Aiseya 44:6 - DAWAN BÎLA AISKA

⁶ Dawan, Israel kingka witin ra swaki saki ba, Dawan karnika sut bri ba, witin aisisa: “Yang sika diara sut tâura sna, ningkara sin yang bâra sna ba. Yang tnaiya ra Gâd wala âpu sa.

Aiseya 44:6 ပူးပေါင်းရင်းမြစ်များ

Lawana Nani 86:10

Man baman sika Gâd; man baman tara sma bara diara tara nani daukisma.

Aiseya 33:22

Baha dwarka tara nani kiwa bri ba mahka ba wilki sip alki takaskbia apia; kwalka ba sin witin nani sip sunras kabia. Wan waihla nani dukia kukan ba yawan dakbi bribia. Blain nani pali sin baha dukia wina ai dukia bribia. Bara skahwa nani ba sin impliki briaia warkka daukbia. Kan Dawan ba yawan wan wihtka sa, yawan wan lâka dadaukra, yawan wan kingka, Dawan swaki wan sâkbia.

Aiseya 37:16

“Dawan karnika sut brisma ba, Israel Gâdka, kirubin nani tilara man iwisma ba, man baman sika king tasbaika nani tasba ra ba, Laih Purara Gâd pali sma; man sika tasba bara kasbrika purara pali ba sin daukram.

Aiseya 37:20

Bamna yang nani ra, Dawan wan Gâdka, nanara swaki wan sâks karnikam ba ni, witin nani mihta ba wina mamkabisna, bara king tasbaya nani kaikbia man baman Dawan Gâd sma ba.”

Aiseya 40:18

¿Bamna Gâd lilka ba, man nani bui ya lilka talia daukma? ¿Apia kaka, man nani dîa lilka witin ai talia ba lilka ba wal prakma?

Aiseya 41:14

Dawan wisa: “Israel, Jekob uplika nani, man nani maura lupia bara karnikas sma sakuna, yang lika man hilpkam sna; si bripara. Yang, Israel Gâdka Holikira, man sasakrikam sna.

Aiseya 41:21

Dawan, Jekob kingka witin aisisa: “Aidul nani, bal, man hilpkam aisas, dîa daukisma raitkam aisas.

Aiseya 41:4

¿Ya mita naha warkka daukan sa? ¿Ya, blasi wina adar yaban kiamka nani sturka aisi aula? Yang sika Dawan, Gâd kumi baman ba, tâura bara natka ra ba sin.

Aiseya 42:8

Yang sika Dawan, baha ba yang nini sa, bara yang praina ba upla wala ra yabamna apia. Bara aidul nani ra sin sip mayunras yang sirki ra.

Aiseya 43:1

Sakuna nanara, Dawan naku wisa, Jekob, Israel man mai Papaskra ba, witin naku mai wisa: “Si bripara, kan yang atki mai sakri; ninam mâki mai wîri, man ba yang upliki sma.

Aiseya 43:9

Nisan nani sut asla brih bal, bara nisan nani sut asla taks. ¿Ya witin nani ai tilara bâra sa, naha diara nani sturka ba pat aisin kan ba, yawan ra aisin diara nani blasi kata ba? ¿Apia kaka, diara pat takan ba dukiara aisin ba? Witin nani ai witniska nani wan marikbia bara yawan kaikbia, witin nani aisi ba ai raitka brisa, witin nani walbia bara wibia baha ba rait.”

Aiseya 44:24

Naku Dawan aisisa, man sasakra, witin pat mai paskan kan, kau mai baikras kan ba ra: “Yang sika Dawan, diara sut ba paskisna, yang yakan kasbrika pura nani ba yakabisna, tasba ba sin drabisna, wala hilpka briras kira.

Aiseya 44:8

¡Man nani si bripara, man nani sin tâ iwpara! ¿Blasi pali kankika ba piua wina, maikri man nani walram bara sin mai wîri kan apia? Man nani ba sika yang witniski nani sma. Gâd wala âpu, yang baman; yukuwaia watla wala âpu; kaikras sna wala kra.”

Aiseya 48:12

“Israel, man nani bui yang ra wals, Jekob uplika nani, man nani ra yang mai paiwri ba; yang sika Gâd kumi, wala âpu, sut tâura ba yang lâs ra sin yang baman.

Aiseya 48:17

Dawan bui man ra atki mai sasakra ba, naku win, Israel Gâdka Holikira ba: “Yang sika man Dawan Gâdkam; yamnika uya man ra takaia ba mai smalkisni, yabal bâk wapaia tâm brisna.

Aiseya 54:5

kan mai papaskra ba, ai maya mairin mai bribia; ai nina ba Dawan karnika bri ba; man sasakrikam ba, Gâd Holikira, Israel wina ba, tasba aiska Gâdka ba.

Aiseya 59:20

Saion atki sasakra baku balbia, Jekob kiamka nani ai saurka wina ai kupia lakan nani ba sin sasakrika baku. Dawan, baha kasak aisisa.

Aiseya 63:16

¡Man sika yang nani aisiki! Ban kra, Ebraham yawan wan kaikras wibia kaka, Israel sin yawan ra wan lukras kabia kaka, man, Dawan, man sika wan aisika; patitara wina man sika, yang nani sasakriki.

Jirimaya 10:1

Israel luhpia nani, Dawan bui man nani ra mai smalki na wals.

Jirimaya 50:34

Sakuna witin ra swaki sasakra ba sip pali sa, ai nina ba Dawan karnika sut brisa. Kasakka lâka ba witin mita daukbia; kupia kumi lâka ba ai uplika nani kuntrika ra yabia, bara sirang tara iwaia ba Babilon uplika nani ra yabia.”

Malaquía 1:14

¡Saura pali kabia baha uplika ra ai daiwra daknika wina daiwan sunu kum, sakripais dauki aikaia wisi, watlika ra daiwan skahwa kum aiki ba! Yang sika King Tara, nisan nani sut yang ra sibrin lukisa.” Karnika sut bri Dawanka ba naha aisisa.

Matiu 25:34

Bara King ba ai aihkika ra nani ba ra wibia: ‘Bal, man nani, Aisiki mita yamni mai munan nani sma ba; king tasbaya na man nani dukiam wisi Gâd tasba paskan wina ridi dauki ban bri ba, bri banhs.

Matiu 27:37

Ai pâtka tânka ba dukiara, lal purara bîla nani ulbi mangkan. Ulbanka ba naku kata: “Naha sika Jisas, Ju nani Kingka ba.”

Kli Smalkanka 32:39

Yang yakan Gâd sni; yang wina gâd wala âpu sa. Yang rayaka yabisni, bara kli mihta dakbisni; yang siknis yabisni, bara kli rakisni. ¡Upla âpu sa yang karniki wina dakbi mai sâkbia!

Kli Smalkanka 4:35

Baku marikan tânka briaia, Dawan Gâd ba aihwakira sa, witin wina wala âpu.

Kli Smalkanka 4:39

“Baku ba mita, sinskam ra pain ulbi mangks Dawan ba Gâd sa, kasbrika pura bara tasba ra sin witin baku wala âpu sa.

Kli Smalkanka 6:4

“Wals, Israel: Dawan wan Gâdka ba Dawan kumi sa.

1 Timoti 3:16

Upla kumi mita sin Gâd ra luki kaia, dahra prakan tânka tara ba sip apia wiras: Gâd ba upla baku latan takan; witin ba Spirit mita kasak kulkan kata, bara insal nani mita sin witin ba kaikan. Ai tânka ba nisan nani tilara aisi smalkan kata, upla sut mita witin ra kasak lukan, bara kasbrika purara sin witin ba bri banhwan kata.

Param Marikanka 1:11

bara yang ra ai win: “Dîa dîa kaikma ba sut wauhtaya kum ra uls, bara 7 serts Asia ra ba ra blîks, baha ba naha nani sa: Epesus, Esmirna, Pergamum, Tiatira, Sardes, Filadelfia, bara Leodisia.”

Param Marikanka 1:8

“Yang sika tâ bara tnata lâs ba sin,”, Dawan karnika sut bri ba baku wisa, witinka bâra ban ba, kan wina sin ban kan ba, bara balaia ba sin.

Param Marikanka 2:8

“Esmirna sertska insalka ra sin ulbi wis: ‘Tâ ba bara tnata ba sin, witinka pruan bara kli raya ba mita, naku wisa:

Param Marikanka 22:13

Yang sika A yang sika Y, pas, lâs, tâ ba bara lâs ba.”