Aiseya 44:5 - DAWAN BÎLA AISKA

⁵ Bara tila wina kum wibia: ‘Yang sika Dawan uplika sna’; wala wibia: ‘Yang nani Jekob kiamka sna’, bara wala nani ba ai mihta ra ulbia: ‘Yang Dawan prapatika sna’, bara wala nani ba ai nina Israel mâkbia.”

Aiseya 44:5 ပူးပေါင်းရင်းမြစ်များ

2 Kronikas 36:23

“Ciro, Persia kingka, naku lâ mangkisa: Dawan ba, kasbrika purara nani Gâdka ba, yang mihti ra mangkan sa tasba ra king nani ba sut, bara sin ai win sa ai tempelka kum Jerusalem ra paskaia, baha lika Juda tasbaya pîska ra. Baku bamna, man nani tilamra Dawan uplika sma kaka, bahara was bara Dawan Gâdkam bui hilp mai munbia.”

Nihimaya 9:38

Bamna baha sut takan ba tâka mita, yang nani ulbi kasak pramis takisna, bara wauhkataya ba ra yang nani wihtki nani, Libait nani, prîs nani ai nina ulbi sîl prakan.

Lawana Nani 116:16

¡Man Dawan, yang na man albikam sni! ¡Yang lika man nampakan mairin luhpia waitna sni! Man kiwa nani ai wilkan ba wina ai lanhki ai sakram.

Impakan Sturka 13:9

Dawan ai karnika tara wal Idsip tasbaya wina bri sal mai sakan, bahamna baha yua ba yarka sain kum klamhkla ra wilkan baku, lamla purara sin mark kum mangkan baku prais damra wali baku, man nani kupiam krauki kama. Dawan lâ daukan ba dukiara sin piua bani ra ban aisi kama, kan witin ai karnika tara wal man nani Idsip tasbaya wina mai sakan bamna.

Aiseya 2:3

upla sâtka nani ailal ba aisabia: “Bal, man nani, kaisa Dawan ilka ra uli waia, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan, witin ai yabalka nani ra wapbia.” Kan Saion wina sika, Dawan lâka smalkanka nani ba bal takbia, Jerusalem wina ai bîla balbia.

Jirimaya 50:5

Saion ra waia yabalka ba makabi walbia, bara naku aisi baha tani ra wabia: ‘Kaisa Dawan ra yawan waia, lâ kum daukbia witin wal asla ban kaia lâka, kli sin wan âuya tikaia apia.’

Miqueas 4:2

upla sâtka nani ailal naku aisi balbia: “Bal, man nani, kaisa Dawan ilka ra uli wap, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan lika witin ai yabalka nani ra wapbia.” Kan Saion wina sika Dawan lâka smalkanka nani ba bal takbia, âu, Jerusalem wina ai aisanka balbia.

2 Korint 8:5

Yang nani briaia luki kapri ba wal kau pura dauki banhwan, kan witin nani ai wîna ba yan, Dawan ra pas, bara baha ningkara yang nani ra, Gâd kupia lâka ba kat.

Galesha 6:16

Bamna, baha smalkanka kat dauki nani ba sut, kupia kumi lâka bara umpira kaikan lâka bri kabia, bara Gâd uplika pali nani ba sin bribia.

Galesha 6:17

Bara nanara wina brin ai daukras upla trabil ai munaia; mark nani wîni ra brisna ba mita marikisa, yang na Dawan Jisas napakanka sna.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.