Aiseya 44:23 - DAWAN BÎLA AISKA

²³ ¡Kasbrika pura, liliakira wins Dawan daukan ba dukiara! ¡Wins raya sa, tasba tihuka nani pali ba! ¡Il nani bara unta ra dus tara nani sin, liliakira wini banhs; kan Dawan ai prana ba marikan, Israel luhpia nani ba swaki sakan bamna Jekob uplika nani ba!

Aiseya 44:23 ပူးပေါင်းရင်းမြစ်များ

1 Kronikas 16:31

¡Kasbrika pura bara tasba ba sin lilia takbia! Kiamka wala nani ra wibia: ‘¡Dawan ba king sa!’

1 Kronikas 16:32

¡Kabu tara ba dîa bilara bâra nani ba sut sin bin tara daukbia! ¡Tasba ba bara dîa bilara bâra ba sin lilia takbia!

1 Kronikas 16:33

¡Unta ra dus nani pâwi ba, lilia binka daukbia, Dawan witinka naha tasba wihtka aimakaia aula ba mawanra!

Lawana Nani 148:7

Dawan ra mayuns tasba ba wina, daiwan saura tara nani kabu ra ba, bara kabu tihuka tara nani ra ba sin.

Lawana Nani 148:9

Il nani, kiuhsi nani sin sut. Yalam nani bara dus mâ yabi nani ba sut.

Lawana Nani 65:13

Twi langni nani ba, sîp nani ailal ni banhwan sa, twi langni il bîla nani kata ba, plawar mâ baman pâwan sa, bara upla sut aiwani, winisa lilia ba mita.

Lawana Nani 69:34

¡Kasbrika purara, tasba bara kabu ra, rayaka bri dukia nani sut ba, Dawan ra mayuns!

Lawana Nani 69:35

Bamna Dawan Saion ba swaki sâkbia bara Juda tawanka nani ba kli paskbia. Bara witin nani bahara kli iwbia, bara ai dukia bribia. Bâra mika kiamkam ba, ai tasbaya ba bribia, baku sin ani uplika nani man ra latwan mai kaiki nani ba bahara ai watla brih iwbia.

Lawana Nani 89:13

Man klamhkla ba karna pali sa; man mihtam aihkika ba karna sa, bara pura lalura sa.

Impakan Sturka 18:9

Jetró lilia takan Gâd nahki Israel luhpia nani ra ai kupia yamni lâka uya marikan ba dukiara. Idsip uplika nani karnika wina swaki sakan ba.

Aiseya 12:5

Man nani bui Dawan ra aiwans, kan witin diara tara pranakira dukia nani daukan bamna; tasba aiska ba mita, baha tânka bribia.

Aiseya 26:15

upla nani ba man mita ailal daukram, Dawan, man upla nani ba ailal daukram, witin nani man pramna dukiara, tasba aiska lainka nani kat man bui upla nani ba yakabi lakram.

Aiseya 43:1

Sakuna nanara, Dawan naku wisa, Jekob, Israel man mai Papaskra ba, witin naku mai wisa: “Si bripara, kan yang atki mai sakri; ninam mâki mai wîri, man ba yang upliki sma.

Aiseya 43:7

yang nini bri nani ba sut, witin nani ra yang bui paskri bara daukri ba, yang bui witin nani paskri ba maiyunra ba daukaia.’

Aiseya 46:13

Yang daukisna swaki sakanka warkka brisna ba lamara balbia; yang swaki sakangki ba takaskras aula, laihura apia sa. Saion ra swaki sakan lâka yabamni bâra sa, bara yang praina ba Israel ra sa.

Aiseya 49:13

¡Kasbrika laih purara, mayunra lawana nani aiwans! ¡Bara tasba sin lilia tara ni banhs! ¡Il nani, man nani mayunan binka tara dauks! Kan Dawan lika ai uplika nani ba maisa nihkan bamna, baha nani umpira ba dukiara luki kaikan bamna.

Aiseya 49:3

Bara ai win: “Israel, man ba yang duki dadaukra sma, man ra ni yang praina daukamni.”

Aiseya 52:9

¡Jerusalem, liliam mita mayunra tara ba aiwans, Jerusalem slingwanka nani Dawan lika ai uplika nani ba umpira kaiki bamna, Jerusalem ba atki sakan bamna!

Aiseya 60:21

“Bara man uplikam nani ba sut, kasakkira nani baman kabia, tasba na ai dukia bribia ban kaia ra; yang mita mangkri ba urhwi takisa, yang mihti warkka nani pali ba, yang maiyunaia dukiara.

Aiseya 61:3

Saion ra, sari bri banhwi nani ba ra, kraun kum yabaia yamhpus ra iwi ba watlika ra, ini ba watlika ra lilia kaia isintka yabamna, bîla kaikanka âpu ba watlika ra mayuni aiwanaia lawana nani, witin nani nina ba “pura lalura dusa nani” mâkan kabia. Dawan mita ai prana ba marikaia mangkan nani ba.

Jirimaya 31:11

Kan Dawan ba Jekob tawanka ba kli bukan, nisan kau karnakira ba wina pri lâka daukan.

Jirimaya 51:48

Kasbrika purara tasba ra diara nani bâra ba sut lilia banhwi kabia Babilon kauhbia ba ra, sasauhkra nani ba yahbra wina witin ra balbia ba ra. Yang, Dawan, kasak aisisna.

Isikiel 35:14

‘Bamna naku wisni, yang, Dawan ba: Tasba aiska lilia takbia, mai sauhki tikamna piua ra.

Isikiel 36:1

“Bara man, upla luhpia, yang nini ra Israel ilka nani ra aisas bara wis, bîli na walbia.

Isikiel 36:8

Israel ilka nani man nani mampara, natka wala ra, dus tara nani bara mâ ailal, yang upliki man nani dukiam bâra kabia, pat kli tawi balaia sma piua ba baila sa bamna.

Isikiel 39:13

Upla sut ba diara dauki kabia naha nani bikaia, bara kulkanka kum kabia witin nani mapara. Baha yua ra yang pranakira param takamna. Yang, Dawan, kasak aisisna.

Epesus 3:21

¡Serts ra bara Kraist Jisas ra, Gâd ba mayunan kabia, piua nani sut ra, bara ban kaia ra ban kabia! Baku kabia.

Epesus 4:9

¿Bamna, “purara uli wan ba”, dîa tânka sa ki? Baha tânka sika, witin pas tâura tasba kau mâyara pali iwi wan.

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.

Param Marikanka 12:12

¡Bamna, kasbrika purara nani sma ba, liliam taki bas, man nani bahara iwisma ba! Sakuna tasba ra bara kabu ra iwi nani ba mapara lika alai pali kabia, kan dibil ba man nani ra iwan sa, ai kupia sin baikan sa, kan witin kaikisa kau piua wiria baman brisa bamna.”

Param Marikanka 18:20

Sakuna, man, kasbrika pura, liliam bas, baha tawanka tara ba tâka; man nani liliam bas, Gâd uplika nani sma ba, apastil nani bara prapit nani, kan Gâd mita witin ba pât ra lakan ba ra, kasakka lâka ba man nani ra daukan sa.