ba, man sika baha warkka sut daukisma; ¡baha mita yang nani lika man bîlam kaikisna!

Jirimaya 2:11

idan nisanka kum ai gâdka swi si gâd wala brisa kaka. ¡Baha nani ban gâd bahki nani sa! Sakuna yang upliki nani ai swin, yang lika witin prana ban sna, sakuna aidul nani diara bahki ba briaia tâwan.

Jirimaya 2:26

“Âimplikra pura baikan piua ra ai swira bri ba baku, Israel ba baku swira takan kabia, upla nani ba, king nani ba, wihta nani ba, prîs nani ba, prapit nani ba sut;

Daniel 11:38

Ban sakuna, kan kahbaika pliska nani gâdka ra mayunbia, ai damika nani bui tânka briras kan ba gâdka ra mayunbia, bara sin yabia gul, silbar, walpa manakira nani bara diara mana tara bri nani ba sin.

Daniel 5:23

Kau ni mapara sma, man king, Gâd Laih Purara iwi ba lawaska kikram sa, tibilkam ra brih balbia paiwram baha kapka sirpi nani bara tara nani Dawan watla ra bri kan ba; bara paiwram uplika nani wal bahara wain laiki dih banhram dawankam nani ra mayunra yaram baha nani gul, silbar, bras, ayan, dus bara walpa ni paskan ba, baha gâd nani sip kaikras, sip walras, bara diara sin tânka briras pali ba. Man mayunras kapram, baha Gâd mihta ra rayakam ba bâra sa, witin mihta ra sa man yabalkam nani sut ba sin.

Roman 1:22

Witin nani bila sinskira nani sa, sakuna witin nani sika kau sinskas ba;

1 Korint 8:4

Baku bamna, aidul nani ra sakripais dauki yan pata ba piaia, yawan kaikisa aidul ba naha tasba ra diara bahki pali sa, bara Gâd kumi baman sa, wala âpu.

2 Korint 4:4

Witin nani sip kasak lukras sa, kan naha tasba gâdka ba mita sinska nakra ba blain daukan; Kraist pranakira smalkanka ingnika ba kaikbia sîa, witinka lika Gâd talia pali ba.

Epesus 4:18

bara witin nani kupia lukra ba tihmia takan sa. Gâd wina raya kaia lâka aula ba, witin nani briras sa, kan sins aitani briras ba mita kupia sin karna pali sa.

Epesus 5:8

Pas piua man nani lika tihmia ra iwi katma, kuna nanara Dawan uplika takram ba mita, ingni ra iwi banhwisma. Bahamna man nani ingni uplika nani baku bas,

Kli Smalkanka 27:15

‘Diara papaskra nani mita ayan slilki aidul lilka kum paski tihmia pliska kum ra swika bâra kabia lahtubanka dukiara, kan baha ba Dawan saura kaikisa.’ Bara upla wibia: ‘Baku kabia.’

Kli Smalkanka 4:28

Dus, walpa aidulka, gâd bahki upla mita daukan ba, sip kaikras sa, walaia sin walras sa, piaia sin piras sa, ai wingka puhbras ba, bahara man nani baha warkka daukma.

Wihta Nani 10:14

Man nani bui gâd bahki nani bâk saki briram gâdka nani ba ra was, witin nani ra hilp makas. Baha nani swaki mai sâkbia sari lâka ra dimram ba wina.”