Aiseya 44:24 - DAWAN BÎLA AISKA

²⁴ Naku Dawan aisisa, man sasakra, witin pat mai paskan kan, kau mai baikras kan ba ra: “Yang sika Dawan, diara sut ba paskisna, yang yakan kasbrika pura nani ba yakabisna, tasba ba sin drabisna, wala hilpka briras kira.

Aiseya 44:24 ပူးပေါင်းရင်းမြစ်များ

Job 26:7

Gâd mita kasbrika purara ba mangkan sa diara âpu pali tilara, bara tasba ba ban pami swin sa, diara âpu ba purara.

Job 31:15

Gâd kumi ba mita sika wan yapti biara ra paski wan mangkan, witin nani wal baku rayaka wankan sa.

Job 37:18

¿Sip sma ki Gâd ra hilp munaia, kasbrika pura ba kau tara daukaia, bara baha ba aibapi ban swima, bras ni dus wahia daukan aibapi baku?

Job 9:8

Witin lika upla kumi wina hilpka briras kasbrika ba paskan, kabu daiwra saura ba sin ai mina ra taibi ikan.

Lawana Nani 104:2

man ingni kwalka ni mai srukan sa. ¡Kasbrika purara ba, dur kwalka baku pamisma!

Lawana Nani 136:6

Witin sika, tasba lî nani purara ba sins lâka ni paskan, ai latwanka lâka ba ban kaia ra ban sa bamna.

Lawana Nani 71:6

Ban sin kau yang yaptiki biara ra katna ba wina, man ra tâi baiki kapri. ¡Man bui sika aikram aisubi takaia! ¡Bamna yang bui man ra piua sut mai mamyuni kamna!

Lawana Nani 78:35

Baku sika, Gâd Laih Purara iwi ba ra ai kupia kraukan, ai kan kahbi bara atki sakata ba ra.

Aiseya 40:22

Witin tasba kutbanka na purara kasbrika baila wala ra iwisa, tasba ra nani ba tristrisia nani baku sa; witin kasbrika purara ba slingbi sakisa kwala kum baku, trapalin watla baku bahara palkisa.

Aiseya 41:14

Dawan wisa: “Israel, Jekob uplika nani, man nani maura lupia bara karnikas sma sakuna, yang lika man hilpkam sna; si bripara. Yang, Israel Gâdka Holikira, man sasakrikam sna.

Aiseya 42:5

Dawan Gâd ba, kasbrika pura nani papaskra sa, witin sin baha nani slihbi saki ba; witin sika tasba ba paskan bara witinka ra sin pâwi ba, rayaka yabi bara wingka puhbra sin yabisa, upla nani iwi nani ra, ai dukia dadaukra ra wisa:

Aiseya 43:1

Sakuna nanara, Dawan naku wisa, Jekob, Israel man mai Papaskra ba, witin naku mai wisa: “Si bripara, kan yang atki mai sakri; ninam mâki mai wîri, man ba yang upliki sma.

Aiseya 43:14

Dawan, Israel Gâdka Holikira ba, witin mita pri sakan ba, aisisa: “Upla nani Babilon ra blikamna, man nani swaki mai sakaia tâwan bara yang daukamna get nani ba sut param sakaia, Caldea uplika nani liliaka ba sari ra tawaia.

Aiseya 43:7

yang nini bri nani ba sut, witin nani ra yang bui paskri bara daukri ba, yang bui witin nani paskri ba maiyunra ba daukaia.’

Aiseya 44:2

Yang sika Dawan, man mai Papaskra, kau aisubi takras kapram piua ra pat mai paskan kan, bara hilp mai muni ba. Si bripara, Jesurún, Jekob uplika nani, upla dukia dadaukra sakri ba,

Aiseya 44:6

Dawan, Israel kingka witin ra swaki saki ba, Dawan karnika sut bri ba, witin aisisa: “Yang sika diara sut tâura sna, ningkara sin yang bâra sna ba. Yang tnaiya ra Gâd wala âpu sa.

Aiseya 45:12

Tasba ba yang paskri bara baha purara upla nani ba sin, yang mihti nani ni kasbrika pura nani ba param sakri, slilma ailalka nani ba sut yâri takan.

Aiseya 45:18

Kasbrika pura Papaskra ba, witin sika Gâd bara Dawan ba, tasba ba dauki bara paskan ba, witin watlika ra bapi mangkan ba, witin baha paskan ba, bilara diara âpu kaia dukiara paskras kan, sakuna upla nani bâra iwi kaia, witin aisisa: “Yang sika Dawan, bara wala âpu.

Aiseya 45:7

Ingni ba daukisna bara tihmia tara nani ba sin, kupia kumi lâka daukisna bara mapara buanka ba sin. Yang Dawan, yang naha diara nani sut ba daukisna ba.

Aiseya 45:8

“Yang pura luaia karnika ba blikamna, diwas laya baku kasbrika pura ba wina, bara lî auhbia kasbrika nani ba wina bara tasba ba bribia; mâ baku bal takbia swak takan lâka ba bara ai tnaya ra urhwi takbia kasakka lâka ba.”

Aiseya 48:13

Tasba playka na sin yang mihti ni bapri, bara mihti aihkika ba, mihti sirpika bilara kasbrika pura nani ba kulki kaikan; yang bui witin nani ra winri bara bal asla taki maiwanra buan.

Aiseya 48:17

Dawan bui man ra atki mai sasakra ba, naku win, Israel Gâdka Holikira ba: “Yang sika man Dawan Gâdkam; yamnika uya man ra takaia ba mai smalkisni, yabal bâk wapaia tâm brisna.

Aiseya 49:1

Kabu un ra iwi nani sma ba, man nani laihura iwisma ba sin sut, aman yang ra wals: Dawan ai paiwan, kau yang aisubi takras kapri piua wina; kau yang yaptiki biara ra kapri nini mâkaia ba ai kupia lukra ra brin.

Aiseya 49:26

Mai tataibra nani ra taibi munamna ai wîna ba piaia, ai tâlia ba sin wain baku di bla takaia. Baku upla sut tânka bribia yang, Dawan, yang bui man mai swaki mai sasakra sna ba; yang, karnakira ba Jekob wina, yang sika man pri mai sasakra.”

Aiseya 49:7

Dawan, Israel Gâdka holikira, pri sasakra ba wisa tawan nani aiska pali lulki swin ba ra upla wala nani bri misbara kaiki ba, upla tataibra nani albika nani takan ba: “King nani ba bara king luhpia nani sin mai kaikbia ba ra, witin nani ba bal mamwanra bawbia, kan yang, Dawan, Israel Gâdka Holikira, bâk mai sakri yang dîa daukaia ba sut man ra aimakbia.”

Aiseya 51:13

¿Dawan mai papaskra ba, pat âmya tikaisma, witin kasbrika pura nani ba bri sal saki bapan ba? ¿Bara man yu aiska ban sibrin tatatwi ban kaisma, baha nani ai kupia baikanka ra sarkam paski ba dukiara, witin nani mai slingbi tikaia ridi taki buan ba sîa? ¿Sakuna kupia baiwanka ra sarkam paski nani ba anira sa?

Aiseya 54:5

kan mai papaskra ba, ai maya mairin mai bribia; ai nina ba Dawan karnika bri ba; man sasakrikam ba, Gâd Holikira, Israel wina ba, tasba aiska Gâdka ba.

Aiseya 54:8

Kupi baiwanka wiria lupia ba wal yang maiwan ba man wina piu prahni yukukri kan; sakuna umpira mai kaikan lâka ban kaia ba wal man dukiamra kupi swapnika lâka brimni.” Dawan mai swaki sasakra ba, baku wisa.

Aiseya 59:20

Saion atki sasakra baku balbia, Jekob kiamka nani ai saurka wina ai kupia lakan nani ba sin sasakrika baku. Dawan, baha kasak aisisa.

Aiseya 60:16

Plun kau pain ba nisan nani wina man ra maikbia, king nani ba diara kukan manis man ra brih balbia; bara man ai kakaira takma Dawan ba, yang, yang na man mai swaki mai sasakra.

Aiseya 63:16

¡Man sika yang nani aisiki! Ban kra, Ebraham yawan wan kaikras wibia kaka, Israel sin yawan ra wan lukras kabia kaka, man, Dawan, man sika wan aisika; patitara wina man sika, yang nani sasakriki.

Jirimaya 10:12

Dawan, ai karnika ni tasba paskan; ai sinska lâka ni tasba aiska karnika bapan; sins bri ba lâka ni kasbrika pura aiska ba paskan.

Jirimaya 50:34

Sakuna witin ra swaki sasakra ba sip pali sa, ai nina ba Dawan karnika sut brisa. Kasakka lâka ba witin mita daukbia; kupia kumi lâka ba ai uplika nani kuntrika ra yabia, bara sirang tara iwaia ba Babilon uplika nani ra yabia.”

Jirimaya 51:15

Dawan, ai karnika ni, tasba paskan; ai sinska lâka ni tasba aiska karnika bapan; sins bri ba lâka ni kasbrika pura aiska ba paskan.

Sakaraya 12:1

Naha bîla nani sika Dawan, Israel dukiara aisisa. Kasbrika purara paskan ba, tasba playka tara bapan ba, upla ra sin rayaka yan Dawanka ba, kasak aisisa:

Jan 1:3

Witin bâk Gâd mita diara sut paskan, witin âpu kira diara nani bâra ba, kumi sin paskras kata.

Galesha 1:15

Sakuna yang kau aisubi takras kapri wina, Gâd pat bâk ai saki ai brin kan, bara witin uya pali latwan lâka bri ba mita ai paiwan. Witin baku brin daukan bamna,

Epesus 3:9

Bara adar sin aikan upla sut yarka kaikbia, Gâd patitara piua wina diara yukuki bri kan ba dîa kata sapa, witinka sika diara nani sut paskan ba.

Hibru Nani 1:2

bara nanara naha tnata yua nani na ra lika, witin mita ai Luhpia bâk wan aisin sa. Naha Luhpia na bâk Gâd mita tasba nani na paskan, bara diara nani sut ba witin mihta ra swin sa.

Param Marikanka 5:9

Witin nani naha lawana raya na aiwani kan: “Man lika wauhkataya ba briaia bara sîl nani ba krikaia sin aitani sip sma. Kan man lika mai ikan kata, bara tâliam ni yang nani na Gâd luhpia nani wisi wan atkram, taya sâtka bani wina, bîla sât aisi ba wina, nisan sâtka bani wina sin.