Aiseya 44:26 - DAWAN BÎLA AISKA

²⁶ Sakuna yang duki dadaukra aisan ba, yabri daukisa bara bâk saki briri uplika ba lukanka nani ba pain baman takbia. Yang param sakisna, Jerusalem ba kli upla iwan kabia, bara Juda tawanka nani ra sin. Yang daukamni, kli bukan kabia slingwanka nani ba wina.

Aiseya 44:26 ပူးပေါင်းရင်းမြစ်များ

2 King Nani 7:16

Upla nani ba taki wan, bara Siria uplika nani dukia kan ba sut brin. Bara plawar ba atkan upla nani ra batil 7 ba silbar mâ kumi mana, bara barli mâ batil 15 ba silbar mâ kumi mana atki kan, dîa Dawan bui aisan kan ba kat.

2 King Nani 7:18

Bara dîa prapit aisan kan ba king ra, baku takan: Sameria dimaika ra plawar batil 7 ba silbar mâ kumi baman ni atkbia, bara barli mâ batil 15 ba silbar mâ kumi baman ni atkbia.

2 King Nani 7:20

Bamna rait baku takan, kan tawan uplika nani ba mita tawan dimaika kat taibi ikan.

Esdras 2:70

Bara prîs nani, Libait nani bara tawan uplika nani kum kum ba Jerusalem kat takaski ai watla mâkan, bara aiwawanra nani, dur aihwaki kakaira nani, tempel warkka dadaukra nani, baku sin Israel luhpia nani kau bâra kan nani ba lika, ai tawanka nani kat takaskan.

Nihimaya 1:3

Bara witin nani naku ai wi banhwan: “Baha nani priski brih waras, upla iwras pliska wina swak takan nani ba, ai tasbaya ra witin nani saura pali swira lâka tara tilara bâra banhwisa. Bara Jerusalem sin, walpaya kutbanka kata ba sin aiska pali batakan sa, bara getka nani ba sut sin pauta ni angkan luan sa.”

Nihimaya 2:3

bara yang bui king ra wîri: —¡King tara, piu bani raya ban kama! ¿Nahki muni yang maiwan ba ban lilia kabia, kan yang aisiki nani bikan tawanka ra raitika ba sut slingban, bara getka nani ba sin sut pauta ni angki sauhkan ba?

Lawana Nani 102:17

Hilpkas nani pura sunra ba walma, bara man, witin makabanka ba walras kapara.

Lawana Nani 69:35

Bamna Dawan Saion ba swaki sâkbia bara Juda tawanka nani ba kli paskbia. Bara witin nani bahara kli iwbia, bara ai dukia bribia. Bâra mika kiamkam ba, ai tasbaya ba bribia, baku sin ani uplika nani man ra latwan mai kaiki nani ba bahara ai watla brih iwbia.

Smasmalkra 3:3

Ikaia piua bâra sa, rakaia piua sin bâra sa. Sauhki tikaia piua bâra sa, bara paskaia piua sin bâra sa.

Aiseya 40:9

Saion wina maisa papakra, man il kum purara ba ra uls; bîlam baikra ba karna wins; karna wins, si bripara, Jerusalem, Juda tawanka tara nani ra wis: “¡Man nani Gâdkam ba kaiks nâra sa!”

Aiseya 42:19

Upla kumi sin blain bara kiama prawan wina wala âpu sa yang duki dadaukra, bâk saki briri ba baku, upla wala âpu sa kau blain bara kiama prawan yang bîli twatwilkra Dawan dukia dadaukra ba baku.

Aiseya 42:9

Kaiks nahki bal aimakan ba diara nani kanra aisari nani kata ba. Bara nanara diara raya nani takaia ba dukiara aisaisna, baha nani maikrika tânka brisma kau bal takras ba kainara.”

Aiseya 49:8

Dawan ba wisa: “Piua nani balan sa yang kupi yamnika lâka ba mamrikaia, bara mai aisari; swak takan lâka ba balan sa, bara hilp mai munri. Yang kainam kahbri man dukiamra tawan wal lâ daukri ba, kuntri ba kli paskaia, yabrika tasba sauhkan bîla man ba kli ai mihta ra bribia dukiara.

Aiseya 52:9

¡Jerusalem, liliam mita mayunra tara ba aiwans, Jerusalem slingwanka nani Dawan lika ai uplika nani ba umpira kaiki bamna, Jerusalem ba atki sakan bamna!

Aiseya 54:3

kan man pliskam ba kau drabaisma, aihkikam ra bara smihkam tani ra; man kiamkam nani ba nisan ailal pura lubia, tawan nani bîla man swin, upla iwras tawanka nani ba ra iwbia.

Aiseya 55:11

baku kabia yang bîli wina taki ba, bîli nani ba, mâ sakras kli yang ra tawi balbia apia, sakuna dîa daukaia brin ai dauki ba baha daukbia, blikri ba kat takbia.

Aiseya 58:12

Uplikam nani ba tawan almuk sauhkanka nani ba paskbia; handat mani nani luan ra playka nani bapan ba kli karna daukbia, bara nina ba mâkan kabia ‘tawan kutbanka kauhanka papaskra nani ba’, ‘yabal aisawan nani ba kli papaskra, upla bahara iwaia dukiara.’

Aiseya 60:10

Bara tringsar nani ba mita tawankam ba kutbia, bara ai kingka nani ba man nani dukiam daukbia; kan ban kra Dawan ba ai kupia baiwanka ra klala maikan, nanara ai kupia yamnika lâka ra man ra umpira mai kaikan.

Aiseya 61:4

Tawan almuk slingwanka ba, witin nani kli paskbia, utla slingwan bîla man swin nani ba sin, kli paskbia, tawan kutbanka slingwan nani ba sin kli paskbia.

Jirimaya 1:10

“Yang aisaia sna ba man unam ra mangkisna, bara naiwa karnika sut maikisna king nani purara, nisan nani purara sin, daikaia, batakaia, sauhki tikaia, kriki tikaia, baku sin paskaia bara mangkaia.”

Jirimaya 28:9

Sakuna prapit kum diara yamni nani takaia dahra aisisa kaka, witin aisin ba bîla kat takbia kaka baku sip sa tânka marikaia baha ba kasak pali Dawan mita blikan.

Jirimaya 30:18

Dawan aisisa: “Jekob nisanka tasbaya ba kli yabamna, ai kuntrika ba ra luki kupi swapni takbia; tawan nani slingwanka ba purara kli paskbia, utla tara nani ba watlika kat mâkbia.

Jirimaya 31:4

Kli mai paskamni, Israel. Kli balma pulaia dukia nani wal bara lilia dans puli kira.

Jirimaya 32:15

Dawan karnika sut bri ba, Israel Gâdka ba, naku aisisa: Naha tasbaya ra naika upla nani kli balbia utla nani, wain nasla nani atki briaia.’

Jirimaya 32:44

Tasbaya ba witin nani atkbia ba ra, atkan wauhkataya nani ulban ba sîl prakan ba witnis nani ai nina ulban ba sin kaikbia. Baha baku takbia Benjamín tasbaya ra, Jerusalem kir bara Juda tawanka nani ba sut, il nani tasbaya ba twi langni nani ba sut, Négueb tawanka nani ba, yang daukamna baha uplika nani sut kli tawi balaia. Yang, Dawan, kasak aisisna.”

Jirimaya 33:7

Juda uplika nani Israel luhpia nani ba kli bri balamna, bara blasi witin nani nahki pain kan ba kli baku kaia daukamna.

Isikiel 36:10

Yabrika Israel ra iwi nani ba ailal pali takbia. Tawanka nani ba upla nani ni banhkamna, bara sauhki tikan nani ba kli paskbia.

Isikiel 38:17

‘Yang Dawan sna ba, naku wisni: Man ra sika piua luan ra aisi katna ba, duki dadaukra nani bâk, Israel prapitka nani; witin nani baha piua ra maisa pakan yang maikri balma Israel purara kauhaia.’

Daniel 9:12

Bamna man klala tara yang nani purira blikram, bîlam aisaram ba kat dauki tnata alkram sa, yang nani ra bara wan tasbaya wihtka nani ra sin; bamna, Jerusalem purara klala balan ba baku kau wala âpu sa naha tasba purara.

Daniel 9:25

Naha na kasak pali tânka brin kaia sa: Baha adar maikbia ba wina, kli tawi aidrubi balbia bara Jerusalem ba kli paskan kabia, baha wan wihtka tara ba balbia ba kat, wik nani matlalkahbi luan kaia sa, bara yabal nani Jerusalem tawan kutbanka nani ba kli raya paskan kabia, sakuna 62 wik lubia ra, sari lâka tara piua nani kabia.

Emus 9:14

Upliki Israel nani priski tasba wala ra brih wan ba, yang kli bri balamna, tawanka nani sauhki swin kabia ba sin, witin bal kli paski bahara iwbia, wain nasla nani sin daukbia, wain laya sin di kabia, insla nani dauki plun mangki ai pata mâ nani saki pi kabia.

Hageo 1:13

Hageo, Dawan bîla dahra aisasara ba, Gâd nina ra witin nani ra aisin: “Yang, Dawan, kasak aisisna: Yang lika man nani wal sna.’ ”

Sakaraya 1:17

Baha purkara, insal sin ai win naha na latan aisamna: “Karnika sut bri ba Dawanka, naku wisa: ‘Yang tawanki nani kli yamni pali taki kabia; Saion ra kli maisa nihkaia sna, bara Jerusalem ba bâk saki brisna, tawan baku kli kulkaia.’ ”

Sakaraya 1:6

Ban sakuna, yang bîli nani, lâika nani sin naipakan prapit nani ra aisi smalkri ba, damikam nani baha ba pain wali banhwan kata. Bara witin nani ba yang ra tawi balan, ai dara sin walan, yang, karnika sut alki brisna Dawanka, witin nani ra munri ba, witin nani dîa ai daukanka bri ba praiska kat mana briaia kan ba.’ ”

Sakaraya 12:6

Baha piua ra Juda wihtka nani ba masku aswi baku daukamna pauta tilara, pauta klauhan kum baku plawar mâ dâki wilkanka nani tilara. Witin nani mita nisan nani ai aihkika ra bara ai smihka ra, ai lamara iwi nani ba sut âpu daukbia, sakuna Jerusalem uplika nani ba kli tawi bal ai tawanka ra iwi kabia.

Sakaraya 2:4

bara witin ra naku aisin: “Plaps, kulki kaikaia kiwka brih auya wahmika ra wis: ‘Jerusalem ra upla nani kli wih iwaia sa, bara upla ailal, daiwan sin ailal pali bahara kabia bamna, tawan ba walpa kutbanka nani bilara kabia apia.

Matiu 26:56

Sakuna naha na naku takisa, prapit nani Ulbanka ra win ba aimakaia dukiara. Bara disaipil nani sut Jisas ba yakan swi si, plapan.

Matiu 5:18

Kan kasak man nani ra mai wisna, kasbrika purara bara tasba na kau ban kabia piua ra, mark lupia kumi, bîla sainka lupia kumi sin lâ ba wina sâkbia apia, dîa dîa takaia ba takbia kat.

Luk 24:44

Ningkara, witin bila: —Dîa yang ra takan ba tânka sika sut mai wîri, kau man nani wal katna ba ra: Baha ba sut aimakaia kan, yang dukira dîa Moses lâka ra ulban ba, prapit nani Ulbanka ra ba, bara Pura Sunra Lawana nani ra sin.